ibiza 2001

[mando_07]

أولاً السلام عليكم جميعاً أنا عضو جديد في المنتدى الجميل دة أنا أول مرة اكتشفه إنهردة الصراحة بس مشاء الله جميل وكل اللي فيه ناس محترمين ومنهم محمد ابيزا ودا شاب رجولة الصراحة
أنا كنت عايز استفسر عن حاجة في الابيزا ال-٢٠٠٠-٢٠٠١ إيه أخبار الموتور ال-1000cc معاكوا كويس وبيجري ولا كتيان ؟يعني مثلاً يطلع من 1300cc كوري (اكسنت مثلاً) ولا لأ وتكييف العربية إيه أخباره حلو وبيسقع ولا مش أوي والكنبة الخلفية واسعة ولا مش أوي؟ واستهلاكها في البنزين إد إيه في الصفيحة؟ و أي ملاحظات ليكوا طبعا على العربية يا رت تقولوها و أخيراً تنصحوني بيها ولا أجيب بتمنها نوبيرا أو سيفيا؟
وأنا أسف أوي على الاسئلة الكتيرة دي بس انتوا عارفين أن قرار شراء عربية دة برضو محير أوي
وشكراً ليكوا مقدماً ptmnlo123per159ptmnlo123p er1110

[hazem_khidr]

اهلا وسهلا بيك
وعقبال مامحمد ابيزا يشوف السؤال ححاول اساعدك

إيه أخبار الموتور ال-1000cc

موتور كويس مش وحش ولحد 140 سحبه جميل جدا لكن بعد كده بيضعف بالتاكيد

يعني مثلاً يطلع من 1300cc كوري (اكسنت مثلاً) ولا لأ

مافيش حاجه اسمها موتور الماني يطلع من موتور اكبر منه لمجرد انه الماني
فيه معادله الوزن و القوه هيا اللي بتتحكم في النقطه دي
وعموما سحبها حلو مش حتخذلك

وتكييف العربية إيه أخباره حلو وبيسقع ولا مش أوي

تكييف العربيه حلو مش وحش

والكنبة الخلفية واسعة ولا مش أوي؟

ضيقه و لو واحد متوسط الطول حيبقي مضايق و هو قاعد هيا عاوزه طفلين ورا مش افراد بالغين

واستهلاكها في البنزين إد إيه في الصفيحة؟

مش اقل من 350 كيلو علي الطريق

ي ملاحظات ليكوا طبعا على العربية يا رت تقولوها

لازم تشتري واحده حالتها نضيفه و خد بالك انا كلامي اللي فوق دا كله
من خلال تجربتي لعربيه ما كملتش 80 الف كيلو يعني لسه جديده
يعني كل ما تستنضف كل ما يبقي اريحلك و حاول بقدر الامكان تكون فابريكه بره و جوه

و أخيراً تنصحوني بيها ولا أجيب بتمنها نوبيرا أو سيفيا؟

دي ركوبه و دي ركوبه
عاوز عربيه عائليه هات سيفيا
عاوز عربيه شبابيه و قويه هات ابيزا
ماينفعش نقارنهم ببعض
واي خدمه

[mando_07]

ألف شكر ليك يا باشا أنت بجد ردك كان وافي وممتاز بس ممكن أنت تقولي رأيك اجبها هي ولا أجيب سيفيا أو نوبيرا

[hazem_khidr]

العفو
ماهو انا قولتلك علي حسب استعمالك للعربيه
يعني مثلا الابيزا تناسب شاب او عائله حديثه التكوين
لكن لا تناسب عائله كبيره زي السيفيا او النوبيرا
فهمت قصدي؟

[mohamed ibiza]

محمد حبيبي ازيك يا مان:D

حازم رده وافي جدا و النوبيرا و السيفيا كأعتمادية انتوا عارفين رأيي في الكوري و عندك احمد عشماوي كان معاه معاه نوبيرا و غيرها و جاب باسات 99 و النوبيرا عيوبها معروفة مقصات رشاشات و طنابير السيفيا مش هكلم فيها لاني مبحبهاش ولا اعرف حاجة عنها بصراحة

بس العربيات فئات يا محمد يعني الابيزا هاتش باك شبابيه فاهمني الشباب حتي لما بيتلموا في عربية صغيرة برضه بيبقوا اعدين مكبرين دماغهم و الحياه بيس انما الناس الكبيرة هي اللي عايزه نوبيرا او سيفيا عشان واسعين و النوبيرا و السيفيا فئة السيدان فئة عائلية مش زي الابيزا نهائيا و بعدين قلتلك لو عرفت تخلص واحدة بسعر حنين حتي لو موتورها تعبان 5 الاف جنيه تسقط مكنة 1400 بتاعتها علي نفس الضفاير و الفتيس و احتمال بسيط تغير مساعدين بس معتقدش انهم هيتغيروا برضه و ال 1400 مقولكش مكنة جميلة جدا و سحبها رائع جدا جدا جدا و ربنا يوفقك في الاختيار