|
#136
09-03-2011, 04:24 PM
|
||||
|
||||
رد: مـقـــا لا ت
وحشتنى يادكتور والله
والغريبة ان فى كلام تانى فى الحلقة انا كنت هتجنن وانا بسمعه يعنى مثلا لو تلاحظ أن مبارك دايما لما كان ييجى يقعد على الكرسى فى أى اجتماع جماهيرى او لقاء مع فئة معينة من الشعب سواء اساتذة جامعة او قوات مسلحة او غيره كان دايما واحد بيحرك له الكرسى بعيد شوية عن الترابيزة بحيث يقعد مبارك عليه ....الواحد ده غالبا بيكون رتبة كبيرة فى رئاسة الجمهورية ......تصور وكان فى لواء سابـق فى رئاسة الجمهورية مش عاجبه الكلام ده ....لان ده مش من مهام ضباط الجيش ....وان ده أهانة ليهم ....ولأن زكريا عزمى كان بيكره الراجل ده (حسب كلام المسلمانى فى الحلقة) وجات له الفرصة انه يتخلص منه ......وخصوصا انه عارف عقلية الريس (هنتكلم عنها بعد شوية ) ف جه فى اجتماع عام مع الريس ....وخلى اللواء ده يبقى قريب من الريس ....وخلى اللواء ده يـقف جنب الكرسى بتاع الريس ....وأول م الريس دخل القاعة ....طبعا مستنى صاحبنا يشد له الكرسي...... صاحبنا معملهاش .....والريس يبص له .....وصاحبنا ولاهنا ..... والريس أضطر أسفا ياولداه انه يشد لنفسه الكرسى .......وطبعا سيادة اللواء خرج على المعاش بعدها أما الشىء التانى اللى يجنن فى كلام المسلمانى هو عقلية الريس بيقول (والكلام للمسلمانى على لسان لواء الحرس الجمهورى السابق ) ان مبارك كان عنيد جدا ولو حد قال له كلام يعمل عكسه .حتى ولو كان غلط فهم لايملكون الا تنفيذ كلام الريس...فكان كل من حوله أذا احتاجوا شىء فكانوا يطلبون عكسه .... بالأضافة الى ان مبارك كان مصاب بداء العظمة والغرور والتكبر وكل مرادفات الكبر والغرور فكانوا يلعبون على هذا الوتر فمثلا حين أرادوا الاطاحة بعلى لطفى الراجل المحترم اللى كان عايز يسدد ديون مصر بجد........... قالو لمبارك (قالها فاروق حسنى ) مش معقول كده ياريس .....احنا مش بنعرف ندخل لك الا بأوامر شخصـيـة من على لطفى وبلا تحقيق أو تدقيق ولارعاية لمصلحة مصر............ ان فى راجل عايز يسدد ديون مصر .........راح ممشيه لانه احس انه بـيـحكم مصر بدلا منه وكان زكريا عزمى يقود مبارك كما يقود سيارته .....وانا شخصيا كنت اكرر هذه الجملة دائما ....لكنه كان احساسا شخصيا مما يحدث عندنا فى الزيتون ومن احتكاكى ببعض أعضاء الحزن الوطنى (مكتوبة صح ومقصودة ) لكن لم اكن املك دليلا ولكن المسلمانى أتى بكام دليل على لسان نفس اللواء تسببوا فى الأطاحة بعاطف عبيد وعاطف صدقى وعصام شرف كوزير للنقـل وغيرهم الكثير وكان العادلى يعمل كـكـلب حراسة لدى جمال مبارك او بودى جارد بالبلدى فـقـد كان جمال مبارك يشارك حسين سالم فى ارباح صفـقات الغاز لاسرائيل بنسبة كبيرة (والكلام لايزال للمسلمانى ) ثم أتى وقت على حسين سالم ان تضجر وتضايق من نسبة جمال الكبيرة فحدثه فى تقليلها وزعل جمال وراح لعمو حـبـيـب وعمو حبـيـب .....