|
#146
12-03-2011, 05:01 AM
|
||||
|
||||
رد: مـقـــا لا ت
علم مصر
سمعت هذه الجملة منذ قليل وللحق أعجبتنى رغم طرافتها ولذلك قلت انقلها كما هى والجملة تقول بصوا لعمة البابا شنودة ......وعمة شيخ الأزهر ...... ستجد انهما يجمعان علم مصر فعلا اول مرة الاحظ الحكاية دى فعمة البابا شنودة سوداء وعمة شيخ الأزهر بيضاء بداخلها قفطان احمر فعلا ان قطبى الأمة المصرية يضعان على رأسيهما مصر اللهم أحفظ مصر من كل سوء ......اللهم أمين
__________________
 انتقل الى رحمة الله .. ونسأل الله له الرحمة والغفران 
|
|
#147
13-03-2011, 05:41 AM
|
||||
|
||||
|
رد: مـقـــا لا ت
الطابور الخامس
والجملة دى جملة قالها لاول مرة راجل اسبانى صايع أيام الحرب الأهلية فى اسبانيا من ييجى 75 سنة كده لما لقى نفسه مش قادر يخلص المعركة رغم انه كان قائد عسكرى وكانت الفرقة اللى بتحارب معاه عبارة عن 4 طوابـيـر فـقرر أنه يبعت مجموعة جواسيس ومرتزقة ...........لبث الخوف والرعب والهلع داخل صفوف اعدائه ولما سألوه / شوية العيال دول مستعصـيـين عليك ليه كده فـقـال مامعناه / ان لدينا طابور خامس يعمل بالداخل وسنـتـمـكن منهم قريـبـا وأصبحت هذه الجملة تـقال على كل جاسوس يعمل لحساب الدولة او الاعداء من أجل تخريب الوطن والمواطنين وقلت هذا الكلام لانى اليوم وأنا فى مترو الأنفا ق قادما من التحرير سمعت شخصا يحكى بصوت عااااااااالى جدا بأنه حدثت حالات خطف عندهم فى عزبة النخل ومنطقة عرب الطوايلة وان هناك احدى المدرسات قتلت فى مدرسة كذا بعزبة النخل من اجل سرقة ذهبها .........وأن احد الناس أوقـفـوه واستـكـتـبـوه عـقدا لبيع سيارته وأخذوا نقوده ومشوا وظل يحكى....... ويحكى ..............ويحكى وفـهمت أنه طابور خامس فصوته العالى جدا مقصود لكى يسمع أكبر عدد ممكن من الناس والمدرسة التى ذكرها اثناء حديثه بأنه قد تم قتل احدى المدرسات بها بعزبة النخل ........من سوء حظه ان ابن احد اقربائى طالب بها واتصلت به وسألته وقال / م حصلش حاجة من الكلام ده والغلطة الثانية له / مسألة التوقيع على عقد بيع السيارة فالسيارات بالذات لها نقل ملكية فى المرور ولا يؤدى عقد البيع الموقع فى الشارع الى نقل ملكيتها لانه عقد عرفى ولانه لم يتم نقل الملكية من جانب المالك الى المالك الجديد سواء بنفسه داخل أدارة المرور أو بناء على توكيل صادر من مالك السيارة وموثق حديثا بالشهر العقارى هيا هيصة ؟؟؟؟ ولكن لأن الناس تريد أن تصدق ولأن الناس نفسيا مهيأة لذلك .....فهم يصدقونه وكل شوية يكرر جملة / مهو مفيش حكومة ......وكل واحد بيعمل اللى هو عايزه بصوت عالى جدا ...........وكان واضحا أنه يقصد ان يسمع أكبر عدد ممكن من الناس وفهمت انه طابور خامس فعل هذا غالبا ب 50 جنيه .......... ومن أجل 50 جنيه (هذا تخمين ........ربما قبض اكثر أو أقل وربما له مصلحة أخرى ) يبث الرعب فى قلوب الناس ومن اجل 50 جنيه يكرر كلماته مرة واثنين ومن اجل اغراضه الدنيئة يرفع صوته عاليا .........لكى يسمع الجميع أذن لازالت هناك أصابع تلعب فى الخفاء هناك من لم يقتنع بالهزيمة بل انه يعلم ان مبارايات الكرة من شوطين .....والشوط الثانى بدأ وهجمة شرسة قوية من الموظفين وأصحاب الطلبات الفئوية ولكنها احتسبت....تسلل وهجمة أشرس بأثارة الفـتـنة...بين المسلمين والأقباط .....