الصراحة المطلوبة والصراحة الغير مطلوية

[حازم شاهين]

هو أنا بس مش متقبل تشبية حكاية السيارة اللى عاملة حادثة و إتصلحت بحكاية البنى أدم اللى تاب
لأن فى الحالة الأولى دى سلعة و بيع و شراء يسرى عليها الحديث الشريف من غشنا فليس منا
أما فى حالة الإنسان التاءب فمن ستره الله لا يجب أن يفضح نفسه إلا لو كان عليه حقوق لناس تانية
المهم علشان مخرجش من الموضوع الأساسى

الأصل و المثالى و اللى مابيحصش غالبا إن البضاعة تبقى على عينك يا تاجر
و اللى عايز يعرف أى معلومها تتقاله بأمانه و اللى عايز يشترى حاجه يفحصها الفحص النافى للجهالة على رأى المحامين

[hazem_khidr]

رأيي من رأي استاذ حازم شاهين في موضوع البني ادم و العربيه.
بالنسبه للعربيه لو فيها حاجه بسيطه مرشوشه و مش باينه بقول عليها
و اللي يحصل يحصل.
لسه بايعين عربيه ياريس من فتره و كان فيها خبطه في الباب
و محدش ياخد باله منها و عملت عليها اعلان في المنتدي و قايل فيها ايه
و اللي اشتراها مكنش واخد باله منها و برضه قولناله و لما عرف حب ينزل في التمن
اللي اساسا احنا منزلين فيه 2000 جنيه علشان الخبطه ما وافقناش و اخدها
زي ما احنا عاوزين .
كل دا رزق و ربنا كاتب ان العربيه تتباع بالتمن دا فمفيش داعي للكدب

[islam_galal]

المشاركة الأصلية كتبت بواسطة حازم شاهين هو أنا بس مش متقبل تشبية حكاية السيارة اللى عاملة حادثة و إتصلحت بحكاية البنى أدم اللى تاب لأن فى الحالة الأولى دى سلعة و بيع و شراء يسرى عليها الحديث الشريف من غشنا فليس منا أما فى حالة الإنسان التاءب فمن ستره الله لا يجب أن يفضح نفسه إلا لو كان عليه حقوق لناس تانية المهم علشان مخرجش من الموضوع الأساسى الأصل و المثالى و اللى مابيحصش غالبا إن البضاعة تبقى على عينك يا تاجر و اللى عايز يعرف أى معلومها تتقاله بأمانه و اللى عايز يشترى حاجه يفحصها الفحص النافى للجهالة على رأى المحامين

أتفق بشدة و أضيف أنه شرعا يجب علي البائع إيضاح كل العيوب كما يوضح المميزات
كل العيوب طبعا مقصود بها العيوب المؤثرة في عرف السوق و طبعا الرد علي أي سؤال بأمانة

هذا هو المفروض أما بالنسبة لي فبعت سيارة وحيدة و الذي اشترها صديق العمر و كان أدري بها مني ، فلم أتعرض لهذا الإختبار و ربنا يستر

[dr ahmed]

طيب نتفق على كلمة "عيب" بالسيارة
ماهو الذى يعد عيبا فى السيارة؟
هل تغيير أى جزء فيها عيبا؟
هل رش السيارة يعد عيبا؟

هل تقبل أن يقل ثمن السيارة 10 آلاف جنيه على الأقل لمجرد أن تقول أنك غيرت صدر العربية مثلا وقد لا يعد ذلك عيبا؟

أنا لا أدافع عن أى وجهة نظر فكلا الوجهتين تجول فى خاطرى بوجه متساوى لهذا أحب معرفة وجهة أكبر عدد منكم

[د0تامر محمد]

أولا قال رسول الله صلى الله عليه وسلم
"من غشنا فليس منا"
وقال:
"البيعان بالخيار ما لم يتفرقا فان صدقا وبينا بورك لهما فى بيعهما وان كتما وكذبا محقت بركة بيعهما"
صحيح البخارى

ثانيا العيوب او النقائص ستظهر فى يوم من الايام وقد تسبب ألما لمن أشترى عندما يشعر بانه قد خدع سواء عن قصد او غير قصد

ثالثا ان كنت لاتحب لنفسك هذا لا تحبه لغيرك
قال صلى الله عليه وسلم
"لايؤمن أحدكم حتى يحب لاخيه ما يحب لنفسه"

رابعا النية الطبية لايكون جزاؤها الا خيرا حتى وان بدا لك أن الصدق مرده الخسارة فهذه رؤية البشر المادية أما الجزاء الاعظم فهو عند الله

خامسا كنت قد رويت قصة صديقى الذى أشترى سيارة(فى موضوع حكايتى مع السيارات) واكتشف انها معيوبة جدا وباعها بعد ان سرد كل عيوبها للمشترى وخسر ملبغا كبيرا لكن بعدها بفترة كان جزاء الله واسعا ولم يكن يتخيله حتى فى احلامه

شكرا للموضوع وللاراء
وهذا رأيى المتواضع:
كل رضا النفس وسعادة القلب فى الصدق