أدب الرحلات

[خالدخليفة]

البـيـاعـيـن(1)
ورغم انى مريض واضطريت اسفا بعد مقاومة انى اروح للمستشفى النهاردة الصبح (انا من الد اعداء الذهاب للاطباء (مش الاطباء نفسهم)ومن ألد اعداء الأدوية ولما يجينى صداع بربط دماغى ارحم من قرص اى حاجة) والدكتور بعد ساعة من الكشف
اتنفخ وقاااال / انا شاكك فى المرارة وغالبا ساكن فيها عضو مجلس شعب حالى ومهم
شاكك؟؟ كل ده وشاكك
وادانى حقنة فولتارين وروحت البيت وانا بـتـلوى لكن الحقنة سكنت الالم ونمت ساعة وصحيت تانى مش عارف انام من الام الشك (قصدى البطن اللى شك فيها الدكتور /بيشك ف مرارتى بسلامته وحظه انى تعبان معرفتش ارد عليه)
ولكن جاءت الفكرة وحين تأتى الفكرة لاتؤجلها لبكرة
اجلها لبعد بكرة او بعد بعده حسب ظروفك
وافتكرت البياعين
والبياعين فى كل مواصلة غير التانية وحسب كل واحد ومنظره وقبلى غير بحرى وليهم مناطق وكومندان (قائد) لكل منطقة(هيا سايبة ؟؟)
السـكة الحديد
بحرى
تجد منطقة بحرى قسمين القاهرة / طنطا ثم طنطا / اسكندرية
وكومندان طنطا/القاهرة غير كومندان طنطا / اسكندرية
ووظيفة الكومندان هى تجميع جوز جنيهات (زمان معرفش كام دلوقت) من كل بياع واعطائهم لرجال نقطة شرطة القطار من اجل السماح لهم ببيع بضاعتهم اثناء سير القطار والا سيتم القبض على المخالف (فى دفع جوز الجنيهات) وتحويله الى شرطة السكة الحديد فى اقرب محطة ونادرا مايحدث هذا لانه غالبا بيتفاهم معاهم
ولا اعلم ان كان جزء من هذه الأموال يذهب لرئيس القطار والكمسارية ام لا فقد حاولت البحث مرارا وتكرارا فى هذا الموضوع ولكنه كان اشبه بسر حربى
وسالت احد الكمسارية مرة / العيال دى عاملين دوشة كبيرة
فقال وبكل ديموقراطية / احنا سايبينهم يبيعو بدل م يخرجو بره يسرقو
طيب مهو ممكن حد من الركاب يشتكى
الركاب غلابة يابيه كل واحد عايز يروح وفى المكيف بس بمنمنعهم
اشمعنى
لان القطار مقفول وفى ناس بتبقى عايزة تسافر فى هدوء لكن القطار بتاعنا ده ركابه كل يوم هما هما بنسبة90% وانت واحد منهم
وهذا فى القطارات العادية (والتى يطلق عليها مجازا المميزة)
واما فى القطارات المكيفة فيسمح لهم بالدخول الى القطار اثناء توقفه فى المحطة ويدخل عربية واحدة فقط يفضل رايح جاى فيها لان السفرى اللى فيها (مسئول الابواب /لابس رمادى) حبيبه وهذا فى مقابل حتة حلاوة / باكو مناديل/ ولاعة من ام نص جنيه/ باكو نعناع / حسب مايبيع البياع
