عايز اركب طرمبة بنزين كهربا .. قولي رأيك فى الموضوع دة ؟؟

[NicEgypt]

المشاركة الأصلية كتبت بواسطة samirayad هو فيه حاجه عاوز أفكر معاك فيها - طيب ماتحاول تتغلب على السبب الرئيسى لغياب الدواره عندك بسيارتك بحيث متعملش أى تعديلات على وضع تصميمى طبيعى كان فى الأساس يعمل بصوره طيبه ______________ فأكيد عندك شىء غير طبيعى بالمكنه يجعلك تعانى من تأخير فى الدواره عموما لكى تجعل الأمور تسير بصوره طبيعيه ( سواء مع أستعمال طلمبه ميكانيكيه أو كهربائيه ) المفروض يكون معدل تصريف وضغط طلمبة البنزين فى دايرة بنزين السياره ثابت ولو فيه حيود يكون بسيط جدا للأفضل ودى بيانات صعب تتعرف عليها إلا من خلال القياسات الهندسيه بجهازقياس ضغط مثلا أو من توفر بيانات عن الطلمبات نفسها وخصوصا من جهة ضغوط الطلمبات

انا غيرت كربراتير والعربية لو درات تانى يوم عادي بدور بسرعة بالمفتاح فقط بدون بنزين
اما لو اتركنت يومين او اكثر بتاخد وقت علشان تدور مع التحضير لها .. هل فكرتي صحيحة ؟؟
بتركيب طرمبة بنزين كهربا لحل المشكلة ؟ بالنسبة للاسئلة المتعلقة بالفرد الثالثة والخرطوم الثالث
دول هل عند حضرتك فكرة ؟

[samirayad]

اما لو اتركنت يومين او اكثر بتاخد وقت علشان تدور مع التحضير لها .. هل فكرتي صحيحة ؟؟

هل بدور وأنت فاصل دبرياج ولا لا

[NicEgypt]

المشاركة الأصلية كتبت بواسطة samirayad هل بدور وأنت فاصل دبرياج ولا لا

اكيد طبعا .. بضغط دبرياج لخفيف الحمل اثناء الدوارة
متقلقش يا بشمهندس من بعض الامور الميكانيكية اتعلمت كتييير بفضل الله وبفضل مجموعة من الناس
زى حضرتك .. حضرتك نسيت انك كنت بتدخل في بعض مواضيعي وتؤيد ردي على الاستفسارات
اي حاجة لها علاقة بالدوارة عملها .. بمعنى اخر :
1 - فصل الدبرياج اثناء الدوارة
2 - زيت خفيف 90 للفتيس .. والفتيس مية وحالتة جيدة الحمد لله
3 - كربراتير حالتة ممتازة استيراد .. علما ان اللى قبلة كان بيتأخر على طول ف الدوارة .. اما دة لو اتركنت بس اكتر من يوم واحد
4 - بوجيهات جديدة وفلاتر بأنواعها .. واسلاك بوجيهات غيرتها 3 مرات من نفسى كدة بدون سبب
اية تانى ؟ مش فاكر . فى انتظار اي استفسارات لحضرتك ..

[samirayad]

يبقى أفضل حل ليك فعلا

محاولة تركيب طلمبه كهربائيه

تحضر بيها بنزين الأول قبل ماتدور

________________

حاول تخللى توصيلاتها لملأ الكربوراتير كل مره قبل الدواره

بحيث تعمل لها مفتاح كهربى تتحكم فيه بنفسك من جوه الصالون on /off

تشغلها لمدة ثوانى قبل الدواره وتفصلها

وبعد كده تدور مكنتك

وتسيب المسئوليه على الكاركه الميكانيكيه

يعنى يبقى عندك 2 طلمبه

1- كهرباء لملأ الكربوراتير وخطوط البنزين

2- طلمبتك العاديه ( الكاركه ) على أساس هى تشيل شغل المكنه الطبيعى

[NicEgypt]

استأذن حضرتك تقولي على نوع طرمبة كهربا معينة لان اللى عندى بايظة
بحيث انها تكون فيها In و Out + فردتين سلك بس .. واحدة كهربا والتانية ارضى .
لانى معرفش اللى فى السوق شكلة ازاي او عامل اية .. ومش عايز اجيب واحدة الاقى فيها مداخل ومخارج واسلاك توصيل كتيرة اكتر من 2 ..