"ميتسوبيشي" قد تجمع سياراتها في مصر

[bassol200]

اية الفرق ياباشا مش عارف ما النيسان صنى شغالة زى الفل ومالة التقفيل المصرى انا شايف ان اشجع صناعة بدلى بدل الخليجى دة وانتا تعرف الخليجى تقفيلة اية و لا اية موصفات الصناعة على الاقل هنا التقفيل المصرى لى ضمان اعرف اصلحة اعرف اخد حقى و ياما ناس جابت خليجى و طلع فى عيوب العن من المصرى مليون مرة فى الميكانيكا بتاعت العربيية انا شايف دى حاجة كويسة و لو هنتكلم بقى فى التقفيل و عربيية صح يبقى من بلدهاااااا و لا تقولى خليجى و لا تقولى مصرى بس كدة انا شايف كدة دة الصح وشكرا ليك

كلام معقول و عاقل جداً و اللى بيتكلم عن فرق السعر معتقد انه بسبب فرق الخامات اقوله .. اسف ليك تفكيرك محدود .. الفرق السعر ده لو اخدتها بنظره عميقه .. ده فرق العماله ماهو اللى بياخد شهريه فى اليابان مش زى اللى بياخد فى مصر ولا ايه يا بشمهندس .. انا معايا صني 2010 و بفرك بيها و بجري بيها و بعمل بلاوي بيها و مشيت بيها على 200 اكتر من 30 كيلو من غير ما ابص على عداد الحراره اصلا . مع احترامي لكل الكوري .. الالماني و اليابانى يكسب حتى الامريكاني .. لو تقفيل مصري .. لو انت مستعر من بلدك.. لو انت مستعر من بلدك اتنازل عن الجنسيه المصرية و روح المانيا هتلاقيهم بيتكلمو على ال S-class اللى بتتجمع فى 6 اكتوبر و ال 7-Series بتتجمع فى 6 اكتوبر .. اه نسيت اقولك .. 6 اكتوبر دى فى جمهورية مصر العربيه !! بلدي و كل سنه و انت طيب .. رجاء الناس ماتقللش من شأن بلدها عشان هى متحيزة لعربيه او عربيتين ثمنهم ماعداش ال 200 الف !! دى عربيات استهلاكيه فى الاول او الاخر و احسبها صح
تــحــيــا مــصــر

[ramy01011]

المشكلة بس في العامل المصري و الادارة المصرية العامل بيحب شغل الفهلوة و الادارة بتحب المكسب و خلاص يعني يقولك بدل ما العربية ماشية يبقي خلاص هو العميل هينهب و علي اد فلوسه بجد لو كل واحد راع ربنا في لقمه عيشة يبقي اهلا بالتقفيل المصري متنسوش ايام ال 128 و الاوكر اللي كانت بتتخلع بعد اول اسبوع من شرا العربية .
رأئي المتواضع علشان العملية دي تنجح يبقي عامل مصري + إدارة يباني

[MmFFoR]

ادارة نيسان يابانية بالكامل و ده اللي انا باقول عليه! فعلا تقفيل ال 128 كان تعبان شوية بس دي عربيه موديل 1973!!! و بتتصنع في مصانع حكومية! و والله انا والدي معاه العربيه من 1996 اول يد نوفا زيرو من المصنع و الخامات بتاعة التابلوه احسن من العديد من السيارات الصيني الموجوده دلوقتي في السوق موديلات 2007 و 2010 !!!! و الاكر سليمة لحد دلوقتي فابريكه بس الشماسات هما اللي باظوا! 128 دي عربيه ايقونه و فعلا جودتها عالية جدا و خلتني احترم الاوروبي ( مش بتكلم عن تكنولوجيا او شكل و لكن خامات) احزمة الامان في عربيتنا كانت سلوفيني و مش عارف ايه صربي و الكراسي اوكراني كانت سلطة! النوفا دي
عموما انا مش بتكلم عن مصر هي امي نيلها هوا دمي! لأ لو منتج مصري وحش يبقى مع السلامة!! بس الصني و ان شاء الله الانسر عربيات روعه و التقفيل المصري لم ينقض منها شيء ولكن اضاف اليها سعر منافس! و السعر مش في مصاريلف العماله بس لأ ده الجمرك في المحلي على قطع الغيار فقط بنسبة 10% و الضريبه بنسبة 10% بدل 40% جمرك و 15% ضريبه و 3% سيف وارد!!!!! عرفتوا الفرق جه منين؟ طبعا الفرق ده مبيبانش مع غبور و منصور لانه بيدخل كله جيب البيه

[ياسرأبوعاصي]

المشاركة الأصلية كتبت بواسطة citroeen اية الفرق ياباشا مش عارف ما النيسان صنى شغالة زى الفل ومالة التقفيل المصرى انا شايف ان اشجع صناعة بدلى بدل الخليجى دة وانتا تعرف الخليجى تقفيلة اية و لا اية موصفات الصناعة على الاقل هنا التقفيل المصرى لى ضمان اعرف اصلحة اعرف اخد حقى و ياما ناس جابت خليجى و طلع فى عيوب العن من المصرى مليون مرة فى الميكانيكا بتاعت العربيية انا شايف دى حاجة كويسة و لو هنتكلم بقى فى التقفيل و عربيية صح يبقى من بلدهاااااا و لا تقولى خليجى و لا تقولى مصرى بس كدة انا شايف كدة دة الصح وشكرا ليك

برضة ياريت تشوف الفرق انت بعنيك علشان يكون اقتناعك من راسك مش من اى حد ... علشان تكون مقتنع

[MmFFoR]

انا ركبت نيسان صني و حقولك الفرق: ىتلاقي في فوارق بسيطة في خلوص التابلوه من اليمين عن الشمال! حتلاقي بعض السلوك ملزقة بطريقة يدوية شكلها مش حلو! الكراسي تنجيدها مش ولابد على عكس الكراسي المستورده! في احيان قليله جدا تلاقي عيوب طفيفه في الدهان او تقفيل الفرش! غير كده! عربيه تجميع مصري بمحتوى مصري 45-55% العديد من الوظائف لمصريين و لو كل ده مش هاممني يبقى فرق سعر يتجاوز ال 25 الف جنيه عن الصني الياباني المستورد و فرق سعر عن الكوري ( رينو سكالا هي هي ال صني) 8 الاف جنيه لو انا مش هاممني و بكره المصري جملة و تفصيلا يبقى حلال على الكوريين ال8 الاف جنيه بتوعك اللي انت مستغني عنهم علشان انت مبتحبش اي حاجه من ريحة مصر!