والله الواحد زهق من الزيوت موضوع ياريت نتشارك فية

[ahany]

المشاركة الأصلية كتبت بواسطة محمود زيزوو بس دلفاك هيبقى تقيل قوى على المكنة

نفس لزوجة الزيوت العادية بس بيستحمل درجات الحرارة العالية بدون ما يخف

[Emgrand]

الاشارات هى اللى مبهدله الزيوت
اه العداد معملش 5 الاف كيلو لكن انت وقفت اكتر ما مشيت وطبيعى المكنه شغاله
غير على 3-4 الاف والله الموفق
بستعمل شل الاصفر وحاليا بجرب ليكوى مولى بس عندى حنين غريب لشل

[محمود زيزوو]

المشاركة الأصلية كتبت بواسطة sherif fersh يا زيزو .. أعتقد أن العيب مش فى الزيوت من خلال شكواك من أغلب أنواع الزيوت أقدر أستنتج حاجة من اتنين ... حالة المحرك بتاعك مش تمام و بيتعرض لسخونة زائدة .. أو أنت سواقتك عنيفة و فى الحالتين .. مافيش زيت هايصمد معاك حاول تعرف المشكلة بالضبط ، علشان مايحصلش مضاعفات أغلب الزيوت لونها بيتغير للأسود بعد فترة لكن الفيصل هو اللزوجة شوف لزوجة الزيت و هو جديد و قارنها باللزوجة كل 1000 كم مثلا أنت بتستعمل زيوت تخليقية .. و دى مش سهل فقدانها للزوجة حتى مع الاجهاد الحرارى العالى و ممكن تجرب كاسترول ايدج سبورت 10w60 و هو المعتمد فى BMW M series حتى الآن حوالى 5آلاف كم و اللزوجة جيدة جدا لكن اللون صار أسود ( محركى قديم و قيادتى ليست هادئة ) و فى سيارة صديقى ( حديثة و قيادته أهدأ ) اللزوجة تمام و اللون تمام غيرنا زيت و فلتر فى نفس اليوم أنصحك قبل التغيير القادم بعمل engine flush رغم عدم إقتناعى بجدواه لعل محركك يكون محتاج بعض النظافة و الله الموفق ‘‘

والله انا من النوع اللى بحسس على العربية فى السواقة واخرى يوم مابشد بالعربية 100 ومابين كل غيار وغيار بغير على 2500 لفة بس والعربية عندى عاملة 63 الف كيلو موديل 2007 يعنى مش منى خالص وعلى فكرة مش انا لحودى اللى بشتكى زمايلى كمان نفس الموضوع عارف لو انا لوحدى كنت قولت العيب منى بس مش لوحدى

[mody112]

بلاش ليكوى مولى عن تجربه انا حطيته من فتره والمفروض انه يقعد 12000 كم ولكن انا اغيره بعد 8000 كم عشان المكنة ماشية كتير 150000 كم ( ده كان كلام الموزع ) وهما يدوب 2000 كم ولقيت الزيت نقص واسود واللزوجة فى الباى الباى وصوت الموتور على ولو رضيت بالزيت على ماهو عليه وحبيت تزوده لازم تجيب الجركن 4 لتر على بعضهم لانه مفيش منه لترات منفصله وعلى فكرة انا كنت شارى الجركن ب 190 ج.

[فادى]

معظم الزيوت أدائها متشابه, و لا فارق كبير بينها.
لا تأخذ لون الزيت كمقياس, طبيعى ان يكون لونه أسود لأنه يقوم بتنظيف المحرك (ده مؤشر جيد ان الزيت يقوم بواجبه), و لا ضرر فى ذلك على المحرك.
المهم هو لزوجته, و دى برضو مش هتحس بتغييرها مع الزيوت التخليقية.