رأيي الشخصي في الكريسلر

[bmkbmk]

المشاركة الأصلية كتبت بواسطة horas3000 معلش يا زعيم اتمني الكلام اللي بنقوله ميكونش زعلك بس قدرك كده تقع مع اتنين الواضح انهم مش طايقيين حاجة اسمها عربيات امريكاني مش كده و لا ايه يا كيمو باشا هههههههه

هههههههههههه ... معلهش بقى يا باشا قدره كدة فعلا ...بس والله الرأى ده مجاش من فراغ
الرأى ده جه من اننا احنا الاتنين عشنا الامريكانى و الالمانى و عارفين الفرق كويس جدا (مع فرق الموديلات بينا طبعا )..... و قلنا الفرق ده كذا مرة ... الامريكانى دراج ريس بس .. و مع اول منحنى بيضيع ....
هو واضح ان الاستاذ روميو كمان اكتر حاجة بتبهره فى العربية هى قوة الموتور ,,,,

و عموما واضح أنه مقتنع بالعربية دى لأبعد الحدود....
بس فيه كلمتين عاوز اقولهم و اجرى على الله....

أولا.. يا باشا كل العربيات اللى انت جايبها معدلة و ليست كما خرجت من مصنعها ... معدلة لغرض Drag Race
فقط .... عليها بقى اضافات للصبح يعنى علشان طلعتها تبقى اقوى بس ... دى مش عربيات شوارع و حتى يا سيدى لو مش معدلة فا مش اهم حاجة هى الدراج ريس

ثانيا ... احنا عارفين والله كويس جدا الفرق بين التشارجر و التشالنجر .... الفكرة ان التشالنجر نازلة فى نفس الوقت مع الكمارو الجديد و الموستنج الجديد علشان تنافسهم لأنها من نفس فئتهم (سبورت كابريوليه) و للأسف فشلت معاهم فشل ذريع.. اما عن باقى سيارات دودج و كرايسلر السيدان فانا بقطعهم بالكابريس .... و للأمانة ماشديتش مع SRT8 قبل كدة...والله ما هو تفاخر و لا ذم .. منا عربيتى امريكانى برده و مش طايقها لأنى للأسف كان معايا قبلها المانى و مستنى بفارغ الصبر اليوم اللى اقدر ارجع فيه للألمانى علشان احس ان معايا (عربية) ... ده وااااااقع

ثالثا.. و ماتزعلش منى .. احنا يا باشا آراءنا عن تجارب واقعية .. انما اللى فهمته منك ان الامريكانى الوحيد اللى عشت معاه كان 300M و بتحكم على باقى العربيات من اليوتيوب .... و يمكن هو ده اللى مخليك متحمس ....

احنا فى الخليج كل فين و فين على ما بنشوف فايبر و مع ان البورش الكاريرا مثلا أو الكاريرا إس أقل فى قوة المحركات و أغلى من الفايبر فى السعر كمان إلا انها منتشرة انتشار واسع جدا لأنها ببساطة (سيارة) و ليست شاسيه راكب عليه موتور 8000 سى سى و خلاص

و الامريكان مهما عملو كرايسلر بقى ولا شيفروليه ولا كاديلاك لأخر الموديلات .. لن يصلو فى يوم من الايام الى الالمانى .... الالمانى ده قصة تانية .. ولازم تعيش معاه شوية علشان تفهم كلامى...و حتى لو كرايسلر طلعو عربية بتسبق الانزو و ال SLR722S و كمان ال Reventon و كمان carrera Gt و كمان ال Veyron و كل العربيات السوبر فى الدنيا كلها ... مش هو ده الاختراع ... ماهو فيه عربيات صاروخية بتكسر سرعة الصوت اللى بيجربوها فى الصحرا دى ...

الاختراع الذكى هو القوة عندما تكون بين يديك و ليست القوة التى تتحكم بك

و فى النهاية انت طبعا حر فى رأيك و لكننا حاولنا قدر الامكان أن نوضح بعض الحقائق
و لك جزيل الشكر و الاحترام

[horas3000]

عندك حق في كل كلمة قلتها يا كيمو
و مش عايز ادخل في جدال لا ناتج له
لان زي ما انت قلت واضح ان روميو باشا مقتنع بالكرايسلر الي ابعد الحدود

هي ديتها ينزل معانا جولة من جولاتنا

[ROMEOOO]

