لمبة حزام الأمان وصفارة فتح الأبواب باظت ايه الحل ؟

[moatazrhm]

اخوانى الأعضاء الأعزاء .
انا معايا لانسر 2011 لسه زيرو
لاحظت ان لمبة حزام الأمان مبتنورش رغم انها كانت تعمل بشكل اعتيادى عند عدم لبس حزام الأمان كمان لاحظت ان صوت الصفارة اللى بيحصل لما بتكون ابواب العربية مفتوحة و المفتاح فى الكونتكت بيهرتل الأول بدأ يعمل صوت صفارة مطول مش متقطع زى الطبيعى بعدين دلوقتى شوية يشتغل و شوية لأ يا ترى دى فيوزات و لا ايه ؟

[mesho70]

- لمبة حزام الامان :-
- تأكد اولا ً من ان الفيشة الخاصة بة مثبتة جيدا ً اسفل كرسى السائق
- او ممكن يكون الزرار داخل مكان تثبيت الحزام معلق وحلة انك تركب الحزام اكثر من مرة وتنزعة
- اما صوت الصفارة فهى نوعين ( على حد تجربتى مع الخليجى )
- الاول لو المفتاح راكب وباب السائق مفتوح والموتور مغلق
- الثانى مع فتح النور الصغير ( الخفيف امامى وخلفى ) والباب مفتوح
- هذا بخلاف جرس 120 كم / س
- وياريت تقول نوع السيارة خليجى ام وكيل

[a_saladen]

السلام عليكم
أنا كمان ما عنديش جرس حزام الأمان - عربيتي بومة 1600 موديل 2006
كنت عاوز اسأل هو جرس الـ 120 بيشتغل ازاي علشان مش شغال عندي.
ولا لازم أورح لميكانيكي علشان يشغله؟؟؟
شكرا

[samirsaid1]

انا عندى فى الهيونداى اللمبات منورة بس فعلا مافيش صوت

اكيد ممكن تكون نفس المشكله

وشكرا

[NicEgypt]

المشاركة الأصلية كتبت بواسطة a_saladen السلام عليكم أنا كمان ما عنديش جرس حزام الأمان - عربيتي بومة 1600 موديل 2006 كنت عاوز اسأل هو جرس الـ 120 بيشتغل ازاي علشان مش شغال عندي. ولا لازم أورح لميكانيكي علشان يشغله؟؟؟ شكرا

الخليجي بس بدءاّ من موديل 2007 على ما اتذكر هو اللى فية زنان السرعة
بيشتغل بدءاّ من 120 وصولا الى 160 وبيطفي