ياجدعان لية احسس انى وانا ركب الانوس احسس انى ركب مركب فى البحر

[Bendary]

المشاركة الأصلية كتبت بواسطة bmkbmk يا باشا دا انا كنت راكب لانوس مرة و باخد بيها غرزة على 70 حسيت انها هاتتقلب بيا .....

اللى بيفكر فى عربيه يجرى بيها ويقفل العداد
واللى بيفكر يعمل خرز
يبقى الاحسن يجهز ميزانيه فى حدود نص مليون جنيه عشان يجيب بيهم عربيه تحقق طموحه ويدخل بيها الراليات

ولأن مفيش فى مصر اى طريق يصلح لسرعه اكتر من 100-120 أو على اقصى تقدير 150 (وده يعتبر تهور كبير ) لانه هيتفاجئ بمطب او حفرة او انسان بيعدى الطريق فجأة - اما غير ذلك فهو استثناء نادر الحدوث .

ياجماعة : السيارة نعمة من احسن استخدامها صانته
ياريت كل واحد فينا يفكر ان العربيه ماهيه الا وسيلة مواصلات

على فكرة : انا احد مالكى اللانوس - احيانا بجيب بيها 120 فى اوقات قليله جدا على الدائرى او الصحراوى
وغير ذلك فهى السرعات العاديه داخل المدن حسب كثافه الطريق
وفى كل الاحوال راضى تماما والحمدلله عن اداء السيارة والثبات والفرامل ، لانى سمعت كثيرا عن بعض العيوب خاصة فى بطء استجابه الفرامل - لكن الحمدلله ماشيه معايا كويس .

ارجوكم التركيز مطلوب جدا اثناء القياده ، وتوقع دائما خطأ الغير
وربنا يسلم طريقنا جميعا .

[Devill Blood]

اللانوس أصلا عربية زبالة ووالله بدل ما أدفع 50 ألف فيها أجيب لى عربية كرستالة نظيفة جدا
أنا مش بقول مثلا أنها وحشة لكن بقول بالنسبة للسعر اللى هى فى حرام

[Devill Blood]

المشاركة الأصلية كتبت بواسطة Bendary اللى بيفكر فى عربيه يجرى بيها ويقفل العداد واللى بيفكر يعمل خرز يبقى الاحسن يجهز ميزانيه فى حدود نص مليون جنيه عشان يجيب بيهم عربيه تحقق طموحه ويدخل بيها الراليات ولأن مفيش فى مصر اى طريق يصلح لسرعه اكتر من 100-120 أو على اقصى تقدير 150 (وده يعتبر تهور كبير ) لانه هيتفاجئ بمطب او حفرة او انسان بيعدى الطريق فجأة - اما غير ذلك فهو استثناء نادر الحدوث . ياجماعة : السيارة نعمة من احسن استخدامها صانته ياريت كل واحد فينا يفكر ان العربيه ماهيه الا وسيلة مواصلات على فكرة : انا احد مالكى اللانوس - احيانا بجيب بيها 120 فى اوقات قليله جدا على الدائرى او الصحراوى وغير ذلك فهى السرعات العاديه داخل المدن حسب كثافه الطريق وفى كل الاحوال راضى تماما والحمدلله عن اداء السيارة والثبات والفرامل ، لانى سمعت كثيرا عن بعض العيوب خاصة فى بطء استجابه الفرامل - لكن الحمدلله ماشيه معايا كويس . ارجوكم التركيز مطلوب جدا اثناء القياده ، وتوقع دائما خطأ الغير وربنا يسلم طريقنا جميعا .

والله يا أخى عندك حق ياريت الناس كلها تفكر شوية ؟ هو أنا جايب العربية ليه عشان أسرع وأسرع وفى الأخر أعمل حادثة وأقول ياترى اللى جرى ما كان ولا جايبها عشان أرتاح من المواصلات؟

[رياح التغيير]

وايه اللي سعره حلو في بلدنا ياراجل ده الجولف4 مستعملة بره ومكنة 1600 ب1500 يورو بس ووغير abs والذي منه يارب الجمارك تتلغي

[Bendary]

المشاركة الأصلية كتبت بواسطة Devill Blood اللانوس أصلا عربية زبالة ووالله بدل ما أدفع 50 ألف فيها أجيب لى عربية كرستالة نظيفة جدا أنا مش بقول مثلا أنها وحشة لكن بقول بالنسبة للسعر اللى هى فى حرام

لكل شخص وجهة نظره التى يجب ان نحترمها جميعا

لانوس اول او تانى سيارة اكثر انتشارا فى مصر بالاشتراك مع الفيرنا
ومثلها مثل اى سيارة لها مميزات وعيوب وفى الاخر هى مسالة عرض وطلب - متطلبات وامكانيات

اما قولك بانها سيارة زباله : اعتقد انه خانك التعبير فى هذا اللفظ ، لأن مش معقول كل مالكى اللانوس عاوزين يرموا فلوسهم ع الارض .
واما عن رايك بخصوص السعر : 100% معاك حق - كلنا عارفين ان مفيش عربيه فى مصر بتتباع بسعرها الحقيقى حتى لو كانت من اعلى الماركات