طريق سهلة لاصلاح الاكصدامات الفبر

[نبيل عبدالرحمن]

أنا شفت سمكرية بيستخدموا حاجة زى كده ، ولكن هناك سمكرية بيستخدموا بشبورى صغير جداً يخرج شعلة خفيفة جداً وهو غير متصل بأنبوبة غاز ولكن له أنبوبة صغيرة خاصة به ، وهو يعطى نتيجة ممتازة

[محمد حنفى]

فكرة حلوة بس هل فى حد جربها

[alifathi]

هو فعلا السشور بياخد وقت كبير علشان يقدر يسخن الفيبر علشان كده لازم نشوف طريقة يدوية اخرى غير السشوار

بس لو الاكصدام فيه شرخ خصوصا الفيبر مش صاج نقدر بعد رد الاكصدام نعالج الشرخ ازاى عايزين نشوف طريقة يدوية نقدر نلحم بها الشرخ

[driv3r]

بالنسبه للشرخ
فى وقت التسخين برده على الاكصدام بتجيب ابره كبيره اوى اكبر حاجه بتاعت المنجدين دى
وبتجيب سلوك ضفيره من المحمله دى وتقشر المعجون والبوهيه مكان الشرخ وتشتغل تخييط يا معلم من جوه لبره وتشد السلك جامد ولازم يكون الفيبر سخن جدا علشان السلك مايبرزش عنه تخلى السلك يطبع على الفيبر واديها حتت معجون وسنفرها وظبطها ورشها وغير كل دا ودا بقى فى لصق ايطالى مخصص برده للفبر جامد جدا ملهوش حل ممكن تعالج الشروخ بيه وممكن تلزق الاكصدام على الصاج علطول بيه من غير مسامير
محدش يسالنى على اسمه لانه بلايطالى ومش فاكره
^^^^^^^^^^^^^^^^^^^^

[remomeme]

انا الاكصدام بتاع اتخبط و اتعوج حاجة بسيطة مش باينة خالص اوي يعني بس المشكلة ان البوية اللي علية اتقشرت من الخبطة
مش عارفة ممكن يصدي لازم ارشة ولا مش مشكلة ؟؟؟

انا عربيتي جديدة و الاكصدام شكلة فيبر كدة بس حقيقي انا مش عارفة يا ريت حد يقول لي لازم ارشة ولا استني لما اروح الصيانة كمان 6 شهور كده او يمكن اكتر