اخيرااااااا الرجاء من الجميع الدخول

[shamly]

السلام عليكم ورحمة الله وبركاته
اخوانى اعضاء مصر موتورز الكرام احب اتوجه الشكر والعرفان للمجهود المبذول من جميع القائمين على المنتدي بصراحه انا استفدت منه كتير اوي اوي وجاء الوقت لكي افيد الناس ولكي تكون تجربتي امامكم لعلى وعسي احد من اخواتى الكرام لديه نفس مشكلاتي


ابدأ بالتعريف :- امتلك اوبل فيكترا موديل 2000 موتور 1600 سي سي 2 كامه لن احكي على ماساتي مع هذه السياره ولكن حبي واعتزازي لها جعلونى اتمسك بها لاخر نفس وانا الذي كنت سابيعها بدون تردد ولكن لم تهون عليا لن اركب سياره في ثباتها ولا اناقتها ولا تقفيل السياره من الداخل حتى الزيرو لن اجد وبسبب هذا اعطتها واعطيت لنفسي اخر فرصه والحمد لله ربنا كرمني بشخص دللني على المكان الصحيح حيث ذهبت بها اليوم في تمام الساعه الثانيه عشر ظهرا الى طريق طنطا مصر السريع اول طريق اخناواي بطنطا وقولت لنفسي هذه اخر محاوله وقد كانت النتيجه من اول دخولى الى معرض لقطع السيارات المستعمله ولم اكن اتصور اننى ارى ذلك المنظر من سيارات اوبل من جميع الماركات والموديلات حتى الحديث منه اكث من 200 سياره متقطعه ومرتبه بطريقه ملفته للانظار وتقسيم لقطع الغيار بطريقه سلسه ومنظمه جداا تفائلت خيرا ورايت بعيني في هذا المكان ورشه كامله مكونه من خمسه عمال كل واحد منهم مهام ولكن منهم اثنان لا تقولى توكيل اوبل في اي مكان ولا حتى اللى مصنع العربيه دخلت بالسياره استقبلني الحاج صاحب الورشه وقام بالترحيب بي عرضت عليه المشاكل وانا واثق اني لن تستجاب طلباتي ولكن الراجل فاجاني بثقه زايده شويه وقالي (انا فكرك جاي تشيل مكنه واعدلك ياعم انت جاي في حاجات بسيطه)المهم ناداه على شخص اسمه ابراهيم شاب صغير السن وقال له خليك مع الاستاذ شوف طلباته واعمله اللى هو عاوزه -ابراهيم اخذ السيارة دخلها على الكمبيوتر (الكمبيوتر هنج قاله ايه الهبل ده ) ضفيرة الموتور ملخبطه وفاصل منها جميع الحساسات وبها اربع فيش مقطوعه قالى نبتدى بيها في ثوان قام بفك وتركيب الضفيره ببراعه شديده جدا ثم وجد ان التقسيمه خالفه (الله يسامحه الميكانيكي اللي قبله) ظبطها وغير البوجيهات وعدل الكاتينه وغير الكوبلن الامامي وظبطلى دجة حرارة السياره (مع الملاحظه شخص واحد فقط من قام بكل ذلك وبدون مساعده وفي وقت قياسي جداا) ثم قمنا بتجريب السياره ولاول مرة الغيار الثالث يجيب معايا ال100 من غير ما المكنه تزعق ولاول مرة اري نقط المياه تتسرب من شكمان السياره (وعيني تنهمر من الدموع (: (: الخلاصه الحاج عاشور رجعلى الثقه في الاوبل تاني ومش هاروح لحد غيره قطع الغيار بالكامل موجوده وايضا التركيب موجود وبدون عقد ولا ازمات فعلا ادي العيش لخبازه (: واسف على الاطاله وشكرا لكم

[mhamdy75]

ما شاء الله والله أكبر

مبروك عليك حل المشاكل

والفيكترا صديقة عمرى

غيرت حوالى 10 فيكترا بكل موديلاتها

وفعلا عربيه محترمة

[احمد على 1999]

ما شاء الله لا قوة الا بالله
حاجة تفرح بجد
و جزاك الله خيرا على نقلك للتجربة الرائعة

[ABODAHSHAN]

ما شاء الله والله أكبر

مبروك عليك حل المشاكل
ممكن تليفون الحاج / عاشور

[shamly]

المشاركة الأصلية كتبت بواسطة ABODAHSHAN ما شاء الله والله أكبر مبروك عليك حل المشاكل ممكن تليفون الحاج / عاشور

الله يبارك فيك بصراحه انا عمرى ماكنت اتصور اني الاقي حدفاهم في الاوبل كده ولا كانها 128 على العموم رقمه 01222424928 وربنا يحل مشاكلك انت كمان