وتجد فى الوجه البحرى البضاعة شبه متقاربة ولاتخرج عن الشاى والمناديل الورق والولاعات التى لايزيد تمنها عن جنيه ابدا والا مش هتتباع وحلويات طنطا (المشبك والحمص /واللـديـدة(بالدال /معرفهاش)والنعناع واحيانا واحد بيبيع تىشرتات الواحد ب5 جنيه وقمصان الواحد ب7 ونص وفى الشتاء يدخل علينا بياع الجوانتى والطاقية والآيس كاب واخيرا الشباشب الجلد التى يبدأثمنها ب25 جنيه وتنتهى ب7 ونص وبعض لعب الاطفال التى لايزيد ثمنها عن 2 جنيه وخلى حمادة وميادة (على وزن حمادة) يفرحو
ملحوظة سيئة وعجيبة
فى القطارات المكيفة بالوجه البحرى يدخل البائعون اثناء توقف القطار ويقفزون منه فى آخر الرصيف حين يبدأ مسيره مرة اخرى
والملحوظة اللى تغيظ وتحرق الدم ان غالبية الركاب لايشترى وحين يبدا القطار تحركه ينادى على البياع
يابتاع الحلاوة (والبياع المسكين نفسه يبيع علشان كده كده هيراضى السفرى)
ايوه ياباشا
بكام قرص المشبك
ب2 جنيه
كتير اوى
والله باخد فيه ربع جنيه
هاخد 6 ب10 جنيه
مينفعش
والبياع المسكين عين مع الزبون والعين التانية خارجة بره القطار وشايف سرعته بتزيد
يالا ياباشا علشان انزل
كده كتير اوى
بعض البياعين يشخط فى الزبون ويسيبه ويمشى ينط من القطار وبعضهم يفضل وراه والزبون بيتدلع فيلاقى نفسه سافر معانا والزبون ممكن يتبغدد وميشتريش
وهنا يركبه العصبى لان لو شافه رئيس القطار هتـبـجـى ليلته مطينة بطين الليلة دى
والسفرى يخبـيـه فى الحمام او يقف على جنب كده ولما يشوفه الكمسارى يحايل فيه ويسمع له كلمتين زى الزفت وياسلام لو كمسارى ملتزم بالقوانين نحايل فيه كلنا لحد قلبه م يرق ويسيبه
قطارات قبلى
نفس الكلام مع تغير فى بعض فئات البياعين
يعنى الشاى اساسى وتجد 4 او 5 بيبيعو شاى (مقابل واحد فى الوجه البحرى يطوف القطار كله ولايبيع مثل الصعايدة) وغالبا هؤلاء ال5 المعلم بتاعهم واحد لانى لاحظت تنسيق عجيب بينهم والقطار مقسم مش هيصة يعنى
وبائعو المياه اساسيين فى قطارات الصعيد وخصوصا فى فصل الصيف الذى يمتد فى بعض بلاد الصعيد اكتر من 6 شهور
ويطلع البياع ومعاه لامؤاخذه قـفـة كبيرة مليانه زجاجات ميه متلجة من الحجم الكبير
ويالا الواحدة بجنيـــــيـــيــــه
وتعجبت لكن عرفت انهم بيشترو الزجاجة مستعملة بربع جنيه وينضفوها ويغسلوها ويملوها ميه من الحنفية ويحطوها فى التلاجة
وبياعين الصعيد لكل بلد بضاعة معينة والعامل المشترك هو الشاى هذا يستمر مع القطار من القاهرة وحتى اسوان ولكن من بعد سوهاج غالبا ما يقل عدد بائعى الشاى الى 2 لان زحمة القطار تـقـل
