تقييم سعر الاوبترا بعد حادثة مع الصور

[khaled mohamed77]

السلام عليكم

انا عندى عربية اوبترا اوتوماتيك 2011
تاريخ الشراء يناير 2011 زيرو

الحمد لله فى أول سنة حصلتلى حادثة
الخسائر فى العربية كانت
كبوت - زجاج امامى - فانوس - رفرف - اكصدام
والكاوتش الشمال اتقطع

الحادثة حصلت على الطريق الزراعى
كل ال عملته غيرت الكاوتش المقطوع بالأستبن وكملت طريقى لأسكندرية حوالى 60 كيلو عادى ، مكانش فيه حاجه فى العربية غير الخسائر ال ذكرتها فوق.
ودى صورة للعربية بعد الحادثة مباشرة بعد ما وصلت اسكندرية




العربية اتصلحت فى التوكيل منصور شيفروليه العامرية تم تغيير كل قطع الغيار المذكورة أعلاه فى التوكيل ، ومعايا الايصال ، الحمد لله كان فيه تأمين وتم تغطية 75% من التكلفة.

مشيت بالعربية بعد كده أكتر من 30 ألف كيلو ومفيش أى مشاكل نهائى

والعربية حالياً عامله 50 ألف كيلو.
ودى صورة للعربية دلوقتى.




أنا فكرت أبيع العربية من فترة لكن لظروف معينة تراجعت عن الفكرة
لكن جدياً انا بأفكر أبيع العربية ،
المطلوب أصدقائى
تقييم سعر العربية فقط بكل أمانه.


شكرا جزيلا على وقتكم

[soltanfriend]

تم مراسلتك على الخاص......

[jojojojojo]

احيي في حضرتك امانتك وياريت وانت بتبيع ان شاء الله تبقي تخبر اللي هيخدها بالحادثه وربنا يوفق في البيع بس ااهم حاجه الامانه و انا اسف مش هعرف افيدك عشان معرفش اتمن العربيات المستعمله

[eng.moustafa nasr]

اشكر حضرتك على الصراحه و الامانه
و ربنا يوفقك يارب
وان شاء الله ربنا يرزقك الافضل منها

[Elsebily]

حضرتك طبعا احييك علي صراحتك في البدايه
وثانيا انا شايف السعر المفروض يكون 84000 والسعر ده مش هيظلم ولا حضرتك ولا اللي هيشتري لاني كنت شايف قريب واحده نفس الموديل واوتوماتيك عند معرض واحد اعرفه بس هي كانت بحالة الزيرو وكان صاحبها عاوز يبيعها ب 87000 وطبعا هتسمع اسعار اقل من كده بكتير لو جيت تبيع لتجار او لناس فاكره نفسها ناصحه بس عادي يعني ولا تتاثر وبيع بالسعر اللي انت عاوزه وطبعا لو حضرتك عاوز تبيع بسرعه ممكن تقدم تنازلات في السعر اما لو عادي مش فارق معاك موضوع الوقت فيبقي علي مهلك في بيعها

بالتوفيق