رابطة ملاك القوية فيات 125 لتبادل المعلومات ؟

[احمد جبر]

المشاركة الأصلية كتبت بواسطة طارق ابوذيد المواتير التى ننصح بعمل عمره لها هى باهظه الثمن ولكن موتور البلونيز بالفتيس لا يتعدى 1700 جنيه كحد اقصى وممكن شرائه بدون فتيس يخصم 500 جنيه اما تكلفه العمره لا تقل عن 1500 جنيه وذلك بدون شراء مارش و دينمو و اسبراتير و كربراتير ووش سلندر + عمود تاكيهات جميع ادوات التغزيه ولكنها متوفره فى الموتور الاستيراد ولكن دائما نصيحه الميكانيكى هى العمره وذلك للانتفاع بمصنعيه العمره ولك ان تميز ولك الاختيار والله الموفق .

كنت محتاج منك ياشيخ طارق عافاك الله وشفاك ان تتكرم علينا وتقول سعر موتور ال 125 او اى موتور اخرى مناسب يركب على ال 125 ...كلامك طبعا كان فى 2011 ياترى النهاردة السعر وصل كام ؟منتظر ردك بشدة لانة الموتور عندى بدأ يطلع زيت على البوجية رقم 1

[احمد جبر]

المشاركة الأصلية كتبت بواسطة BASSIM KHALF هل تتصور يا أخ owen انى ألاقى الصنايعى مركب جوان وش السلندر بتاع موتور ا كامه لموتور 2 كامه ؟؟؟؟؟؟ انا عارف انك مش هتصدقنى ؟ انا كمان ذهلت وانا بفكه أول أمبارح ومبقتش مصدق ولغايت دلوقتى مش مصدق بس لما تجييلى ان شاء الله هوريهولك تشوفه بعينك ؟؟؟؟؟ عموما انا هسبلك رقم الموبايل لو حبيت أعملك العمره بتاعتك وانا بعمل عربيتى بالمره وانا فاضى وكمان عندى لحام أكسجيين لو عاوز تعدل الفوانيس بتاعتك ولو فيه اى لحامات ف الحوض او الشاسيه هعملهالك بس انتا اتشطر واتجدعن و حووش فلوس -- وبأذن الله هخليك يتحطلك بواكى ف العربيه دى وانتا تتبغدد وترفض تبيعها -- لانك مش هتلاقى عربيه قديمه او حتى جديده بتجمع وتجرى وتشييل أوزان زى عربيتك بعد التعديلات والعمره --- ومستنى ردك وأى أستفسار تحت أمرك و أمر الأخوه والزملاء ف الرابطه

انا تابعت كلامك وواضح انة حضرتك خبرتك كبيرة ودة شجعنى اسألك عن موتور ال 125 واحد كامة هل اقوم بعمل عمرة لة ام الافضل شراء موتور اخر بسعر مناسب ولكم جزيل الشكر

[abdo zaher]

لو سمحتم يا جماعة انا عندي لما بدور العربية واسيبها حوالي من عشر دقائق لربع ساعة لمبة الزيت بتنور ولما ادوس بنزين تطفي ولو خفيت البنزين ترجع تنور تاني وده برضه بيحصل وانا ماشي بالعربية بعد شوية اللمبة تنور وتطفي كل ما ازود بنزين .... فبرجاء حد يفيدني

[احمد جبر]

المنتدى للاسف صحراء خالص تقريبا الناس بطلت تدخل رغم كنا بنتعلم ونستفيد منهم

[BASSIM KHALF]

الاخ زاهر اللى بيسأل على لمبة الزيت بتنور على السلانسيه : معناها ان الموتور بياكل زيت بسبب الحراره الشديده و مشاكل فى دورة المياه أدت لتأكل الشنابر : يئما تزود نص كيلو كل اسبوعيين أو تعمل طقم شنبر + تغيير ردياتير 3 ماسوره و تغيير جوان وش السلندر بالمره + مراجعه على وش السلندر يكون محتاج يقشط لانه من اسباب سخونة المحرك --- شكرا