ومن القاهرة لبنى سويف تجد الولاعات ومكالمة الموبايل الدقيقة بجنيه (وفتها ) والاحزمة الجلد والمناديل الورق
ومن بنى سويف يدخل بائع العجور ( بفتح العين وتشديد الجيم مع ضمها بلهجة الصعايدة وهى القـثـاء / القتة )ثم غالبا ماينزل قبل المنيا
ومن المنيا الى سوهاج يركب بائعو محافظة اسيوط
وبلاتحيز فعلا تحس انك فى مكتبة
واحد بـيـبـيـع كتب /وواحد بـيـبـيـع كتيبات صغيرة / وواحد بـيـبـيـع معلم القراءة للاطفال (فاكرينه؟؟) ورابع يبيع ميداليات واخر سلاسل مفاتيح وسادس يبيبع سبح وطواقى (جمع سبحة وطاقية بس باللاوندى مش بالفصحى)
ثم من سوهاج يركب بائع السكر الجلاب (اعتقد القلاب ) وهو قمع السكر يشبه القرطاس ولونه بنى فاتح (كاكاوى وامرى لله) وهو رجل باله طويـيـيـيــــــل جدااااااا ويمكن ان يجلس مع الزبون حتى اسوان ويرغى فى اى كلام ليس له علاقة بالسلعة التى يبيعها
ثم تخف وطأة البياعين تماما ولاتجد الا بائع الشاى هو المستمر فى القطار وتجد القطار قد قلت ركابه جدا وبالتالى خفـتـت هيصة البياعين ثم يقف القطار فى آخر مركز من مراكز محافظة قنا وهو اسنا وهنا يركب بائعو الموز
واسنا بعد التحرى علمت انها شهيرة بزراعة الموز
والشنطة بجنيه فيها حوالى 15 صباع يعنى بتاع نص كيلو كده او كيلو الا ربع لانهم صغيرين شوية وماشاء الله يقف القطار فى اسنا اقل من دقيقة واحدة ويكون بائع الموز فى هذه الدقيقة باع نصف القفة او كلها ثم يرميها من القطار وهو يتحرك ثم يقفز ورائها لانه لايغادر اسنا ابدا
وهذا فى القطارات العادية
لكن فى القطارات المكيفة فخط الصعيد طويل والصعايدة ملتزمين فلاتجد بائع يدخل داخل القطار ابدا
ولذلك غالبا مايتجهون الى بوفيه القطار وبائع الشاى حين يظهر لا يستطيع ملاحقة الطلبات واذكر انى طلبت شاى فى الجيزة فجائنى بالقرب من اسيوط اى بعد 4 ساعات ونصف تقريبا
ولذلك دائما تجد الهدوء فى قطارات الصعيد المكيفة وحتى ان حاول شاب ان يشغل اغنيه من تليفونه المحمول فبعد اقل من دقيقتين يجد من شخط فيه لكى يغلقها ولايستطيع الاعتراض لانه يمكن ان يتطور الموضوع الى مالايحمد عقبا ه
بعكس الوجه البحرى لاتجد الهدوء فى القطارات المكيفة الا فى الدرجة الاولى فقط
واما الدرجة الثانية المكيفة فتجد اغنيه من هنا واغنيه من هناك ولا احد يتحدث
واما القطارات العادية فهى اشبه بميدان العتبة الساعة 2 الضهر هيصة وزمبليطة ووش (دوشة) لاينقذك منها الا قدوم محطتك لكى تنزل
ولله فى خلقه شئون