طبطب عليه وقال له متزعلش ياننوسى انا هأدبه لك وراح سلط كام واحد حرقوا الفندق بتاع حسين سالم فى شرم الشيخ وضربوا نار على السياح وقتلوا كام واحد طبعا وكانت النتيجة ان السياحة انضربت تمااااااااما هناك وفى مصر كلها وقتها ورضخ حسين سالم وتاب وأناب ولم يتحدث مع جمال مرة تانية فى موضوعه تقليل نسبته فى الأرباح وبغض النظر عن تضيـيق ارزاق الناس والأضرار بهم فى ارزاقهم لاحول ولاقوة الا بالله أيه ده ؟؟؟؟ أعوذ بالله ؟؟؟؟وكأنها عزبة أبوهم فعلا .....قالها فرعون من 5000 سنة لسيدنا موسى ....ويتصرف مبارك بدون أن يقولها (أليس لى ملك مصر وهذه الأنهار تجرى من تحتى ) استفهام استنكارى اجابته نعم ولاحول ولاقوة الا بالله والغريـبة ان الحـلـقـة لسه فيها بلاوى فمثلا مش لاقـيـيـن 5مليار جنيه للعلاج على نفـقـة الدولة بينما صفـقـة عمر أفندى نـفذوها ب450 مليون جنيه فـقط وهو يساوى 2.5 مليار تصوروا واعترض عليها احد أعضاء لجنة البيع وقتها وحولوه للنيابة الأدارية وخرجوه معاش خسائرنا من تصدير الغاز لأسرائيل 90 مليار جنيه ياللهول أه والله العظيم 90 مليار جنيه (انا سمعت الحلقة مرتين وكنت هـتـجـنـن) جميع حسابات مكتبة اسكندرية بأسم سوزان مبارك سوزان مبارك سوزان مبارك هذه المرأة التى كنت أظنها لاتفـقه شىء اتضح انها من أول يوم بتخطط لتوريث الحكم فى الأول كان لعلاء مبارك وكان نجمه ساطع وقتها وكل الدنيا كانت بتتكلم عنه انه اكبر حرامى مش انه محترم بعد كلمتين خايـبـين بسبب مبارا ة الجزائر ولما علاء مبارك اختلط بعمرو خالد الداعية الشهير رجع عن كثير من أسلوبه فى الحياة فتم طرد عمرو خالد من مصر ومنع دخوله اليها وتم تصعيد جمال وبدأ نجم جمال يظهر والله ياعم دى كده عزبة مش دولة ليها كيان وسيادة
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 09-03-2011 الساعة 04:36 PM 
|
|
#137
09-03-2011, 06:41 PM
|
||||
|
||||
رد: مـقـــا لا ت
http://www.masrmotors.com/vb/showthread.php?t=49170
__________________
د / محمد إن الله لا يصلح عمل المفسدين
|
|
#138
10-03-2011, 03:00 AM
|
||||
|
||||
|
رد: مـقـــا لا ت
الله عليك يا استاذ خالد مبدع دائما وموضوعاتك جريئة وانا قلت لك قبل كده خايف عليك لا تروح ورا الشمس بس الحمد لله حبايبنا بتوع امن الدولة ربنا خدهم خلاص وارتحنا منهم استمر يا استاذنا وربنا يوفقك ويكملها على خير
__________________
--------------------------------------------------------
|
|
#139
10-03-2011, 03:53 AM
|
||||
|
||||
|
رد: مـقـــا لا ت
ربنا يخليك ياأستاذ محمد
