اية الفراق ارجوكم عايز اعرف

[efat_555]

الاخواه الاعضاء في موقنا الجميل اهلا بيكو كنت هموت اعرف اية الفراق بين (الفلترالرياضي) (والديفل) واي منهم اخف ضرار علي الموتور وهل ينفع يركب في 128الفلتر ياريت استفيد من العملاقة الفي المواقع معانا هنا وشكرا

[sayed2077]

اهلا بيك يا غالى معانا فى الموقع وان شاء الله نفيدك فى كل شىء
و
بالنسبة للفلتر الرياضى
فده المقصود بيه انه يدخل اكبر كمية هوا ويقلل كمية الاتربة اللى ممكن تدخل الماتور بس بالنسبة لعربية زى 128 مش هتحس بأى فرق خالص هتلاقى الدنيا هى هى والافضل انك تجيب الفلتر العادى ابو 12 جنية وتغيرة كل 6 شهور هيبقى معاك اعلى اداء للعربية

وبالنسبة للديفل

اللى موجود هنا فى مصر هو حتة الحديدة اللى بتطلع صوت فى اخر الشكمان بس وده مالوش فايده غير انك لو هتاخد مشوار كبير هتصدع نفسك وهتصدع اللى حواليك والناس ممكن تدعى عليك من الصوت
بس الديفل الصح
ده بيبقى منظومه متكاملة بمعنى انها بتبداء من اول الماتور بتاع العربية لغاية اخر الشكمان والفكرة بس فى عملة انه بيوسع الماسورة بتاعت العادم علشان العادم يمر فيها سلاسة وبردوا مالوش اى فرق مع ال 128 علشان اصلا الماسورة بتاعته كافيه جدا وكفاية بس انك كل فترة تروح تسلكه من الكربون اللى بيتراكم عليه وبيسده وكده بردوا هتاخد احلى اداء من العربية وبفلوس الديفل والفلتر الرياضى زود عليهم شوية فلوس صغيرين و ممكن بالفلوس ديه تظبط العربية مثلا هات طقم جنوط حلو او كاسيت وسماعات نضيفة او هات فرش نضيف او هات ديفيى دى نضيف وجى بى اس او مثلا هات سنتر وانذار وهات مكنة سنتر للشنطة وخلى العربية تبقى تتحكم فى غلق وفتح الابواب بالريموت وتفتح كمان الشنطة بالريموت
وظبط بقى

[ahmed_eng2001]

شكرا على الرد و المعلومات الجديدة بلنسبة لى

[M.TONSY]

حد يعرف الفلتر الرياضى عامل كام وبيتغيركل قد ايه