[خالدخليفة]

المشاركة الأصلية كتبت بواسطة sad-bird عقاب اليوم بما اننا قرب اذان العصر وكلنا جوعى وعطشي وانا اولكم طبعا فهذا عقاب اليوم والعقاب ده حاص بالرجالة علشان ترعفوا يا ستات المنتدي اننا بنعرف نعمل كل حاجة بس بمزاجنا بس سايبنكم تعكوا العقاب الرئيسي 1. صينية بطاطس بالفرن كيلو بطاطس مقطعة شرائحة نصف سم لحم بقري نصف ناضج على حسب الحاجة مقطع مكعبات صغيرة علبة صلصلة او طماطم تضرب في الخلاط 3 بصلة مقطعة شرائح 3 قرون فلفل حرااااااااااااااااااااااق او الاستعاضة عنه بشطة فلفل اسمر وملح وكمون 3 قطع دهن بحجم مكعب مرقة الدجاج زيت ذرة ترص البطاطس في صينية يفرك البصل بالملح والفلفل الاسمر والكمون ثم يوزع حول البطاطس في الصينية تضرب الطماطم في الخلاط ومعها قرون الفلفل او الشطة وتوضع على البطاطس يوضع الزيت والدهن واللحم على الوش وتدخل الفرن وعند منتصف التسوية تولع الشواية لتحمر الوجة وتترك حتى تجف تماما من السوائل ويبقى طعمها مغري وتبقى عاوزة تتاكل اكل كده انا ابو دنيا هيصوت دلوقتي لكن معلش هانت كلها 3 ساعات 2. رز بالشعرية اغلب بنات النهاردة الحمد لله الحمد لله الحمد لله مبتعرفش تعمل رز ( اهيف حاجة في المبطخ ) معلقتين زيت ذرة معلقة سمن بلدي رز حسب الحاجة شعريه حسب كمية الرز تقريب 1 : 5 ملح ماء مغلي تحمر الشعرية في الزيت ، تحط الرز وتحمره شوية صغيرة ، تضع الملح وملعقة السمن البلدي ، تضع الماء المغلي بحيث يصبح اعلى من كمية الرز بمقدار صباع اليد الاصغير في حالة الرز البلدي في حال الرز الفلبيني تزيد الكمية اكتر من ذلك ( معرفش كام والكدب خيبة ) يوضع على نار عالية حتى يغلي ثم تخفض النار لنار متوسطة ثم يوضع على اصغر شعله في البوتاجاز حتى يكمل النضج 3. طبق سطلة خضراء ( وتبقى خيبة قوي بقى لو معرفتوش تعملوه ) 4. طبق شوربة لسان عصفور كيس لسان عصفور سمن شوربة مكعبين مرقة دجاج ماء ملح حمر لسان العصفور في السمن وضع عليه مكعب مرقة الدجاج وكوب ماء بارد عليه واتركه حتى يتشربها كلها ثم ضع الشوربة عليه وهي مغليه وانتظر حتى تمام النضج 5. عيش سخن ومفقع ومفيهوش ولا كلاكيع ولا رمل ولا حاجة خالص عيش بمعنى كلمة عيش وسخن العقاب الثاني ( كله متلج علشان الحر اللي احنا فيه ) دورق عرق سوس متللللللللللللللللللللللل لللللللللللللللج في دورق زجاج وحبات التلج على وشة يا سلااااااااااااااااااااااا ااااااااااام دورق عصير مانجو متللللللللللللللللللللللل لج وبرضه على وشه التلج دورق عناب مخصوص لاحمد بدر وبرضة متلللللج علشان هو بيحبه لدرحجة انه في الافطار الجماعي مقدرش يمسك نفسه قدامه وبلعه كلها مرة واحده ( اطلع بالدورق يا احمد يا بدر) بلاش الخشاف اصله مبيحبنيش العقاب التالي صينية كنافة بالمكسرات صينية كنافة بالمهلبية ام علي وقطايف محشية وقطايف بالكريمة وبلح الشام وكلهم سخنيييييييين على الاكل على طووووووووووووول وكفايه كده لحسن الحلواني اللي على باب الشارع قفل كفايه كده لو اني كنت ناوي على عذاب كبييييييييييير لكن يلا علشان خاطر ابو خليفة تعبان بس أه نسيت تمر سيوي معتبر او تمر سعودي من تمر المدينة اللي بيدوب في البق وانت بتاكله ده اختارو اللي عاوزينه علشان نبقى نفطر عليه لان اللي فوق ده مش فطار ده عقاب ليكم بحلم بالفطار واخركم معايا طبق الفول اللي مش عاجبكم من عم عبده اللي قدام مدرسة ابن خلدون لو انه مش بيشتغل على الفطار لكن هقوله يعمل حسابه ( بصراحة بيعمل فول معتبررررررررررر ) ولو الموضوع اتشال من هنا انتو حرييييييييييين

يابنى اختشى انا هخليه علشان انت حبيبى بس لكن اعمل معروف متكرروش
احسن انت حر والله

[احمد بدر1978]

