ندرة الحديث عن البيجو 504

[Marlborooo]

المشاركة الأصلية كتبت بواسطة خالد الجوكر هااااااااااااار اسووووووووووود كانت فين دى قبل ما اجيب وزتى ب30 بااااااااكو متقفلين انا لازم اقلبها وانزل بورسعيد اصطاد حته من هناك

يا ريس البيجو ال504 منطقة حرة بورسعيد
تقيلة فوق ما تتخيل في البيع ومش مرغوبة وملاكي سوقها وحش اوي اللي بيحب يبيع بيروح يبعها في بلد تانية عشان يعرف يبعها

عموما ربنا يباركلك في عربيتك وتكون قدم خير عليك يا رب:Wkiss5 :

[حسام البورسعيدى]

المشاركة الأصلية كتبت بواسطة ابو الشوق كاديلك حاجة اخيرة احب اضيفها انا من بورسعيد وعندنا الللي بيركبها غالبيتهم ناس مش تمام ( بتوع مخدرات )و تلاقيه مسقط العربية وماشي ولا كان الشارع بتاعه وركوبتها تعتبر شبهة عندنا واحد صاحبي ابوه معاه عربية بيجو كان لما ياخد العربية من ابوه وننزل نلف بيها مفيش كامين الا لما يوقفنا ويدقق في كل حاجة بس بيتهيألي ده عندنا في بورسعيد بس

للاسف فعلا الكلام ده مظبوط والعربية دى بقت معروفه بتجار المخدرات والمجرمين فى بورسعيد للاسف الشديد ..

بس الـ 504 المشبوهه بتكون مميزه جدا .. تلاقيها gl او sr بالجنوط العريضه بتاعتها وتبقى مرفوعه من قدام ومتسقطه من ورا لزوم التخميس .. و ممكن تلاقى فيها الاكصدامات السودا العريضه (اعتقد بتاعت النسخه الامريكى) .. ولازم لازم يبقى راكب فيها كلاكس بوش وتلاقيه لازم يضرب كلاكس مع كل طلعه على الاول .. وغالبا بيكون فيها مكنه الـ 505 ..

العربية دى فى بورسعيد جه عليها فتره (من 6 - 7) سنين فاتوا وبقت موضه وكله كان بيوضبها .. وكانت علامه مميزه فى اى زفه فى فرح .. واحلى لعب كنت بشوفوا منها ...

دا انا مره شفتهم فى فرح كانوا عربيتين 504 متظبطين ع الاخر وقعدوا يخمسوا فى ظهر بعض .. بعد ما كبوا ازازه بنزين او جاز على الارض وولعوا فيه .. بقت العربيتين بيخمسوا فى وسط النار .. منظر ملهوش حل ........

[حسام البورسعيدى]

اذكر برضو من 4 سنين كده كنت ماشى فى شارع زحمه بالأفانتى فى الحاره اليمين وكان قدامى واحده بيجو 504 من اياهم .. ومره واحده راح فاتح انتظار وواقف ووقفنا كلنا وراه .. والمشكله ان قرر انه يقف بالظبط تحت علامه ممنوع الانتظار .. اضربله كلاكسات يتعتع شويه مفيش .. رحت كاشر شمال وداخل فى الحاره اللى جنبى بصعوبه بسبب الزحمه ولما جيت جنبه قلتله "على فكره الوقفه كده غلط" ورحت سايبه وداخل يمين من شارع جانبى كان قدامه على طول .. فى نفس اللحظه كان بيركب معاه 3 شباب شبه بتوع المافيا بالظبط ومعاهم سلاح ولقيته بيندهلى وراح مزمر وطاير ورايا ...

اوبااااا الراجل مسمعش اللى انا قلتله وافتكر انى بشتمه ولا حاجه ..

وطلع ورايا فى الاول انا مشيت هادى لقيته بيحاول يتخطانى وفهمت انه لو عدانى هيقف قدامى وهتبقى هناقه وهتفرم هههههههه ..

قلت مبدهاش بقى قمت فاتح على الاخر وايامها كنت فى قمه تهورى فى السواقه ..

نص ساعه كامله مطارده بيننا فى شوارع بورسعيد ولا فى الافلام .. والعربية البيجو كانت سريعه جدا فوق ما كنت متوقع ... ومطارده اكشن اكشن يعنى لدرجه انى كنت باخد بعض الملفات هاند بريك وهو كان بياخدها دريفت ويطير ورا ..

اللى كان راعبنى ان كان يوم خميس تقريبا والساعه حوالى 9 بالليل يعنى الدنيا زحمه وخايف ادخل شارع زحمه يثبتنى فيه .. فبقيت لازم اخلع منه باقصى سرعه وفى نفس الوقت افكر فى شوارع سالكه اخرم منها ..

نص ساعه وهو لازق فيا ومش عارف اتوهه .. لغايه لما جيت على ملف وكان فى ميكروباص جاى بسرعته رحت على اخر لحظه داخل قدام الميكروباص وراح الميكروباص كابس ورايا وانا قمت اخد اول شارع جانبى يمين ويا فكيييك .. والحمد لله خلعت منه اخيرا بعد ما اعصابى ساحت .....

[خالد الجوكر]

ههههههههههههههههههههههههه ههه
انا حاسس انى كنت بلعب GTA وانا بقرا

عموماً حمدالله ع السلامه يا حسام باشا بس ابقا حرص منهم بقا طالما هما بيسمعو غلط كده

بس سبحان الله عندكو اللى بيركب العربه دى تجار مخدرات ومافيا وبتاع

عندنا اللى بيركب العربيه دى بشوااات لأنها محبوبه جداً عندنا فوق اى عربيه تانيه حتى لو كانت حديثه

http://www.youtube.com/watch?v=n_2mWrZ6kqE