ولكنها خرجت الى الأوت ويستمر الكر والفـر بين الفـريـقـيـن فهذه هجمة قوية على مرمى النظام المنتهى ......فـقد تم تقديم 5 من قيادات الشرطة الى المحاكمة وحبسهم جميعا على ذمة قضية قتل المتظاهرين ويستمر الشوط الثانى وهجمة هنا..... وهجمة هناك فهذه هجمة عن الطريق التليفزيون المصرى نفسه (عجيبة والله......... وخصوصا برنامج مصر النهاردة ) وينشرون استغاثات من الناس غالبا ما تكون وهمية لانى حاولت الأتصال ببرامج مختلفة فى التليفزيون المصرى بالذات ولم استطع فالمتصلون متفق معهم على الاتصال والكلام .........بكلام معين ومتفـق عليه من أجل بث الهلع فى قلوب الناس ولم ينتهى الشوط الثانى بعد ...... ولكنى متأكد تمااااااااما ...........انهم لن يحرزو هدفا فطيور الظلام والخفافيش لايعرفون اللعب فى النور وأضواء مصر كلها مضاءة والملعب مكشوف وهذا الشعب وصل الى حد النضج الفـكـرى بحيث لن يستطيع أحد ان يضحك عليه هناك سلبيات ستأخذ وقتها ثم تختفى تدريجيا مثل المعاملة السيئة لرجال الشرطة عمال على بطال ........والنظر اليهم انهم خونة .....ودائما مخطئين فهى مسألة وقت فـقط وان كان رجال الشرطة الذين لايريدون العمل والنزول مرة أخرى الى أعمالهم يجب محاكمتهم بتهمة الخيانة العظمى فالتخلى عن الأمن هو خيانة .......ورغم ان هذا الشعب المحترم لم يهتز أمنه بنفس قدر انسحاب الشرطة من حمايته فالشرطة انسحبت بنسبة 100% ثم بدأت تعود تدريجيا حتىا الأن وبنسبة 60 % (هذه النسبة ليست من دماغى وانما بناء على وزير الداخلية الجديد أمس ) ولكن الأمن لم يهتز بنفس النسبة يحاول الخفافيش وبمساعدة التليفزيون المصرى محاولة بث هذا الرعب والخوف ولكن هيهات فلن يحرزوا أى أهداف
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 13-03-2011 الساعة 06:06 AM
|
|
#148
14-03-2011, 03:49 PM
|
||||
|
||||
|
رد: مـقـــا لا ت
فعلا اليوم بعد الثورة هناك طابور خامس من اذناب النظام السابق وفلول الحزب الوطنى لأن طول فترة الانفلات الأمنى الرهيب من يوم 28 يناير ومفيش اى جريمة على الكنائس حصلت وبعد استتباب الأمن جزئيا بسبب اللجان الشعبية جرائم السرقة كانت تقريبا منعدمة
يبقى ايه المشكلة دلوقتى نحن دلوقتى افضل من شهر مضى المشكلة ان لسه فيه الايادى الخفية من زبالة مبارك واعوانه مش عايزين البلد تتقدم وعاوزين يبلغوا رسالة للمواطنين بطريقة قذرة ان انتوا النهاردة ولا حاجة ولا تقدروا تعملوا حاجة الصبر طيب وان شاء الله سيتم اقتلاعهم واحد ورا التانى واللى منهم هيشعر ان ملوش مكان فى هذا الجتمع الجديد النظيف سيخرج فورا وبلا رجعة
__________________
د / محمد إن الله لا يصلح عمل المفسدين
|
|
#149
15-03-2011, 03:19 AM
|
||||
|
||||
|
رد: مـقـــا لا ت
خبر خطير سمعته اليوم ولم أدرى ماصحته
والخبر بيقول ان كل خريجى كليات الحقوق او اللى فى الليسانس ممكن يدخلو كلية الشرطة والكلام ده معناه اننا فى خلال 5 سنين هيطلع جيل جديد محترم من رجال الشرطة بدل اخواننا اللى سايـــقــينها علينا دلوقت ..............ولامؤاخذة
__________________
انتقل الى رحمة الله .. ونسأل الله له الرحمة والغفران
|
|
#150
15-03-2011, 12:02 PM
|
|||
|
|||
|
رد: مـقـــا لا ت
الخبر ده صحيح يا عم خالد وشد حيلك كدا نفسي اشوفك معلق نسر علي كتفك
|
 |
|
|