المشاركة الأصلية كتبت بواسطة sad-bird السلام عليكم أولا على الرغم من إني زعلان جدا ان مفيش حد سأل عليا خالص لكن هرد عليكم ثانيا بما ان استاذ خالد خليفة قرر انه ياخد هدنه يريح فيها اعصابه وبما ان الناس اتعودت على المشاركات اليومية له ومحتاجينها ( على رأي واحد الافيونة بتاعتنا) وبما ان مفيش حد هيقدر يسد في الكتابة مكانه ولا بالخبرة ولا بالاسلوب وبما انه صعيدي وفيه نخوة وغيره على موضوع علشان مش يبوظ وبما انه غيور على موضوعه ومش هيسمح لحد انه يبوظهوله وبما اننا مش لازم نكون انانيين ونفكر في نفسنا بس ولازم نفكر فيه هو كمان وخصوصا ان وراه شغل ومسئوليات وركوب العربية وفي الشوارع بتاعتنا يعصب وينرفز وربنا يستر طريقه وبما اني على قناعه شخصية ويقين ان لو الواحد بدأ شيء وتوقف عنه صعب العودة له كما كان وبالتالي لابد ان استاذ خالد كان يدخل ويقول مشاركة او اتنين على الاقل يوم ويوم واظن انا اقترحت عليه الاقتراح ده جمعوا كل اللي فات ده وقوليلي نعمل ايه اقولكم انا في الحال والتو جائت لي الفكرة الجهنمية ومصدر الفكرة كان احمد بدر لما قال انه اساسي له طبق الفول على الفطار وعليه توم كتير وكمون وبصراحة الريحة دخلت في مناخيري قوي وانا بقرأ وقلت ادي الناس شوية حقن فول ( اكله الغني والفقير في مصر على حد سواء مع الاختلاف في نوع الوجبات الرئيسية ) وفي نفس الوقت استثير حفيظة استاذ خالد وغيرته على الموضوع ويبدأ يبذل شوية مجهود علشان الموضوع مش يتنسي ويبوظ وفي نفس الوقت مش عاوزين نرهقه ونضغط عليه انا عارف اني تجاوزت الموضوع شوية لكن كان لهدف ما والحمد لله تحقق وعلى رأي احمد ممدوح هو فيه حد ميعرفش الفول ده لو اتحط عليه جبس واسمنت برضة هيتاكل والحمد لله وصلنا للهدف وهو عودة الاستاذ خالد للكتابة مرة اخري ولكني اطلب منه وبكل موضوعيه وحب عدم الضغط على نفسه في هذه الصفحة ونسيان او تغافل عن شئونه الخاصة ( الاسرة / العمل / علاقاته الاجتماعية ) فيكفينا موقف واحد يوميا او موقفين يوم بعد يوم حتى لا ترهق نفسك ثالثا لي لوم بسيط على بنات مصر جميعا وهم متمثلين في الاستاذه فاطمة وهو الحال الشائع هذه الايام طالما هناك رجلا يستطيع القيام بالمهام الانثوية فلتقف الانثي لتشاهد ما يعمل وقد لا يعجبها ما يفعله حتى وان كان مخطئا فهو يحتاج للتصويب وهذا ما لم يحدث واكتفت بقول استاذ الفول ( رغم اني ولا استاذ ولا يحزنون، ولكنها بعض الفترات التي كنت مسئولا فيها عن بيتنا في ظروف مرض الوالدة