اريد المشورة من اصحاب الخبرة فى اكسار 2

[kokolata]

يوجد امامى الان سيارة اكسار 2 اوتوماتيك موديل 2002 فبريكه بره وجوه على 35000 بس يوجد بها مشكله فى الكهرباء وهى ان المارش مش شغال بقاله اسبوع وصاحبها قال هيصلح العيب ده,
ايه رائيكم اتوكل على الله ولا ايه وخصوصا انا معنديش امكانيه بعد كده ان اصلح الا بعد فترة.
وهل السعر ده مناسب.

[kokolata]

المشاركة الأصلية كتبت بواسطة kokolata يوجد امامى الان سيارة اكسار 2 اوتوماتيك موديل 2002 فبريكه بره وجوه على 35000 بس يوجد بها مشكله فى الكهرباء وهى ان المارش مش شغال بقاله اسبوع وصاحبها قال هيصلح العيب ده, ايه رائيكم اتوكل على الله ولا ايه وخصوصا انا معنديش امكانيه بعد كده ان اصلح الا بعد فترة. وهل السعر ده مناسب.

على فكرة طلع كمان ان السنتر فصل والتكيف مش شغال, هل هذا يدل ان السيارة بيها عيب كبير ام لانه فقط يسكن خارج القاهرة ولايوجد هناك اى مراكز صيانه. وماهى تقريبا قيمة تكاليف الاصلاح على اسوء فرض.

[ayman abdelrazek]

المشاركة الأصلية كتبت بواسطة kokolata على فكرة طلع كمان ان السنتر فصل والتكيف مش شغال, هل هذا يدل ان السيارة بيها عيب كبير ام لانه فقط يسكن خارج القاهرة ولايوجد هناك اى مراكز صيانه. وماهى تقريبا قيمة تكاليف الاصلاح على اسوء فرض.

واضح كده ياباشا ان فعلا بها عيب كبير وكمان سعرها رخيص بشكل مقلق وملفت للنظر
عموما اكشف عليها كهربا وميكانيكا كويس جدا قبل ماتشتريها عربيه زى دى لو سليمه ماتقلش عن 43000 خالص!

عموما قيمة التصليح على أسوأ فرض انك هتبقى محتاج تغيير المارش وطقم الدواره كاملا المكون من:
- (ECU - PSI) مع شغل فى الضفيره فضلا عن المصنعيات وكده يعنى قول 4000 جنيه تقريبا
لو محتاجتش تغيير كوالين كمان وممكن مفتاح ايضا (ودى أسوأ الفروض كما ذكرت)
عموما اكشف عليها عند ابراهيم الكهربائى وامجد الميكانيكى هما هيقولولك تاخدها ولا لأ

[kokolata]

شكرا للاخ ايمن على الاجابه المفيدة, طب لو خلصت مثلا العربيه على 32000 وصلحتها يبقى كويس ولا انت رأيك انى ابعد عنها خالص

[Mohamed Dahab]

انا ليا واحد صاحبى باع عربيته من 3 ايام ب 37000
اكسارا2 بس ال1400CC
بس بصراحه العربيه كانت 100100 كان لسه عامل فيها كل حاجه
عفسه ودهان وسيور
بجد الشارى هيركبها على طول من غير مايعمل حاجه فيها