اسعار قطع الغيار والمصنعية لعمرة الفليشيا 2000

[doma]

أسعار قطع الغيار لعمرة الفليشيا موديل 2000 بتاريخ 31/10/2013
1- 150 ج مصنعية الخراط لعمل جلب صباب ورودية لوش السلندر.[/SIZE][/SIZE][/SIZE]
2- 520 ج طقم دبرياج ( ديسك واسطوانة ) الماني اصلي ماركة ساكس.
3- 70 ج سير دينامو اصلي .
4- 50 ج قاعدة طلمبة مياه اصلي .
5- 220 ج طقم شنبر الماني اصلي .
6- 160 ج سير كاتينة اصلي الماني .
7- 30 ج فلتر زيت .
8- 20 ج جوان منفولت .
9- 15 ج جوان شكمان .
10- 55 ج كوعة ترموستات بدون ترموستات.
11- 45 ج طقم بوجيهات 1 شمعة روسي .
12- 25 ج جوان كرتير كارتون .
13- 30 ج جوان وش سلندر فيكا صيني.
14- 7 ج زجاجة جملكة .
15- 10 ج جوان وش تقسيمة صيني .
16- 15 ج اويل سيل بكرة كرنك .
17- 20 ج اويل سيل كوبلنج .
18- 15 ج اويل سيل عصاية فتيس .
19- 85 ج جركن زيت الترا 3000كم بنزينة وطنية .
20- 600 ج مصنعية الميكانيكي.
21- 100 ج مصنعية بتاع الشكمانات الميكانيكي جابه يسخن حوالين مسمار كان معشق في وش السلندر فخاف يقرص عليه ويكسر وش السلندر فبعت جاب بتاع الشكمانات يسخن حوالية .
22- 120 ج مصنعية الخراط عشان المسمار المعشق اتكسر فالميكانيكي بعت جاب خراط يفوره .
يعني بالصلاة على الحبيب دخلت في حسبة 2387 ج ولا اراكم الله مكروه في عزيز لديكم وتقبلوا تحياتي .

[zing0]

220 ج طقم شنبر الماني اصلي

أعتقد سعرة غالى شوية بس لو ألمانى فعلاً يبقى مش خسارة فيه
البرازيلى بحوالى 120 و مدموغ بس برضه بيضربوه إولاد الذين

100 ج مصنعية بتاع الشكمانات الميكانيكي جابه يسخن حوالين مسمار كان معشق في وش السلندر فخاف يقرص عليه ويكسر وش السلندر فبعت جاب بتاع الشكمانات يسخن حوالية .

- 120 ج مصنعية الخراط عشان المسمار المعشق اتكسر فالميكانيكي بعت جاب خراط يفوره .

يعنى بعد ما بتاع الشكمانات لطش الـ 100 جنية و سخن حوالين المسمار , برضة إتقطم و جابله خراط يفورة
, طيب ما كان وداه للخراط من الأول !!! (حاسس إن الموضوع ده فيه نصبه, بس عادى و لا يهمك, الميكانيكية ياما عملوا علينا شغل و سرقوا و بدلوا حاجات من العربية و ....ربنا يرحمنا

المهم دلوقتى بعد التقفيل تأخد فترة تليين كويسه و متستعجلش و تتابع الحرارة و الزيت و المياه
ممكن لو الريداتير عندك ليه غطا, تفتحة و تحط فيه خرطوم مياه بسيط و تسيبة طول الليل يلين فى مكان مفتوح فيه هوا و بعيد عن أذى الناس من صوت العربية و هما نايمين.
معلش هتسهر جنبها و خلى حد من أهلك أو أصحابك يقعد معاك لو إحتاجت حاجه لأن العربية هتفضل مكشوفه (من غير الكبوت)
و بالتوفيق إن شاء الله