عجبانى الاوبترا بس لاحظت ان الموديلات كلها شبه بعض

[tekas]

انا عجبانى الاوبترا ....بس لاحظت ان الموديلات كلها شبه بعض ..ازاى الواحد يعرف ان دى موديل السنة


وايه عيوب العربية دى بصراحة ؟ وشكرا

[AbOnOrA]

اعتقد بيبقى مطبوع على الحوض مع باقى بيانات العربيه وطبعاً هتلاقيه فى الرخصة وفى الدوسية بتاعها فى المرور ثم من الكماليات والاوبشن اللى فيها اوريجنال

[sherifabden]

زي ما استاذ ابونورا قالك
اما عن العيوب فبمنتهى الصراحة
انا معرفش اي عيوب للعربية
وتقبل تحياتي

[abdohtaby]

العربيه جميله اوي اوي اوي اوي اوي قعدت معايا 7شهور تقريبا وبعدان بيعتها علشان اتزنقت شويه وبعد كده جبت كورولا 2007 وبعتها بعد يومين علشام معجبتنيش خاااااالص وعيوب العربيه بصراحة في 7شهور مشفتش فيها عيوب وتقبل مروري

[Elsebily]

علي فكره العربيه جميله كانت معايا ومشفتش منها الا كل خير
ولكن برضو عشان اكون واقعي اولا مفيش عربيه مفيهاش عيوب وعشان كده هقولك مميزات العربيه وعيوبها
اولا مميزاتها :-
1-ثبات عالسرعات العاليه
2- الصالون واسع لو انت عاوز عربيه عائليه
3- قطع غيار متوفره وسعرها حنين إلي حد ما
4- توكيل جيد
أما العيوب:-
1-مفيش وسائل أمان زي الايرباج او فرامل اي بي اس ومش عارف ليه مش عاوزين يعدلو حتي من المشكله دي في الموديلات الجديده لانه كان هيفرق كتير.
2- الكاسيت شرايط لحد 2012 والموضوع ده كان مضايقني جدا
3-استهلاك البنزين عالي حبتين زي كتير من فئة ال 1600
ولكن انا من وجهة نظري الشخصيه بعد ما قلتلك المميزات والعيوب انها عربيه جميله وعائليه