رابطة ملاك القوية فيات 125 لتبادل المعلومات ؟

المشاركة الأصلية كتبت بواسطة hazem_khidr 125 الايطالي افضل من البولندي لكن قدم ال 125 الايطالي يخليك من الصعب تلاقي منها عربيه نضيفه علاوه علي ندره قطع غيارها الاستيراد زي الشبكه و التابلوه ...الخ الخ لكن لو لقيت منها عربيه نضيفه توكل علي الله اهم حاجه تكون اكسسوارتها سليمه اما بالنسبه للموتور و الات الجر و العفش لاتقلق لانها كلها 132 و متوفره ال 125 موتورها خشن و انا كان معايا واحده و مغير فيها موتور 132 و مغير التابلوه لتابلوه بولندي فقط لكن موديل عالي بالنسبه لعمره الموتور لو حافظت عليها ممكن يعيش 4 سنين او اكتر كمان بس العمره تكون معموله صح اهم حاجه في ال 125 ركب المقصات تكون سليمه و شاسيهات العربيه لو دول مظبوطين يبقي 90% من عفشه العربيه هتكون مظبوطه و مش هتتعبك سواء ايطالي او بولندي

:w6w 200504111340266d:w6w20050 4111340266d:w6w2005041113 40266d:w6w200504111340266 d:w6w 200504111340266d:w6w20050 4111340266d

[thunder2006]

السلام عليكم ورحمة الله وبركاته
فى احتمال انشاء الله انى انضمن للفريق القومى لراكبى 125 بس فى شويت استشارات لو سمحتم
1- معروض على عربيه 125 ( مش عارف الموديل بس تقريبا 84 والله اعلم .. المهم انه فوق ال 80 ) هل دى اكيد بولندى ؟؟
2- نسيت اقول ان العربيه ستيشن ولانى محتاج عربيه استيشن فى شغلى .. فا اللى موجود امامى الان 125 وفى 1200 لاده تقريبا برضه موديل 84.
فى الحالتين مش عارف هل 125 ستيشن افضل من 1200 ستيشن ولا لا ؟؟
سعر ال 125 الاستيشن دى المفروض يكون كام ؟؟ مع العلم ان صاحبها قالى هايطلع الرخص باسمى ويظبطها عفشه وسروجى وسمكره ودوكوا ( مهو ده طبيعى علشان يعرف يطلع الرخص اصلا ) لانه كان راكنها لمدة سنه ونصف بدون استخدام على الكاوتش ... فهل عجلها ده يصلح للاستخدام تانى ولا هايترمى هو كمان ؟؟
هو الصراحه العربيه كانت مركونه فى سوق .. والناس كانت بتستخدمها رف ليهم فا السقف اتطبق شويتين كان فى حد كان بيجلس عليه .. بس الراجل قال كله هايتظبط وتتطلع الرخص باسمى.
3- ولو حد عنده خلفيه سعر 1200 لاده ستيشن معاها جواب ( لانها خارجه من تكسى بعيد عنكم ) المفروض يكون كام ؟؟ لان صاحبها بيتكلم فى 8000 وبيقول لو عايزها متظبطه هاخدها على 10000 ؟؟
4- طبعا انا شغل كمبيوتر .. وده سبب طلبى للاستيشن .. لان مينفعش انقل حاجاتى فى عربيه عاديه او على السقف .. وخاصة انى من اسكندريه .. وشويت شتاء على السقف يروحونى انا واى كمبيوتر هايتحط على السقف للعرض فى المتحف مش فى المحل.
5- الكلام اخدنا .. ونسيت اقول انى اول مره هاركب عربيه .. ياعنى هاخد السلم من الجراج قبل اوله بشويه كتير .. فهل ال 125 افضل ولا 1200 بالنسبه للاطفال اللى شبهى فى السيارات ؟؟
6- العربيه بتلين فى مكانها ( حسب كلام الراجل لانها لسه معمرة ماتور ) ومعاها بطريه جديده لسه متفتحتش .. بس شكلها عجيب .. هو خالع الزجاج كله .. علشان ميتكسرش ... والكراسى شكلها عدى عليها فيل ... والكنبة اللى ورا ملهاش ضهر .. وطبعا معاها كام خبطه + بارومه فى حته صغيره فى باب الشنطة اللى ورا ( مش عارف بتسموه ايه ) وشيت صداء فى السقف + فى اكتر من مكان بس واحد صحبى قالى انها تتعالج .. وحسب كلام الراجل انه هايظبطها زى ما قلنا ويسلمهالى برخص باسمى . ايه الكلام ؟؟؟
7- هل فى حاجه معينه اشوفها واتاكد منها قبل الشراء ؟؟ ولا اشترى وربنا يستر ؟؟ ولو فى حاجه مكانها فين وشكلها ايه وتكون سليمة ازاى
اتمنى انى مكونش طولت عليكم .. وتكون الصورة وصلت بما فيه الكفاية ( هو انا عاجبنى شكل ال 125 اكتر من ال 1200 بس مش عايز ارمى فلوسى فى الارض )

[karimomar1976]

السلام عليكم

[karimomar1976]

اتشرف بان انضم اليكم لو تسمحوا لى لرابطة 125
انا انشاء الله معايا 125 بولندى موديل 82 العربية فابريكة من جوه - وهى كانت ملك للوالد رحمة الله علية
وفضلت السيارة مرفوعة كذا سنة - المهم الماتور عمل عمرة مرتين تقريبا - وهو حاليا بيدخن ابيض - روحت لميكانيكى قالى الماتور عايز عمرة - والعمره هتتكلف حوالى 2500 جنية - المهم صوت الماتور خشن جدا وفى صوت تخبيط
وسألته لو حبيت اجيب ماتور 131 هل هيكون افضل - قالى خساره تصرف على العربية وانه هيتكلف 3000 تقريبا
انا مش عارف انا زهقت من الماتور البولندى عشان خشن وتقيل وما بيجريش ونفسى اغيره لماتور ايطالى 131 - 6غيار - ارجو منكم النصيحة - وسألت فى ناس قالولى روح عزبة شلبى - وناس قالولى روح بور سعيد احسن وخد معاك العربية وميكانيكى ولو عجبك ماتور ممكن تركبة هناك وتبيع الماتور القديم بحوالى 400 جنية -
ارجو مشاركتى وابداء النصيحة لأنى داخل على تجديد الرخصة والعربية دى ممكن انشاء الله تفضل معايا كمان 4 - 5 سنيين - بانتظار مشاركتكم اعمل ايه
والسلام علكيم ورحمة الله وبركاته - سبحان الله وبحمده سبحان الله العظيم

[أحمد جودة3]

يسعدني أن انضم اليكم لرابطة فيات 125
الحمد لله ربنا وفقنى واشتريت سيارة فيات 125 اسبيشيال ايطالي موديل 1972 موتور 132 فيه 2 كامة 1495 سي سي الفتيس 5 غيار + المارش وخلصتها على 9500 جنية عاوز اعرف رايكم فى السيارة عموما من حيث الموتور .
وبفكر احدث فيها بعض الحاجات فعاوز نصيحتكم هي الاساسيات تمام بس عاوز اعملها شوية اكسسورات شبابية شوية ... تنصحوني بايه