محتاج ارائكم وبشده

[minoeyes]

انا متابع جدا للمنتدى من حوالى شهرين وقررت اليوم الاشتراك لكى اتواصل معكم
انا لسه سايب شغلى ومعاه العربيه لانها تبع الشغل واخر عربيه كانت معايا كانت نوبيرا مانيوال 2008 وكانت ممتازه ولا يعيبها الا العفشه السيئه جدا وذلك لان كل طرقى مكسره وبحمل فى العربيه بضاعه كتير
المهم انا حبيت اجيب عربيه خاصه لى ونويت انى اعملها تقسيط
بسبب ظروف البلد اغلب المعارض بطلت تقسيط مباشر الا بعض قليل واغلبهم سفاحين
المهم قلت نظام اسلامى وروحت كونتاكت وطبعا كونتاكت نصابين واستعلامهم عنك بيتعاملوا معاك على انك جاى تشحت او تسرق وعرفت بعد كده ان مكسب كونتاكت الرئيسى فى فلوس الاستعلام اللى هى 150 جنيه
وحاليا انا مع بنك ومنتظر الرد
انا قررت انى اختار byd f3 مانيوال
وده لانى قريت عنها بشده رغم قلقى الطبيعى من الصينى
بس راودنى شعور انى هاخد امكانيات بسعر كويس بالاضافه انها ممكن تعمل زى تجربه الكورى لما كان نازل برضه رخيص
انا بقى رعبى من التوكيل
انا اصلا مبستحملش القرف ده ومعلش انا ركبت عربيات كتير زيرو ومنهم شاهين ومشفتش فيها مشاكل ومشفتش فى التوكيل اهمال بصراحه
انا بس مشكلتى انى عاوز عربيه اهريها شغل ومتفتحش بقها
ومريحه للعائله وامان سواء فى الاعطال او الفرامل وغيرها
ولو حسيت انى شربتها مش عارف هعمل ايه لانى لا املك انى ادفع حتى مقدم غيرها
المهم انا طولت عليكم اوى
بس انا كل ثقه فى ارائكم ويا ريت اللى عنده معلومه حقيقه يرد على
بلاش اللى يقول سيبك من الصينى لو ببلاش واللى يقول الكورى برقبته لان الفيرنا واللانوس مش كورى ولكن هندى على اوكرانى على صينى وكله مصرى التقفيل
وعلى فكره انا اخويا معاه اللوجان
عربيه حلوه ولكن
الكلاكس وزراير الزجاج فى مكان مقرف
قطع غيار غاليه موووووووووووووووت
انا كنت بتبهدل معاه لما يعطل
مسمار طرمبه بنزين ب 150 جنيه
مرايه مش كهرباء بحوالى الف جنيه
وتدوخ هالحاجه فعلا وغاليه موووووووت
المهم ارجو الرد على
وشكرا

[mhamdy75]

ربنا يوفقك للخير

والعربية دى انتشرت جدا

وممكن حضرتك تقرأ مشاركات ومواضيع الاعضاء

وهتلاقى افادة ان شاء الله

[minoeyes]

المشاركة الأصلية كتبت بواسطة mhamdy75 ربنا يوفقك للخير والعربية دى انتشرت جدا وممكن حضرتك تقرأ مشاركات ومواضيع الاعضاء وهتلاقى افادة ان شاء الله

اشكرك وبشده لاهتمامك
وانا متابع لكل ما كتب عنها الحلو والوحش
بس كنت محتاج الدفعه الاخيره
وربنا يسترها انشالله

[ehabpopo]

المشاركة الأصلية كتبت بواسطة minoeyes انا متابع جدا للمنتدى من حوالى شهرين وقررت اليوم الاشتراك لكى اتواصل معكم انا لسه سايب شغلى ومعاه العربيه لانها تبع الشغل واخر عربيه كانت معايا كانت نوبيرا مانيوال 2008 وكانت ممتازه ولا يعيبها الا العفشه السيئه جدا وذلك لان كل طرقى مكسره وبحمل فى العربيه بضاعه كتير المهم انا حبيت اجيب عربيه خاصه لى ونويت انى اعملها تقسيط بسبب ظروف البلد اغلب المعارض بطلت تقسيط مباشر الا بعض قليل واغلبهم سفاحين المهم قلت نظام اسلامى وروحت كونتاكت وطبعا كونتاكت نصابين واستعلامهم عنك بيتعاملوا معاك على انك جاى تشحت او تسرق وعرفت بعد كده ان مكسب كونتاكت الرئيسى فى فلوس الاستعلام اللى هى 150 جنيه وحاليا انا مع بنك ومنتظر الرد انا قررت انى اختار byd f3 مانيوال وده لانى قريت عنها بشده رغم قلقى الطبيعى من الصينى بس راودنى شعور انى هاخد امكانيات بسعر كويس بالاضافه انها ممكن تعمل زى تجربه الكورى لما كان نازل برضه رخيص انا بقى رعبى من التوكيل انا اصلا مبستحملش القرف ده ومعلش انا ركبت عربيات كتير زيرو ومنهم شاهين ومشفتش فيها مشاكل ومشفتش فى التوكيل اهمال بصراحه انا بس مشكلتى انى عاوز عربيه اهريها شغل ومتفتحش بقها ومريحه للعائله وامان سواء فى الاعطال او الفرامل وغيرها ولو حسيت انى شربتها مش عارف هعمل ايه لانى لا املك انى ادفع حتى مقدم غيرها المهم انا طولت عليكم اوى بس انا كل ثقه فى ارائكم ويا ريت اللى عنده معلومه حقيقه يرد على بلاش اللى يقول سيبك من الصينى لو ببلاش واللى يقول الكورى برقبته لان الفيرنا واللانوس مش كورى ولكن هندى على اوكرانى على صينى وكله مصرى التقفيل وعلى فكره انا اخويا معاه اللوجان عربيه حلوه ولكن الكلاكس وزراير الزجاج فى مكان مقرف قطع غيار غاليه موووووووووووووووت انا كنت بتبهدل معاه لما يعطل مسمار طرمبه بنزين ب 150 جنيه مرايه مش كهرباء بحوالى الف جنيه وتدوخ هالحاجه فعلا وغاليه موووووووت المهم ارجو الرد على وشكرا

حضرتك اتكلمت وسالت ورديت على نفسك ... ال بى واى دى واللوجان ... افضل سيارتين فى هذه الفئة ... لاكن اللوجان زى ماقلت قطع غيارها غالية جدا ... اه بتعمر .... لاكن مش للدرجة دى الغلو ... وكمان بتتعب لما تلاقيها ... اما البى واى دى قطع غيارها فى التوكيل اصلا رخيصة ودرجة اولى وها تعمر معاك ... ومنتشرة برة التوكيل بغباوة ... اصبحت زى الفيرنا واللانوس ... وعندك كمان قطع غيار بديلة ... وهى التويوتا الكورولا ... اكيد بتعمر وكمان مش غالية زى الفرنساوى ...
اتوكل على الله .... مش هاتندم

[العمده المليجى]

كل عام وانتم بخير احب اقول للاخ الفاضل توكل على الله فى البى واى دى مع انى مش منحاذ لفكره التقسيط على فكره انا سافرت للعمل فى الخارج علشان اجيب تاكسى ابيض زيرو وان شاء الله هجيب بى واى دى وكان ممكن اجيبه تقسيط بس ليه اضيع عرقى لحد تانى على العموم اذا نويت بامر الله على شى فانى ارجح البى واى دى نظرا لما ليها من مميزات فى فئتها السعريه وربنا يوفقك للصالح