اللي عمل حادثة قبل كدة يتفضل

[محمدصلاح القاضى]

انا بقى لسه عامل حادثة من اسبوعين
وهى وانا ماشى رايح مشوار قبل الفطار
وماشى على طريق فردى يعنى رايح جاى

لقيت قدماى واحد راكب عجله وماشى المهم انا شايفه عادى جداا وجاى ميكروباص فى المقابل وفهديت شويه يعنى 60 كيلو كدا والميكروباص عدا وانا باخد شمالى وهعدى بتاع العجله ولقيت بتاع العجله قطع عليا الطريق ومفيش بينى وبينه 5 م وطبعا العربيه بالنسبه للعجله بتجرى قمت كابس فرامل نار والحمد لله انا فرامل عربيتى ديما بشيك عليها دوست فرامل العربيه وقفت مكانها وكلبشت فى الارض لكن طبعا بواقع سرعة العربيه كانت لازم تزحف شويه زحفت يجى متر بالظبط قام الاكصدام بتاعى محمل على العجله بتاعت الراجل طبعا الراجل وقع من على العجله فنازل اشوفه ايه اللى حصله واطمئن عليه من باب الواجب والاحترام اللى مودينى فى داهيه ولسه بفتح الباب وبنزل ولقيت صوت صريخ فرامل وهوب طاااااااااااخ
ونزلت لقيت تيوتا كرولا 2008 داخله فى من ورا طبعا كله هيقول ان انا اللى غلطان عشان وقفت فجأه لكن انا اساسا مكنتش بجرى وبعدين بتاع التيوتا كان طاير بمعنى انه مش ماشى اقل من 120 لان العجل معلم فى الارض مسافة 50م وتقربيا هو كان بيفكر ياخدنى غرزه معرفش يلم نفسه قام داخل فيا
و انا عندى مبدأ كل اللى يجى فى الصاج فى داهية اهم حاجه روح البنى ادم نزلت بقى بعد اما انخبطت اشوف ايه اللى حصل لقيت الراجل بتاع العجله طار وخلع وبتاع التيوتا بنشد سوا مع بعض المهم عرفت بعد كدا ان الراجل بتاع العجله كان معوق وعنده بتر فى احد اطرافه ومعرفش سايق عجله عادية ازاى وبعد اما خلع ببص عليه لقيته بعد 100 متر مننا عمل الحركه دى مع واحد تانى ومن حظه ان التانى كان طاير وشماله فاضى رمى شماله على الاخر والحمد لله ربنا نجاه من الموت كان نازل ترعه بعمق 10 متر لكن لم العربيه تانى بس بصعوبه

[Mido Madrid]

هوه الاكيد ان محدش بيبقه حاسس بحاجه خالص ومبيتحركش انا ليا صاحب كان اتقلب بالعربيه بيقول انا طلعت مش عارف ايه اللى حصل والناس اللى حكولى اللى حصل اخر حاجه فاكرها ان العجله فرقعت وكان ماشي 150 وقال فجاه لقيت نفسي فى الكرسي الورانى والحمد لله محصلوش حاجه.

[king speed]

انا بقي ضحية قطع النور الحادثة في مصر شارع رمسيس مابين غمرة الي رمسيس
كان في فرح ودنية زي الفل وماشي بعربيتي ورجع علي البيت عربية نوعة الانترا 2010
الساعة 4 الفجر ماشي بسرعة علي 120 وكان المدفع ضرب وماشي في امان للة وفجاء النور قطع عن الشارع قولت مش مهم الولع النور اكبر شوية وانا ببص عشان الولع النور لقيت قرايبي
واخوية بيصرخو جامد وفي لحظة لقيت توكتوك في شارع رمسيس ازي معرفش وشارع ظلمة وهو ولا مشغل نور ولا اي حاجة وكمان ماشي في نصف الطريق طبعا مقدرتش اعمل حاجة
خبطت التوكتوك طبعا التوكتوك طاير زي كرة الشراب وانا بقا لبست فية وكمان طلعت علي الرصيف وبقيت عكس الشارع وفين في شارع رمسيس ناس زي الصوريخ وميكروباصات بذات
العربية بقت علبة سردين وسوق التوكتوك لحد دلوقتي في المستشفي ورحت القسم وبقت مولد بس حمد للة كلو طلع سليم ماعد انا والي جانبي كام غرزة في راسي ورجلي

[MOTOR HEAD]

انا مش فاهم يعنى انت اخدت وقت اد ايه عشان تولع النور

[king speed]

لاسف معارف خدت كام بس هية غلط مني عشان كنت الجديد في العربية يعني خدتها كدة من الفرح وجريت بية ونا مشفهم فيها حاجة