عندما تكون السيارة ساخنة تعتيل بالمارش ولاتدرو إلا زق

[M.TONSY]

المشاركة الأصلية كتبت بواسطة aly osman أرجوا من الأخوة الكرام إفادتي عن سبب مشكلتي مع السيارة عند برودة السيارة في أي وقت المارش يعمل بكفاءة عالية جدا جدا . وعند السير بها غالبا يحدث داخل البلد وفي الزحام وبسبب الوقوف في الإشارات لو بطلت الموتور وحبيت أقوم بتشغيلة يعتل المارش وممكن مايدورش العربية. وفي بعض الأحيان لكن قليل تدور . فأرجوا من الأخوة الأعزاء أصحاب الخبرة إفادتي عن سبب حدوث هذه المشكلة لأنها محرجة جدا عند حدوثها . وهل أذهب بها إلى ميكانيكي أم إلى كهربائي حتى يتم إصلاح العيب . ولكم مني جزيل الشكر.......

يا باشا ده عيب جلب المارش حضرتك هتودى العربية لكهربائى بيفك المارش وبيبعته للخراط يغيرله الجلب وهتلقيه رجع معاك جديد مش مستاهلة تغيره الموضوع كله هيتكلف 30 جنيه

[DrClick]

والله من رايي المتواضع .... بطاريه - مارش - رشاشات
وحضرتك بتقول البطاريه فى الضمان ...يبقي بص على المارش ولو المارش طلع سليم معاك ...يبقي دور على 4 رشاشات استيراد (او جداد حسب مقدرتك ) وركبهم على التجربه يومين كده وباذن الله الموضوع مش هيطلع بره التلاته دول .

[samirayad]

المشاركة الأصلية كتبت بواسطة ابو حازم اى الاخ الكريم هذه الاجابة الشافية باذن الله بعد اذن الجميع وكامل الاحترام جميع السيارات فى مصر خاصة الفيات والسيارات المستعملة لا تدور بسهولة فى الصباح البارد لعدة اسباب الاساسى فيها هو المارش لابد ان يتم تركيب كابل الارضى الخاص بالشاسيه اسمه كابل حصيرة لان معظم السيارت بتاعتنا اذا رحت للميكانيكى بيشل الكابل ده فى حالة ما ييجى يعمل عمرة للموتور وبعد العمرة ما يركبهوش كذالك الكهربائى يفك المارش ومعاه الكابل دة بيبقى راكب بين المارش والشاسيه وتيجى تقوله ركبت كابل الارضى يقولك اه كله تمام دور بص 100/100 وكلام اونطة من ده الكابل ده اتحدى مهندسين العالم كله ان سبب تعتيل السيارة صباحا هو الكابل ده دى نمرة واحد نمرة 2 يوجد جوان صاج رفيع بيركب ما بين قلة المارش ومكان تركيب المارش عند ترس الحدافة الكهربائ لو فكه ما بيتعبش نفسه فى تركيبه بالبلدى بيطنش نمرة 3 الجلب لازم خراط عنده ضمير تقوله عاوز جلب نحاس جرافيت يعنى بتشحم او بتزيت نفسها بنفسها مش محتاجة تشحيم خارجى الموضع هايطول انا ممكن اكتب صفحات عن طريقة صيانة المارش يشتغل مدى الحياة الكلام حقيقى والله مش فهلوة فانا رئيس اقسام بالخبرة والدبلوم فى شركة بس مش هاقدر اقدر اكتب اسمها وانتم عارفين انه ممنوع اى حاجة دى قوانين نحترمها جميعا والسلام عليكم

هذا هو عنوان الموضوع يا أبو حازم

عندما تكون السيارة ساخنة تعتيل بالمارش ولاتدرو إلا زق

[shedo6]

المشاركة الأصلية كتبت بواسطة ابو حازم مع احترامى للاخ اللى قال حط فوطة فيها ميه دى بوبينة تكرير عارف دى بتخرج كام فولت تيجى تحط الفوطة انت وبتمسكها بايدك كلام مش عملى وغير صحيح دى عربية حديثة يا سيدى الفاضل سلام علشان خاطرى بلاش الفتاوى بدون لازمة من افتى فى شئ بدون ما يعلم دى مصيبة سووداء ومن قال لا اعلم فقد افتى دى بتشتغل بنظام حقن اسمه انجيكشن يعنى حقن اوتوماتيكى ما فيش اللى انت بتقول عليه ده فيه فرق فى العربيات بعد عام2000 وقبله يا سيدى دى تكنولوجيا حديثة يعنى واحد كده عمل مفتح راح صاله فيها عربيات حديثة كتير كسر زيروففعجبته واحدة لانوس تمنها رخيص جامد 50000 فرح جدا وجه يقولى قولتله تعالى نروح التوكيل جه التتقرير بتاعها انها عاوزة ججهاز الحقن بتاعها والتحكم بيغيروه ب16 الف جنيه غير الفك والتركيب والذى منها والسيارة مغيرة النصف الخلفى وسلمل على الضمير ما تزعلشى منى شكراا

ياعم ابو حازم براحه علينا شويه

موضوع الفوته والميه ده صحيح مليون في الميه بس للعربيات اللي فيها بوبينه ولو ما تعرفوش ابقي اسال

والراجل لو معندوش بوبينه يبقي مش هيعملها اصلا

ليه بقي بتقول يفتي ومايفتيش احنا هنا كل واحد بيقول اللي يعرفه يمكن يساعد ..... ولا ايه ؟؟

[tameromarw]

الاخ صاحب الموضوع يا تري عملت ايه واتحلت المشكلة ازاي .. لاني عندي نفس المشكلة بالتمام والكمال
ارجوا الافادة