او سفرها للحج هي ما اكسبتني الخبرة في هذه الشئون ) ولم تشارك باي من الوصفات السحرية لها ( لو اني اشك ان توجد فتاه من هذا الجيل لها اي وصفة سحرية او بصمة في شئون المنزل عدا امور الالوان والديكورات) ( رغم اني لا اعترف بالفصل في المهام بين الرجل والاثني في شئون المنزل ، فقد علمنا ان المصطفي صلى الله عليه وسلم كان يعاون زوجاته امهات المؤمنين في شئون المنزل ) رابعا موضوع ال 39 خطوبة ( لم يصلوا 39 بعد ) هي مجموعة مشاركات كتبتها في موضوع اخر واضح ان استاذ خالد حدث تداخل في القراءة بين الموضوعين وبالتالي جاء الرد هنا خطأ ( جل من لا يسهو ) ولكنه وعلي الرغم من خبرته الكبيرة لم يفيدنا بالرد في الموضوع سواء بذكر خبراته او بذكر نصيحة لي توضح ما هو التصرف السليم في مثل هذه الأمور باعتباره اخ اكبر لنا والامر بالامر يذكر انا لم اتقدم فعليا لخطبة ال 39 ولكنهم تقدمت لواحده فقط وتقريبا 4 او 5 كان هناك مشاورات والبقية اباقية مجرد التفكير اوالاقتراح سواء من احد الاصدقاء او من الاسرة او تفكيري الشخصي في احدي الشخصيات وجميعهم الحمد لله على قدر كبير من الاحترام ولم اسيء لأحد منهم بالقول ولا الفعل سواء في الحقيقة او في مشاركاتي اما عن المناقشات والتعليقات بيني وبين استاذ احمد بدر او احمد ممدوح فهي على سبيل المزاح الذي تعودت عليه مننا وهو من باب تفريغ شحنات من الهموم والضحك على مواقفنا فيها لكننا لم نحول الموضوع لساحة لمناقشة امور الزواج واعتقد ان هناك اكثر من موضوع يناقش هذه القضية خامسا اما الغريب في الامر هو موقف الادارة ورد استاذ حازم شاهين باستبعاد كل ما ليس له علاقة بموضوع ادب الرحلات في موضوعات اخري مستقلة نحن نشكر له هذا المجهود خاصة وانه حافظ على مشاعرنا وانا لست اعترض على ذلك ولكن الغريب في الامر هو فصل مشاركات الاستاذ gadix من ادب الرحلات على الرغم انها خبراته الشخصية في الرحلات اواسفاره وان كان الهدف هو فصل اي مشاركات غير ادب الرحلات للاستاذ خالد خليفة فليتم تغيير الموضوع باسم ((( أدب الرحلات ..... خالد خليفة ))) خاصة وان النية في النهاية تجميعها وتنقيحها والاضافة عليها وتعديلها من اجل طباعتها ككتاب وليتم استبعاد بعض المشاركات الاولية في الموضوع في نفس الموضوع الاخر الذي تم فيه الفصل اخيرا وليس اخرا واقف انا وتاعب نفسي في المطبخ اعملكم 7 اطباق فول ولا حد منك يقول شكرا ولا ايه رأيه في الفول اللي اتعمل وعقابا ليكم استنو لما افكرلكم في عقاب مجزي