ولعلمك بقى موضوع ورا الشمس ده اخرنا كتير فى عهد مبارك لكن انا مبتفرقش معايا وانا مبسوط وانا بكتب هنا رغم انى لو روحت اى جريدة خاصة كحيتى من اللى بيبعو عددين فى الشهر وقلت لهم انى اكتب لهم ببلاش ........هيوافـقوا طالما مش هيدفعوا لكن انا بفضل اكتب هنا .....لانى هنا باخد راحتى واكتب بمزاجى لكن مهما كان الجرايد برضه هتلزمك بخط معين وانا مبحبش الخطوط وكنت جربت الكتابة قبل كده على موقع المصرى اليوم .......واصطدمت بيهم بعد رابع مقال ومنعو كتاباتى وبعدين بعتو لى رسالة على الأيميل بعد منعى لمدة كام يوم من الدخول على حسابى الخاص عندهم بأنهم بيرحبوا بيا..... بس فى أطار الموضوعية كلام فارغ طبعا لانى كنت كتبت مقالة هاجمتهم فيها بسبب طريقة اختيار المواضيع وخصوصا الهجومية منها على النظام مع اعلان اخلاء مسئوليتهم منها يعنى يحطوك فى وش المدفع ويقولوا ملناش دعوة وانا من النوع اللى احب اخد راحتى بلا قيود طالما مش بأذى حد او أضر حد وفى أطار الأدب والأحترام بلا تجريح لكن تقول ايه ......... السياسة القميــئــة للهدنة مع النظام هيا السبب
__________________
انتقل الى رحمة الله .. ونسأل الله له الرحمة والغفران
|
|
#140
10-03-2011, 07:11 AM
|
||||
|
||||
|
رد: مـقـــا لا ت
أبـلـيـس الـخـايـب
زمان كنت قد سمعت جملة بين 2 من الممثلين المهرجين احدهم يقول / الشيطان شاطر فيرد عليه الثانى / انا اللى مذاكر له وفى بادىء الأمر لم أفهم معنى الجملة حرفيا فهو نوع من التهريج وواحد بـيعمل نفسه صايع على واحد والتانى بـيـثبت له انه أصيع منه ............ لكن حين فكرت فيها ....وجدت ان معناها يعادل انه الأستاذ الذى علم أبليس الألاعـيـب والحيل الشيطانية ......وكنت أضحك منها .......فمن هذا الذى يـتـفـوق على أبليس ......ومن يجروء أن يعطى أبليس دروسا فى اساليب الشيطنة ثم مع الوقت ومن رحلاتى الكثيرة ......أكتشفت أن أبـليـس له أساتذة كثيرون ثم مع الوقت اكتشفت ان الشعب المصرى الطيب الغلبان نخر السوس فى بعض أعضائه......وهذا السوس كثر فى عهد عبد الناصر .......ثم تأتى كارثة 1967 لتوحد بين أبناء الشعب........ولكن بقى الخوف حتى مات كبير الأساتذة وقتها (عبد الناصر) .....ثم جعلوه صنما والها من دون الله ............ فوجدنا الناصرية والناصريون والفكر الناصرى الى اخر هذا الهرش مخ ثم جاء السادات والذى كان مغضوبا عليه ولكن حرب أكتوبر جعلت منه بطلا .....فالتف حوله الناس ......ولكنها شهوة الحكم وسطوة النفوذ .........ووجد أبليس نـفسه مضطرا مرة أخرى الى حمل شنطة كتبه واشترى كراريس وكشاكيل وذهب الى مدرسة السادات وبدأ يتعلم ......فوجد ان التخلص من الشيوعيين لابد له من الأخوان المسلمين وتغيير الوزارات كل شوية كالذى يلعب بهم الشطرنج فالحرب محتاجة وزارة معينة وغلاء الاسعار محتاج وزارة تانية ومعاهدة السلام محتاجة وزارة تالتة والقضاء على الفتنة الطائفية محتاج وزارة رابعة والقلة المندسة محتاجين وزارة خامسة ولكن فى عهد عبد الناصر والسادات كان الأستاذ شخص او شخصين او مجموعة قليلة تعد على أصابع اليد الواحدة وأما فى عهد مبارك فـقـد وجد أبليس نـفسه طالبا فى مدرسة هو وحده فـقط الطالب فيها والاساتذة كثيرون كل يوم أقرأ أخبارا جديدة لأجد صفحات جديدة تضاف الى الكتب المدرسية الخاصة بأبليس والحقيـقة أن ابليس بذل جهدا خارقا فى العلم وتحصيل الدروس من هؤلاء النوابغ فى علوم الشيطنة وكل يوم أكـتـشـف أننا كشعب كنا كالزوج الذى تخدعه زوجته........ فهى امامه مخلصة شديدة الأخلاص ....... ومن وراء ظهره فهى أمرأة أخرى ترتكب كل الخطايا والأعمال الدنيئة وكنت اتعجب من هؤلاء الذى علموا أبليس كل شىء .........وفى مختلف أنواع الفنون ....... من سرقة الى نهب الى قروض الى قتل الى حرق الى مخدرات الى .........وألى ............وألى كل شىء لقد عجبت حين رد عليا أخى الدكتور محمد فى مشاركة ماضيه هنا واعطانى رابط لموضوع نقله الأخ الكبير الاستاذ نبيل عبد الرحمن من موقع مصراوى عن طبيعـة شخصية مبارك لـقـد اكتشفت ان الدول لها أسلوب خاص فى القيادة وهو أسلوب جديد واكتشاف يجب ان يسجل كبراءة اختراع باسم مبارك بن .....(مش عارف اسم والدته ) وعلى من يحاول تطبـيقـه أخذ الأذن من مبارك لـقد ظل يدير مصر منذ عام 1997 وحتى عام 2011 أى لمدة 14 سنة متواصلة من شرم الشيخ مقيما فيها 300 يوم فى السنة ثم يعود للقاهرة 65 يوم فـقـط لكى يطمئن على أحاول البلاد والعباد وأنا ولأول مرة فى حياتى أشوف واحد بـيصيف لمدة 300 يوم فى السنة كان كثير من الناس يعتـقد انه سوبر مان فهو حتى سن 82 سنة يطل علينا بطلعته الغيربهية كل شوية ولكنه اعتزل عند سن 67 سنة فعليا انها سنة الحياة ... وحين سألوه عن جمال وعلاقته بشئون الدولة قال ببجاحته المعهودة / وفيها أيه أبنى وبيساعدنى وكأننا فى دكان يالك من تلميذ خايب يا أبليس يجب ان تتعلم من أسيادك فنون الحكم فى العصر الحديث فيجب تعيين الفرقاء لكى لايعملو كفريق واحد فهم أصلا يكرهون بعضهم فكيف سيجتمعون ويجب كسر عين المساعدين الكبار مثل صفوت الشريف وسرور وعز وحبيب العادلى بغض الطرف عن نهبهم وسرقتهم للشعب من أجل غض أطرأفهم هم أنفسهم عما هو اوسع وأشمل انها سرقة اجيال كاملة يالك من تلميذ فاشل يا أبليس وانا كنت دائما اردد ان مبارك ترك الحكم فعليا فزكريا عزمى يحكم من وراء الستار وكنت أعتقد ان منافسه احمد عز يحرك جمال من وراء الستار ولكن اتضح اننا على نياتى بدرجة كبيرة فلا ستار ولايحزنون الكل يعملون كـفريق واحد لمصلحة سرقة مصر وتاريخ مصر لايهم ان تكون مصر دولة سيئة السمعة ولايهم ان تكون مصر دولة لاكرامة فيها ولاخارجها للمصريين ولايهم ان تكون نسبة الفـقراء بين المصريـيـن 52% وفى قول أخر 45% وفى الحالتين نصف المـصـريـين شحاتين المهم هو مصلحة ...........مبارك فـقط يالك من فاشل ياأبليس
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 10-03-2011 الساعة 07:17 AM
|
 |
|
|
