انحراف السيارة مع الضغط على الفرامل

[engfathy]

أعتقد ممكن يكون العيب في رجلاش الفرامل مخلي عجلة تفرمل اشد من التانية..والله اعلم

[zamanan2000]

انت محتاج فراملجى مش ميكانيكى روح لفراملجى احسن يبصلك عليها هيفيدك اكتر من الميكانيكى

[Ziad_fawzi]

معنى ان السيارة بتلف من ورا ان الضغط للفرامل الخلفية مش متساوي اواحتمال تكون الامامية برده لاني ماشفتش العيب بنفسي و انصحك بالتالي:

1- اول حاجة تتأكد ان الزوايا سليمة و كذلك الكاوتش
2- مش معنى ان الخراطيم الامامية جابت زيت يبقى سليمة ممكن يكون ضغط الزيت مع الفرامل مختلف من ناحية اليمين عن الشمال ..لازم تتفك و يتكشف عليها لان ممكن تكون فيها سدد جزئي و ده هاتعمله للاربع خراطيم امامي و خلفي
3- تراجع التيل الخلفي و تعمل رجلاج للفرامل بحيث تبقى عالشعره بلغة الصنايعية يعني لو العربية مرفوعة تلف العجل بأيدك يلف عادي بدون اي مقاومة و لو رفعت فرامل اليد تكه واحدة يبقى في مقاومة وتتقل جامد وانت بتلفها
4- غير زيت الفرامل عشان لو في شوائب في المواسير او الخراطيم ينزلها بس خللي الميكانيكي يفضي من الاربع جهات و طبعا لازم ياخد هوا بعد تغيير الزيت

ان شاء الله العيب هايتصلح و اهو تبقى عملت صيانه كاملة لنظام الفرامل كله

و بالتوفيق ان شاء الله

[diaahsn]

بص يا باشا انا كانت عندى مشكلة مشابهة فى عربية لادا كانت عندى كل ما افرمل اللعجلة الشمال ورا تصرخ والعربية تحدف والميكانيكى كل مرة يفك التيل يصنفرة ويغسللى الطنابير بالجاز و3 مرات على كده يباشا ويومين وترجع لحد مغيرت التيل الخلفى كلة وخرطت الطنابير عند الخراط فاختفى الموضوع

[momadine]

أنا كان عندى كدة غيرت فرامل أماى فكيت الخلفى لاقيت فيها رايش كتير بعد ما اتنضف العربية مبقاش فيها مشكلة

مش عارف كانت المشكلة من الأمامى و لا من الخلفى بس شكلها أمامى