اية يابنى الكلام الكبيردة
اييييييييييييييييييييه

http://www.youtube.com/watch?v=jjfz4...eature=related

وحد الله انا بردة اللى فتحت الكلام فى الفول

[احمد بدر1978]

المشاركة الأصلية كتبت بواسطة sad-bird عقاب اليوم بما اننا قرب اذان العصر وكلنا جوعى وعطشي وانا اولكم طبعا فهذا عقاب اليوم والعقاب ده حاص بالرجالة علشان ترعفوا يا ستات المنتدي اننا بنعرف نعمل كل حاجة بس بمزاجنا بس سايبنكم تعكوا العقاب الرئيسي 1. صينية بطاطس بالفرن كيلو بطاطس مقطعة شرائحة نصف سم لحم بقري نصف ناضج على حسب الحاجة مقطع مكعبات صغيرة علبة صلصلة او طماطم تضرب في الخلاط 3 بصلة مقطعة شرائح 3 قرون فلفل حرااااااااااااااااااااااق او الاستعاضة عنه بشطة فلفل اسمر وملح وكمون 3 قطع دهن بحجم مكعب مرقة الدجاج زيت ذرة ترص البطاطس في صينية يفرك البصل بالملح والفلفل الاسمر والكمون ثم يوزع حول البطاطس في الصينية تضرب الطماطم في الخلاط ومعها قرون الفلفل او الشطة وتوضع على البطاطس يوضع الزيت والدهن واللحم على الوش وتدخل الفرن وعند منتصف التسوية تولع الشواية لتحمر الوجة وتترك حتى تجف تماما من السوائل ويبقى طعمها مغري وتبقى عاوزة تتاكل اكل كده انا ابو دنيا هيصوت دلوقتي لكن معلش هانت كلها 3 ساعات 2. رز بالشعرية اغلب بنات النهاردة الحمد لله الحمد لله الحمد لله مبتعرفش تعمل رز ( اهيف حاجة في المبطخ ) معلقتين زيت ذرة معلقة سمن بلدي رز حسب الحاجة شعريه حسب كمية الرز تقريب 1 : 5 ملح ماء مغلي تحمر الشعرية في الزيت ، تحط الرز وتحمره شوية صغيرة ، تضع الملح وملعقة السمن البلدي ، تضع الماء المغلي بحيث يصبح اعلى من كمية الرز بمقدار صباع اليد الاصغير في حالة الرز البلدي في حال الرز الفلبيني تزيد الكمية اكتر من ذلك ( معرفش كام والكدب خيبة ) يوضع على نار عالية حتى يغلي ثم تخفض النار لنار متوسطة ثم يوضع على اصغر شعله في البوتاجاز حتى يكمل النضج 3. طبق سطلة خضراء ( وتبقى خيبة قوي بقى لو معرفتوش تعملوه ) 4. طبق شوربة لسان عصفور كيس لسان عصفور سمن شوربة مكعبين مرقة دجاج ماء ملح حمر لسان العصفور في السمن وضع عليه مكعب مرقة الدجاج وكوب ماء بارد عليه واتركه حتى يتشربها كلها ثم ضع الشوربة عليه وهي مغليه وانتظر حتى تمام النضج 5. عيش سخن ومفقع ومفيهوش ولا كلاكيع ولا رمل ولا حاجة خالص عيش بمعنى كلمة عيش وسخن العقاب الثاني ( كله متلج علشان الحر اللي احنا فيه ) دورق عرق سوس متللللللللللللللللللللللل لللللللللللللللج في دورق زجاج وحبات التلج على وشة يا سلااااااااااااااااااااااا ااااااااااام دورق عصير مانجو متللللللللللللللللللللللل لج وبرضه على وشه التلج دورق عناب مخصوص لاحمد بدر وبرضة متلللللج علشان هو بيحبه لدرحجة انه في الافطار الجماعي مقدرش يمسك نفسه قدامه وبلعه كلها مرة واحده ( اطلع بالدورق يا احمد يا بدر) بلاش الخشاف اصله مبيحبنيش العقاب التالي صينية كنافة بالمكسرات صينية كنافة بالمهلبية ام علي وقطايف محشية وقطايف بالكريمة وبلح الشام وكلهم سخنيييييييين على الاكل على طووووووووووووول وكفايه كده لحسن الحلواني اللي على باب الشارع قفل كفايه كده لو اني كنت ناوي على عذاب كبييييييييييير لكن يلا علشان خاطر ابو خليفة تعبان بس أه نسيت تمر سيوي معتبر او تمر سعودي من تمر المدينة اللي بيدوب في البق وانت بتاكله ده اختارو اللي عاوزينه علشان نبقى نفطر عليه لان اللي فوق ده مش فطار ده عقاب ليكم بحلم بالفطار واخركم معايا طبق الفول اللي مش عاجبكم من عم عبده اللي قدام مدرسة ابن خلدون لو انه مش بيشتغل على الفطار لكن هقوله يعمل حسابه ( بصراحة بيعمل فول معتبررررررررررر ) ولو الموضوع اتشال من هنا انتو حرييييييييييين

