هل يمكن الاستغناء عن الادا؟

[ايمن عبدالحميد]

المشاركة الأصلية كتبت بواسطة m_elhdeny متهيالى لو زودت شوية كمان تقدر تجيب لانوس

المنطقة اللى انا فيها بها مطبات كتير فى طريق الذهاب والعودة كمان عدد الاسرة عندى الحمد لله كبير (8) يعنى الانوس بالنسبالى فافى قوى

[ايمن عبدالحميد]

المشاركة الأصلية كتبت بواسطة mrastra انت بتتكلم بجد ولا اية؟

انا سامع ان فى طنطا عندكم السيارة الدوجان مرغوبة وفى منها عربيات حلوة ولو ان موديلاتها قديمة يعنى تقريبا اخرها 1996 او 97 واسعارها كويسة فى العشرينات ؟ اية رايك يا باشا

[CARDIO]

لانسر عيون & سكودا فيليشيا & فيات تمبرا
بس دول حياخدوا العيله على مرتين لو مصر على نقل ال 8 مع بعض هات ميكروباص هههههه

[koashraf]

طالما مطبات والاسره كتير خليك فى اللادا بدل ماتتعب مع العربيات الحديثه واطيه على الارض وحتتعبك فى المطبات على اعتبار العربيات دى معموله لناس الشوارع عندهم ناعمه....وبعدين ياراجل حد يسيب اللادا ويبص لغيرها برده؟؟؟؟!!!!

[sad-bird]

طيب ايه مشكلتك مع اللادا يا استاذ ايمن
اللي فهمته من كلام حضرتك انك مرتاح معاها
يبقى تغير ليه
واللي هيجي مستعمل اكيد فيه مشاكله ولسه هتتعود عليه

ولو على نعومة العربية
فممكن حضرتك تراجع الموضوع ده وتشوف رأيك فيه ايه
http://www.masrmotors.com/vb/showthread.php?t=49787

المشاركة الأصلية كتبت بواسطة didos السلام عليكم من ساعة ما بعت عربيتى وانا بفكر فى كام اختيار ومنهم اللادا ولكونى من اسكندرية حيث التاكسى = لاد فانا بحب ادردش مع سواقين التاكسى دايما عن الصيانة والصنايعية والافتكاسات ولفت نظرى شوية حاجات ممكن تفيد حد هنا كنت راكب احد التاكسيات ولقيت عفشته خيالية ولا كاننا ماشيين على مطبات ولا حاسس بالطريق بصورة غير عادية فسالته حضرتك مركب عفشة ايه قاللى دول مساعدين ورا وقدام برازيلى - طبعا نطت فى دماغى البرازيلى دى وافتكرت واحد صاحبى معاه تاكسى ايام ال 125 قاللى احسن عفشة للعربيات القديمة هى البرازيلى - طيب بكام دول يا حاج قاللى جوز المساعدين ب 180ج واليايات ب 35 ومريحين العربية قوى واحد تانى راكب معاه وكان بيجرى جرى عبيط فى شارع زى الزفت والعربية ماشية دكر بثبات مالهوش حل فكالعادة قعدت الوك معاه توتوتوتو لحد ما وصلنا للعفشة قلتله بصراحة اللادا عربية ناشفة قوى قاللى طيب ايه رايك فى اللى معايا قلتله ما شاء الله قاللى انا مركب مساعدين ورا 132 وقدام عفشة يابانى تقريبا بتاع تويوتا او دبابة قلتله بس مشكلتها برضه انها طارة ناشفة قوى قاللى لا بيركبلها علبة دركسيون بتاعة ميكروباص مازدا بتكون نفس المقاس بالظبط وتخليها حرير قلتله يا عم ما التعديلات دى كلها غلط قاللى شغالة معايا زى الفل بقالها كتير وبتركب مكان الاصلى من غير خرط ولا قص واحد تانى عجبنى قوى شكل التابلوه 2107 منور ابيض زاهى والمؤشر تحس كانه منور بشكل جميل غير الشكل بتاع شرايط النور الغبية لما دايما تلاقى التاكسيات بتركب شريط نور بالعرض فوق العدادات وطبعا لوك لوك لوك قاللى ان دى شرايط نور برضه بس الصنايعى فك التابلوه ومشى بالشريط على الدورانات بتاعت كل دايرة من الداخل سرعة وار بى ام وزيت والخ فطبعا النور متوزع صح واللمبات مش ظاهرة حاجات تانية متنوعة خلاصة مناقشات ولك لك الفتيس ال 4 غيار يفضل تغييره ب 400ج احسن كتير من تصليحه بخصوص السمكرة والدوكو والعفشة اجمع كل الناس ان صنايعية الارياف زى دمنهور وكفر الدوار وفوه بالذات اسعارهم حنينة وشغلهم نضيف احسن ميت مرة من اسكندرية والقاهرة عداد الاربى ام ابو 100 و 150 ج زبالة زبالة زبالة المروحة تا4 ريشة لما بتغير ب 6 او 8 ريشة بتخلى الصوت بتاع الموتور اهدى ارجو ان اكون قد افدتكم باى حاجة من ال لوك لوك ده كله