المشاركة الأصلية كتبت بواسطة bmkbmk هههههههههههه ... معلهش بقى يا باشا قدره كدة فعلا ...بس والله الرأى ده مجاش من فراغ الرأى ده جه من اننا احنا الاتنين عشنا الامريكانى و الالمانى و عارفين الفرق كويس جدا (مع فرق الموديلات بينا طبعا )..... و قلنا الفرق ده كذا مرة ... الامريكانى دراج ريس بس .. و مع اول منحنى بيضيع .... هو واضح ان الاستاذ روميو كمان اكتر حاجة بتبهره فى العربية هى قوة الموتور ,,,, و عموما واضح أنه مقتنع بالعربية دى لأبعد الحدود.... بس فيه كلمتين عاوز اقولهم و اجرى على الله.... أولا.. يا باشا كل العربيات اللى انت جايبها معدلة و ليست كما خرجت من مصنعها ... معدلة لغرض Drag Race فقط .... عليها بقى اضافات للصبح يعنى علشان طلعتها تبقى اقوى بس ... دى مش عربيات شوارع و حتى يا سيدى لو مش معدلة فا مش اهم حاجة هى الدراج ريس ثانيا ... احنا عارفين والله كويس جدا الفرق بين التشارجر و التشالنجر .... الفكرة ان التشالنجر نازلة فى نفس الوقت مع الكمارو الجديد و الموستنج الجديد علشان تنافسهم لأنها من نفس فئتهم (سبورت كابريوليه) و للأسف فشلت معاهم فشل ذريع.. اما عن باقى سيارات دودج و كرايسلر السيدان فانا بقطعهم بالكابريس .... و للأمانة ماشديتش مع SRT8 قبل كدة...والله ما هو تفاخر و لا ذم .. منا عربيتى امريكانى برده و مش طايقها لأنى للأسف كان معايا قبلها المانى و مستنى بفارغ الصبر اليوم اللى اقدر ارجع فيه للألمانى علشان احس ان معايا (عربية) ... ده وااااااقع ثالثا.. و ماتزعلش منى .. احنا يا باشا آراءنا عن تجارب واقعية .. انما اللى فهمته منك ان الامريكانى الوحيد اللى عشت معاه كان 300M و بتحكم على باقى العربيات من اليوتيوب .... و يمكن هو ده اللى مخليك متحمس .... احنا فى الخليج كل فين و فين على ما بنشوف فايبر و مع ان البورش الكاريرا مثلا أو الكاريرا إس أقل فى قوة المحركات و أغلى من الفايبر فى السعر كمان إلا انها منتشرة انتشار واسع جدا لأنها ببساطة (سيارة) و ليست شاسيه راكب عليه موتور 8000 سى سى و خلاص و الامريكان مهما عملو كرايسلر بقى ولا شيفروليه ولا كاديلاك لأخر الموديلات .. لن يصلو فى يوم من الايام الى الالمانى .... الالمانى ده قصة تانية .. ولازم تعيش معاه شوية علشان تفهم كلامى...و حتى لو كرايسلر طلعو عربية بتسبق الانزو و ال SLR722S و كمان ال Reventon و كمان carrera Gt و كمان ال Veyron و كل العربيات السوبر فى الدنيا كلها ... مش هو ده الاختراع ... ماهو فيه عربيات صاروخية بتكسر سرعة الصوت اللى بيجربوها فى الصحرا دى ... الاختراع الذكى هو القوة عندما تكون بين يديك و ليست القوة التى تتحكم بك و فى النهاية انت طبعا حر فى رأيك و لكننا حاولنا قدر الامكان أن نوضح بعض الحقائق و لك جزيل الشكر و الاحترام

أنا ركبت ركبت عربية خالي القديمة المرسيدس c180 موديل 2002 ال هي فيها فتحت سقف بس مش kompressor وركبت e class مكنوش في القعدة مريحين زي الامريكاني ووالدي ركب في السعودية مع سعودي قبل كده ال s class وقال لي مش مريحة زي الامريكاني ووالدي قبل لما يشتري عربية في السعودية كان بيأجر الكابريس قال لي مريحة وجامدة جدا وبعدها جاب التويوتا fortuner عشان كان بيطلع رحلات في جدة غطس وصيد وكده فـاشترى عربية دفع رباعي عشان يدخلوا الصحرة وعلى فكرة أنا في السهاحل الشمالي في قرية فينوس اخو صاحبي عنده slk350 موديل 2005 أكيد جايبها جمرك لان مامته ايطالية وباباه مصري جابها be-300 ألف جنيه مصري لو حسبناها لان لو ملاكي كانت هتبقى غالية جدا المهم بس هو كبير عنده 26 سنة أنا 18 سنة المهم ركبتها معاه قبل كده خطيرة من جوه وكل حاجة وسقف كابورليه hardtop مش قماش عيبها كان إنها كرسيين أكيد كانت بتسبق الكريسلر 300m بس ديه عربية كابورليه مش عائلية المهم هي جامدة جدا عيبها كان إنها كرسيين بس كان بيضطر لما يخرج مع صحابه ياخد عربية اخوه الجيب شيروكي اللي أكيد اضعف بكتير عشان فيها كراسي أكتر بس وركبت باسات قبل كده كذا موديل 1999 we-2003 we-2007 وبرده الاوكتافية لان خالي الكبير بقى مدمن الأكتفية ديه جاب الa4 وبعدها الa5 و بعدها الفانتازيا ومش عاوز يغير الألماني مع إنها 1600 سي سي عشان في مصر مشكلة الجمارك صعبة لكن هو بيستمتع بالالماني أما أنا بحب الامريكاني عشان راحة وأمان وموتور شديد وامكانيات عليا وديه أحسن حاجة في العربية من رأيي
شكرا على مشراكتكم وعلى اراكم المختلفة