يا استاذ محمد افتح موضوع لكى يا سيدتى وارحمنا

المشاركة الأصلية كتبت بواسطة خالدخليفة البـيـاعـيـن(1)

الف سلامة عليك يا استاذ خالد
انت نسيت بياعين الجلاليب والشوم والعمة ياعم خالد فى قطارات وجة قبلى

المشاركة الأصلية كتبت بواسطة خالدخليفة يابنى اختشى انا هخليه علشان انت حبيبى بس لكن اعمل معروف متكرروش احسن انت حر والله

وحد الله يا عم خالد خلاص عرفنا انك واصل خليها عندك المرة دى

المشاركة الأصلية كتبت بواسطة خالدخليفة ارجو من اخواننا تخفيف المراجيح شوية لان بعض الناس اللى بتدخل تقرا وتستفيد ممكن تقرا صفحتين تلاتة مراجيح تزهق واحنا عايزين الناس تستفيد الله يسامحك ياساد بيرد 4 صفحات مش عارف والا 5 عن الفول و10 عن خطوباتك والموضوع عن الرحلات اصلا حسبى الله ونعم الوكيل فيك انت واحمد بدر ههههههههههههههههههههههههه ه

هههههههههههههههههه

ايو كدا يا عم خالد عايزك تركزلي في الدعه علي احمد بدر

المشاركة الأصلية كتبت بواسطة خالدخليفة الهنجرانية وست ابوها

هههههههههههههههههههههههه
هتفضل انتا ورا سواق الميكروباص لحد ما يروح في داهيه زي اللي قابله الراجل لحق نفسه علي اخر لحظه هههههههههههه


[QUOTEخالدخليفة;236951]مطروح


[/QUOTE]



ههههههههههههههههههههههههه هههههههه

من عبد الباسط لعبد الحليم لجورج يا قلبي لا تحزن الراجل السواق عمال بينحضر من الاحسن للاسوء للاسوء

المشاركة الأصلية كتبت بواسطة خالدخليفة أم حسين (اعتقد دى كنيتها

اجري يا عم الشباب والرياضة هههههههههههههههههههه
ربنا يخليلك ام حسين اللي انقذتك كذا مره ديه

فعلا لسه في البلد ناس طيبين

المشاركة الأصلية كتبت بواسطة خالدخليفة عادة زفـــت

ههههههههههههههههههههههههه هههههههه

اسئلوني انا يا جماعه عن العاده اللي في عم خالد ديه انا مجربها وانا رايح معاه اسكندرية

واقفله في الشمس لما دماغي بقت نص سوه وهو قاعد في البيت بيكتب في مواضيع

ربنا يكون في عون اللي منتظرك في ميعاد يا عم خالد

المشاركة الأصلية كتبت بواسطة خالدخليفة الأمان فى مطروح (تنبيه

خلي بالك يا زعيم بلاش القلب الطيب ده اللي هيوديك ورا الشمس في 2010 ده المسجد اللي قدامنا اتسرقت منه قلوب الحنفيات والناس بتصلي المغرب يعني اللي سرق سرق والناس بتصلي

المشاركة الأصلية كتبت بواسطة خالدخليفة اللـيـبـيـيـن والسجاير

ياااااااااااااااااااااااا ااه

يا رتني كنت معاك والله العظيم انا مبعرفش امسك نفسي في المواقف اللي زي ديه لو هيضيع فيها رقاب

بس والله طلعت الراجل الوحيد اللي في العالم اللي كانت راكبه الميكروباص دول وحتي دول محصلوش مره

المشاركة الأصلية كتبت بواسطة خالدخليفة خواجة ظريــف

ههههههههههههههههههههههههه
متفكرنيش ده انا بتزنق حته زنقه معاهم لما بيتصلو عندنا في الشركة وبيبقي من حظي المنيل اني ارد عليهم وهما قمة الرغي مبلحقش اجاريهم في رغيهم واخر ما بزهق بقفل السكة في وشهم