ال flywheel او الحدافة

[mr_astra]

الفولام عادة ما بيكون مصنوع من الزهر
فصعب اوى انة يحصلة تاكل زى ما بيحصل للدسك ...هانكتفى بتتنظيفة بصنفرة خشنة وبعدها ببنزين
الدسك الحالة الوحيدة فى تصليحة انة بيتشد فقط يعنى لو الريش بتعتة بقت طرية فى صنايعية بتشدة تانى
بس بينى وبينك موضوع يقلق شوية
هات الطقم جديد افضل وبامر الله هتلاقية

[Vanditta]

والله انا محتار كلمت كذا واحد بتاع قطع غيار واحد يقولى الطقم هو هو بتاع ال 1300 وواحد يقولى لا مختلف وواحد يقولى هاتلى الطقم القديم ونشوف
وللأسف اتأكدت من منتدى اجنبى كدة ان الفولام مختلف فى ال 1300 عن ال 1000 سى سى اتخن شوية والديسك اكبر فى ال 1300




ف ربنا يستر بقى والاقية جديد
لو مش كدة هاضطر اجيب ديسك واسطوانة استيراد وخلاص من عزبة شلبى
انا كلمت واحد هناك وقالى موجودين
بس طبعا انا وحظى يأما يطلعوا زبااالة يأما احسن من الجديد
انا كل اللى شايل همة اليوم بتاع بكرة دة عشان هاقعد الف هنا وهنا والوقفة عند الميكانيكى وحل الفتيس

اة صحيح هو ينفع اشترى الحدافة بتاعة الموتور ال 1300 واركبها عندى واجيب طقم الدبرياج الجديد ولا مش هاينفع ؟!

[eng/walaaeldeen]

السلام عليكم
فك الطقم القديم وقارنه بالطقم الخاص بال1300 ممكن يكون واحد او ينفع يركب مكانه
ومتنساش تخبرنا عملت ايه
وربنا ييسرلك الحال يارب
والله المستعان

[mr_astra]

زى ما قال استاذنا المهندس / ولاء الدين
فك القديم وهات زية بالظبك بتاع ال 1300 ولا ال1100 مش مهم على اد ما يكون الدسك هو هو والاسطوانة هى هى
الاخ Vanditta عاوزك قبل ما تروح شلبى روح لواحد متخصص دسك واسطوانة
اسمة جمال فى عين شمس - اول شارع العشرين من عند المزلقان - وامام محل موبيلات كبير اسمة الكابتن تقريبا
صدقنى مش هاتندم

[حسام البورسعيدى]

اللى هايكم هو الطقم القديم لما يتحل تاخده فى ايدك وتجيب زيه وتقارنهم ببعض كويس اوى .. ومش محتاج اوصيك انك تستنضف فطقم الدبرياج .. ومتسمعش كلام التجار قارن انتا بعينك كويس ..

حصل معايا قبل كده كنا بنجيب طقم دبرياج لعربية دايو سيلو وكل الناس تنصحنا ناخد بتوع الانوس مع العلم انه يركب بس قطر الديسك والاسطوانه اقل من بتوع السيلو الاصلى ..

مش قادر اقولك اننا لفينا على اكتر من 10 محلات وكل محل نقوله عاوز طقم السيلو موجود ؟؟ يقول موجود ويدخل يجيب بتاع الانوس .. نقوله لا مش ده يبصلنا باستهزاء بكلامنا ويقولنا هو هو يا باشمهندس .. وميقتنعش غير لما اجيب البكوليس (القدمه) واقيسله قطر الديسك علشان اثبتله انه غيره .. وبرضو يقولك مفيش فرق يا بشمهندس وفى الاخر ميبقاش عنده .. فين وفين لما لقينا واحد فاهم ودخل جابه ... لما كنا اتفرسنا ع الاخر لان نفس السيناريو اتكرر اكتر من 10 مرات ..
عاوز اقولك انه يركب عادى بس صاحب العربية دى غاوى شد وحرق وتفويت وتقفيل عداد وكده وموتور السيلو اقوى من موتور الانوس بكتير فطقم الانوس مكنش هيعمر معاه ..

افضل حاجة طبعا الطقم بتاعها (ده لو انتا متأكد انه بتاعها الاصلى لو مكنش اتغير قبل كده قبل ما تشترى العربية ولا حاجه) لو مكانش طقم الـ 1300 هيبقى كويس بما ان موتور 1000 ..

وبالتوفيق

لو ترس الفولام عامل معاك مشكله