|
#1
05-02-2011, 05:51 AM
|
|||
|
|||
انا شاكك انو حساس الحراره
السلام عليكم
انا عندى مشكله فى سيارتى فيرنا 1500 مو 2006 كنت حاولت اعمل تعديل على وصله الكاسيت فى العربيه بس للاسف فجاه كده لقيت الحاجات اللى ادامى اتغيرت تماما لقيت لما اشيل المفتاح العداد بيتمسح و لما احطه بيرجع و كان البطاريه بتتفصل طبعا قولت اكيد انا خربت الدنيا  جيت اشغل اشتغلت معايا علطول المهم روحت للكهربائى و لقى فيوزات كتييييير ضاربه و بدلتها ملحوظه الفيوزات اللى بدلها كانت فى علبه فى الكبوت و ليست اللى تحت جمب السواق و انا عنده كانت العربيه غرييييبه جدااا اللى حصل كالاتى فتحت الكبوت ملاحظتش اى حراره من الموتور تقريبا حرارته كانت طبيعيه بس خراطيم الردياتير كانت شبه فاضيه و مشفوطه كانها مفيهاش هوا بس لما سيبتها بالراحه ابتدت تاخد شكلها تانى و فكرت انها باظت كده بس طلعت سليمه انا اقصد الخرطومين اللى داخلين و خارجين من الموتور كمان فى حاجه عداد الحراره بيلخبط و طالع لفوق حتى و العربيه بارده او مقفوله و لمبه CHeck شغاله علطول طول ما العربيه شغاله و العربيه ال RPM بتاعها عالى ملحوظه بالنسبه ل رقم RPM هى مش فول اوبشن بس صوت المتور عالى كانك دايس بنزين كمان عاوز اقول حاجه المروحه علطوووووول شغاله مش بتفصل يعنى حتى لو العربيه بارده تماما اول ما اشغلها بالظبط بالكتير 20 ثانيه او اقل كمان و تلاقى المروحه اشتغلت الكهربائى قالى دا غالبا هيكون حساس حراره روح شوف الميكانيكى هيقولك ختها و روحت ع البيت و انا دماغى بتودى و تجيب و طبعا لقله خبرتى اللى تكاد تكون معدومه بسال نفسى ازاى القفله دى حصلت فى الفيوزات و انا مكنتش بلعب غير على طرف واحد فقط كمان ايه علاقه الميه بالموضوع ايه اللى يخليها تنقص بالشكل ده و انا بشغل العربيه و بشيك عليها تماما قبل ما اطلع بيها على السوائل كلها و الحاجات دى كمان عاوز اقول حاجه الكهربائى قعد يدوس بنزين جامد و ببص عند الشكمان من ورا لقيت فى ميه ع الارض تحته عندى شك ان الميه دى ليها علاقه بنقص الميه اللى حاصل بس بردو معرفش ده ايه علاقته بالموضوع انا بحاول اوصلكم الصوره بس اعذرونى انا ابيض يا ورد فى العربيات صوت العربيه من برا عادى جدا و كان مافيش حاجه ما عدا ان صوت المروحه باين بس و المروحه دايره باقصى سرعه ليها طبعا معرفش هى ليها اكتر من سرعه ولا لا و انا راجع من عند الكهربائى قررت انى هروح البيت لحد ما اسال و استفسر و موديش العربيه لاى حد يلعب فيها لاحظت على العربيه ان كان سحبها عااااااااادى جدا طبيعى و كنت بجرى بيها بسرعه عاااادى مكنش فى اى تغيير سبت العربيه يوم و جيت ادورها تانى يوم قولت يمكن المروحه دايره عشان الموتور سخن لما دورتها اشتغلت المروحه علطول حتى قبل ما الموتور يسخن و طبعا معرفش هل دوره الميه شغاله ولا لا و عامتا العربيه دلوقتى اول ما احط المفتاح و ادور بتدور علطول بس معرفش بقى ايه الحاجات دى و انا مش راضى اتحرك بيها لحسن يكون ده هياثر على حاجه و الموضوع يكبر و بعد بحث و تدوير ع النت لقيت ان من اعراض تلف حساس الحراره ان المروحه تدور من غير ما الموتور يسخن حتى و لمه التشك تنور انما موضوع عداد الحراره اللى بيخرف ده معرفش عنه حاجه انا قريت ان فى حاجه اسمها تقريبا حساس عداد الحراره ياريت يا جماعه تفيدونى فى الموضوع ده المفروض لما اروح للميكانيكى ابقى عارف هو هيعمل ايه ولا الكهربائى ده مش خبره و اروح لحد تانى و المفروض انو هيعمل ايه و الحوار ده ممكن يكلفنى فى حدود كام و انا ملاحظ ان بشمهندس سمير عياد رجل خبره كبير هنا فى المنتدى من خلال قراءاتى الكتيره هنا اتمنى ان حضرته يقول رايو بردو و شكرا ليكم 
|
|
#2
05-02-2011, 10:30 AM
|
||||
|
||||
رد: انا شاكك انو حساس الحراره
وبعد أستقرار وضع الحراره على عداد الحراره تتابع برضه آداء دورة التبريد وهل الميه حتنقص معاك تانى ولا لا وبأنتباه شديد وبرضه أطمن على زيت المكنه وشوف لونه عادى ولا بدأ يطحن لأن كده
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
التعديل الأخير تم بواسطة samirayad ; 05-02-2011 الساعة 10:36 AM
|
|
#3
05-02-2011, 10:35 AM
|
||||
|
||||
رد: انا شاكك انو حساس الحراره
لقيت الخراطيم بدأت تسخن صح وحاسس بنبض الميه بين أيديك يبقى الطلمبه شغاله وبتقلب الميه عادى جدا
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#4
05-02-2011, 04:32 PM
|
|||
|
|||
|
رد: انا شاكك انو حساس الحراره
بجد بجد شكرا لحضرتك
ايوه يا بشمهندس الخراطيم بتسخن و ضغطها بيعلى كانك نفخت كوره كده عموما زى زمان ملحوظه يا بشمهندس الميه اللى فى الراديتير معكره ممكن يكون هو ده السبب و تتغير ازاى ؟؟؟ طيب كده الحمد لله دوره الميه شغاله بالنسبه لزيت الموتور انا مغيره من قريب جايب موبل xhp و معرفش يعنى ايه ال 3 حروف دول بس بيقولو انو حاجه نضيفه و علفكره هو 3000 كيلو الزيت عموما كويس و لزوجته كويسه بس يعنى اقدر استنتج من كلام حضرتك ان اللى بايظ بس هو حساس الحراره ؟؟؟ كمان فى سؤال بس برا الموضوع دواسه الاكسيلاتير تقيله شويه مينفعش ازيتها فى مكان ما عشان تبقى خفيفه ؟؟؟
|
|
#5
05-02-2011, 04:38 PM
|
|||
|
|||
|
رد: انا شاكك انو حساس الحراره
كمان دلوقتى لو مشيت بيها هيحصل حاجه ؟؟؟
|
 |
|
|
عداد الحراره بيلخبط و طالع لفوق حتى و العربيه بارده او مقفوله