بوابه الاوبترا وحلها الوحيد

[baby2000]

انا حبيت اشارك بموضوع يهم كل اصحاب اوبترا و هو مشكله البوابه اللى بيعانى منها عدد كبير من ملاك اوبترا وهى مشكله شائعه فيها مش عارف ليه المشكله بتبدا بعدم انتظام فى عداد الاربى ام و كنت بحس ان الماتور بيعلى و يوطى و انا واقف بالعربيه او فى بدايه تشغيلها و بعد كده الموضوع اتطور والعربيه مش كانت بتدور الصبح غير بضغط على دواسه البنزين و افضل ادوس فتره طويله لحد ما العربيه تسخن عشان مش تفصل المهم اتخنقت من الموضوع ده جداااااااااا و بعدين مع الوقت كانت بتفصل و انا ماشى خصوا لما اهدى بالفرامل عند اشاره و بقت تفصل اول مشغل التكيف على طول و انا ماشى روحت لمركز اسمه الزرانى فى اسكندريه فى شارع جمال عبد الناصر و حسبى الله و نعم الوكيل فيهم حبه بهايم مش بتفهم اى حاجه قولتله على المشكله فقلى هنضف البوابه و هتظبط معاك المهم انا مش فاهم حاجه فى العربيه لانها كانت جديده معايا فكوا البوابه كلها و راحوا جابوا من البنزينه لتر بنزين 80 و غسلوها وده طبعا غلط لبوابه بتتغسل ببخاخ كربراتير مخصوص بيعمل حوالى 20 جنيه غسلها و ركبها بشكل غلط جدا لانه المفروض فى الاول بيفصل البطاريه و يغسلها زى مقولت بالبخاخ ويركبها و يعمل ايدل ليرن لكمبيوتر العربيه بخطواط معروفه و يعمل ريست للكمبيوتر برده هو بقى مش عمل اى حاجه و ركبها ودور و العربيه مش كانت عايزه تدور راح شد كابل البنزين عشان تدور و اقنعنى انها بقت كويسه و العربيه بقت ازفت من الاول و اخد 150 جنيه ربنا يهده مش مسامحه فيهم وهو مش كلف نفسه غير جنيه واحد بنزين مشيت بيها شويه و روحت جبت واحده استعمل بتاعت نوبيرا كهربا لانه فى نوع تانى عادى كانت بايظه و جبت واحد تانيه كان بايظه و تالته كانت بايظه زهقت لحد مروحت اشتريت واحده من التوكيل ب 1300 جنيه و ركبتها فى التوكيل ب 55 جنيه بس وعلى فكره توكيل تشوفرليه و اوبل موجود جوه بنزينه موبيل فى سموحه عند ميدان عمانويلوعملوا رست للكمبيوتر و العربيه بقت زى الاكس الحمد لله و فى التوكيل فهمونى على حجات ان البوابه دى اصلا مش بتتصلح و لا بتتنضف و غلط انى انضفها اصل او افكها لان بمجرد الفك برمجه الكمبيوتر بتعتها بتبوظ و تهيس اكتر فلو حد بيعانى من اللى عنيته اتفضل اتصرف فى 1300 جنيه زى الشاطر و روح غيرها و مشكلتك هتتحل و الحمد لله على كل شئوهى دى ضريبه انك تركب عربيه محترمه

[احمد على 1999]

و هى بتبوظ كل كام الف كم ؟

[baby2000]

و الله على حد علمى ان البوابه فى الاوبترا بتبوظ بس ملهاش عدد كلوات معين بس اعتقد انك لو اهتميت كويس بفلتر الهواااااا و تغيره على طول لانه رخيص جدااا بس بيفرق كتير لانه الفلتر اللى مش تمام و انت نسيته هيكون سبب رئيسى ان البوابه يدخلها التراب اللى بيبوظها على طول و كمان نصحونى فى التوكيل بعدم غسيل الميه لانه بياثر برده على الحساسات و خصوصا حساس الايدل اللى هو جزء من البوابه

[عصام غنايم]

البوابه مش عويصه اوى زى ما حضراتكم بتوصفوا

البوابه بتتغسل وهى راكبه بمنظف كربراتير الأول وبعدين رشة WD-40 على اكسين البوابه وشكراٌ

بعد كده بتدخل العربيه على كومبيوتر يمسح الأعطال ويرستر الكومبيوتر ويظبط الأيدل

بس كده

غير كده وير البنزين الواصل للبوابه لازم يبقى فيه خلوص كبير شويه

لأن موتور الأيدل اول الدواره بيفتح ويقفل البوابه كهرباء ولو حضرتك مرجلش على الواير جامد ومش سايب فيه خلوص حركه لموتور الأيدل بتحرق الموتور وكمان مبدأياٌ بيهيس وبيدى عدم انتظام السلانسيه

[m_elmasoudy]

المشاركة الأصلية كتبت بواسطة عصام غنايم البوابه مش عويصه اوى زى ما حضراتكم بتوصفوا البوابه بتتغسل وهى راكبه بمنظف كربراتير الأول وبعدين رشة WD-40 على اكسين البوابه وشكراٌ بعد كده بتدخل العربيه على كومبيوتر يمسح الأعطال ويرستر الكومبيوتر ويظبط الأيدل بس كده غير كده وير البنزين الواصل للبوابه لازم يبقى فيه خلوص كبير شويه لأن موتور الأيدل اول الدواره بيفتح ويقفل البوابه كهرباء ولو حضرتك مرجلش على الواير جامد ومش سايب فيه خلوص حركه لموتور الأيدل بتحرق الموتور وكمان مبدأياٌ بيهيس وبيدى عدم انتظام السلانسيه

الله ينور عليك يا باشمهندس