أخبار اللادا 2017 التجميع

[احمد الشناوى1981]

المشاركة الأصلية كتبت بواسطة mrastra بعتزر تقريبا انا كنت منفعل او حاجة بس حقك علية

يا باشا و لا يهمك انا برضو مزعلتش منك انا بس كنت بوضح انى برض لمجرد نصيحه ناس امرهم يهمنى و احب ان كل الناس هنا فى المنتدى ميزعلوش من بعض لان الغرض ان كل الناس تستفيد من خبرات بعض و الحاجات الى قابلتهم سواء فى العربيات او فى اى حاجه تانيه

[mr_astra]

المشاركة الأصلية كتبت بواسطة احمد الشناوى1981 يا باشا و لا يهمك انا برضو مزعلتش منك انا بس كنت بوضح انى برض لمجرد نصيحه ناس امرهم يهمنى و احب ان كل الناس هنا فى المنتدى ميزعلوش من بعض لان الغرض ان كل الناس تستفيد من خبرات بعض و الحاجات الى قابلتهم سواء فى العربيات او فى اى حاجه تانيه

صدقنى والله بكرر اعتزارى من كل قلبى
لانى بمر بمشاكل كبيرة جدا فى الشغل
لو تفتكر المشاركة بتعتى الخاصة بالوحدات السكنية ربنا اللى يعلم انا وزميلى تعبنا اد اية عشان تسجيل البيانات دى وكنا بنشتغل كل يوم لغاية 9 باليل لمدة 15 يوم
وكنا بنشتغل واحنا فرحانين عشان الناس احنا بنخدمهم وكان فى روح الثورة بنا ان البلد فعلا بتتغير
لكن للاسف الناس مش سيبانا فى حالنا كل يوم تقريبا بيجو يتهجمو علينا وبنتشتم وبنتحدف بالطوب لكن الحمد لله مسيطرين على الموقف ودلوقتى بقت شغلتنا اننا نمسك اى شومة فى ادينا ونشتبك مع الناس دى اللى والله هما غلطانين ولا فاهمين حاجة وكلمة من اى عيل صغير بتسوقهم وحالة من الفوضى غريبة وهما نفسهم مش قادرين يسيطرو على نفسهم كلمة توديهم وكلمة تجبهم ...واخرها اول امبارح خمسة بلطجية دخلو علينا بسيوف وعاوزين يعورونا ويكسرو المكتب ....وانا مش عارف لية والله اهو تخريب لمجرد التخريب ....فانا نفسيا والله مش متظبط خالص واعصابى ثايرة طول الوقت .....تقبلى اعتزارى

[aboziad]

المشاركة الأصلية كتبت بواسطة nour_2001 ياجماعة مش شايفين إن 50 ألف كثير جدا على اللادا حاجه كثيرة عليها المصرى ألوان ميتالك مخليها جامدة بصراحة وبور وبنزين 80 موفر ومع كل ده فى الاربعينات ، يعنى عربية جديدة مش مستعملة وجديدة بس الفكرة هل الخامات واحدة ولكن الفرق فى التقفيل لو كده مش حيكون الفرق كبير ولكن لو الخامات مختلفة كده مشكلة إنتم إيه رأيكم مش عربية جديدة حتى لو مصرى أفضل من روسى ومستعمل أنا بفكر معاكم وياريت الزملاء اللى جربوا الاثنين يفيدونا

انا كنت عايز اشتري لادا 2107 ولذلك ذهبت الى التوكيل وشاهدت الاثنين وبالسؤال عنهم عرفت ان اللادا المصري بيكون فيها الصاج والشاسية والعفشة والموتور روسي اما المكونات المصري بتكون من الحاجات الغير اساسية في السيارة مثل الفرش والبطارية وقربة المياة والراديتير الى جانب الدهانات

[ايمن عبدالحميد]

المشاركة الأصلية كتبت بواسطة aboziad انا كنت عايز اشتري لادا 2107 ولذلك ذهبت الى التوكيل وشاهدت الاثنين وبالسؤال عنهم عرفت ان اللادا المصري بيكون فيها الصاج والشاسية والعفشة والموتور روسي اما المكونات المصري بتكون من الحاجات الغير اساسية في السيارة مثل الفرش والبطارية وقربة المياة والراديتير الى جانب الدهانات

وتفتكر حضرتك ان تقفيل الدهان هنا مش كفاية انك تغير رأيك وتجيب روسى ، اصحابى اللى معاهم مصرى 2008 البرومة مشت فيها ، وانا كان معايا 2005 بعتها لأن البرومة بدأت فى العتب رغم انى محافظ عليها كنت ، ولعلمك خدمة صاج العربية اهم من ةالميكانيكا لأنها لها حل اما البرومة لا لأن المكان اللى بتشتغل فية لمبة اللحام لازم خلال اقل من سنة يضرب تانى، خد الكلام ثقة من واحد ركب 8 عربيات لادا فيهم اتنين مصرى تخلصت منهم فى اقرب وقت ، يا راجل والفله اشترينا عربية 1984 لواحد صاحبنا من شهر مفيهاش سم برومة ولا غيرت صاج نهائى ودى بقالها 26 سنة وال 2005 بتاعتى كانت موديل السنة وعملت برومة بعد سنة وكذلك ال 2003