|
#131
09-03-2011, 04:52 AM
|
||||
|
||||
رد: مـقـــا لا ت
الحريقة (2 )
مازلنا نتحدث عن الحرائق التى اشتعلت فجأة فى مستندات مصر .....من جانب رجال الدولة والأعجب أن يحميها الشعب نفسه لكن يزول العجب حين نعرف ان الحرق يتم لاخفاء ادلة تدين ناس كبار مساكين هيحرقوا أيه والا ايه ؟؟؟ الأعجب انى قرأت انه تم التخلص من 30 طن من المستندات الخاصة بكبار المسئولين ونظرا لان تعليمى يادوب بالعافية خارج من تانية ابتدائى لانى بسبب فشلى كنت هرجع أولى ابتدائى تانى .......ولذلك فأنا طول عمرى فاهم أنى الورق المكتوب مش الفاضى دائما يقال له المستند الفلانى / الموضوع الفلانى / الملف العلانى لكن يبقى بالطن فجأة كده ؟؟؟؟؟ ده ولا.... رزم الورق ( الروزمة = 70 سم *100 سم بعدد 500 فرخ ووزن ال70 جرام مثلا يعادل فرخ مساحته 100 سم * 100سم / أيه حصة الورق دى ) المهم وللحقيقة قرأت موضوعا هنا لاحد أخواننا ذكر انه منقول عن جريدة الدستور بأن الحرائق كلها اشتعلت فى أمن الدولة يوم أن صدرقرار تعيـيـن عصام شرف رئيسا للوزراء طب وأيه يعنى ؟؟؟ مهو احمد شفيق كان قبله وكان راجل محترم لكن الرد المفاجىء..........ان احمد شفيق كان محترم ظاهريا فـقـط (أنا شخصيا كنت فاهم كده ) لان ضباط امن الدولة ايقنوا أن القادم (عصام شرف ) مش هيسيب حد فى حاله ......والمستور هيبان.....ثم نفاجأ بوثائق تم حرقها يصل وزنها الى 30 طن غير ماتم انقاذه من ايدى الشرطة ياللهول ده على كده كل واحد فينا نصيبه ربع طن ورق فى أمن الدولة ماعدا الواد احمد كورسير نصيبه 3 جرام يعنى حتى ورقة صغيرة مكتوب فيها اسمه فـقط من غير وزنه لانه كان شاطر و ماشى جنب الحيط ......ولسانه مش طويل زى بعضهم ثم يحاولون حرق الملفات فى الجهاز المركزى لاخفاء سرقاتهم ونهبهم للبلد........ تصوروا .....وجدوا 2 تريليون جنيه (2000000000000) 2 مليون مليون ) ضايعة من دفاتر وزارة المالية اللى كان بطرس لما يسألوه / ازاى تعين واحد ب100 جنيه فى الشهر يقول بمنتهى قلة الذوق/ هو ده اللى عندى يعنى بسلامته كان مضيع 2 تريليون جنيه ولما جودت الملط يقف يتكلم عن النهب ده كان بيطنشه ويلعب جيمز على الموبايل ....ولذلك كما قلت سابقا .... فأن هذا البطرس رخيص وليس غالى ...... هو حامل مفاتيح خزينة الأسرار ولذلك هو هارب ولا احد يعرف طريقه ......أو عارفين طريقه ومطنشين أذن عصام شرف هو السبب والله هذه شهادة لعصام شرف ........وشهادة ضد احمد شفـيـق والذى كما دافعت عنه ....... أتعجب من هذا الكلام المقنع عليه ( أنا شخصيا مـقــتـنع به ) فعلا لقد كانت الحرائق فى مبانى أمن الدولة المختلفة كلها متزامنة فى وقت واحد تقريبا مع نزول عصام شرف للتحرير أذن الموضوع حقـيقى ثم يأتى ضابط كبير فى أمن الدولة ليحرق دمنا ويغيظنا ويدلدل لسانه لينا ويقول / لـقد أحرقنا المستندات الخاصة بصفوت الشريف وزكريا عزمى و فتحى سرور واحمد عز وحبيب العادلى منذ أسبوع تقريبا كلها أيـه ده ؟؟؟؟ بـيـعترف بالراحة خاااااااالص كده؟؟؟؟؟ صحيح ...... على رأى نتينياهو ......لعنة الله على الديموقراطية فهى تأتى بالسفهاء لكى يغيظونا طبعا هو قال فانها تاتى بالسفهاء الى الحكم والأعجب انى قرأت ان وزير اسرائيلى يقول ان عصام شرف هو اكبر خطر على اسرائيل طيب ..........ليه ياعم الحاج ؟؟؟؟؟؟ لانه ليس صديقا لاسرائيل .....طبعا يقصدون لانه ليس خادما لاسرائيل ......أو تابعا لاسرائيل مثلا واذا كانت سياسة ولعها ولعها يطبقها اليهود من أبناء مصر الذين فى السلطة لأخفاء جرائم من كانوا فى السلطة او من لازالو ا فيها حتى وفاة أحمد شفيق سياسيا فأن ابناء مصر ان شاء الله قادرين على نسيان كل هؤلاء الذين ألقى بهم الى مزبلة التاريخ وأولهم مبارك وعصابته ......والنظر أيضا للامام وبناء مصر من جديد
__________________
 انتقل الى رحمة الله .. ونسأل الله له الرحمة والغفران 
|
|
#132
09-03-2011, 08:36 AM
|
|||
|
|||
|
رد: مـقـــا لا ت
الله عليك يا ابو عموا هربان مني الفترة اللي فاتت ديه فين اتصلت بيك مرتين والقيك مش موجود
|
|
#134
09-03-2011, 01:37 PM
|
||||
|
||||
رد: مـقـــا لا ت
ولا أديب ولاحاجة ........دى مجرد أراء الواحد بيقولها وبيحاول يفكر بصوت عالى معاكم هنا نورتنى
__________________
انتقل الى رحمة الله .. ونسأل الله له الرحمة والغفران
|
|
#135
09-03-2011, 02:42 PM
|
||||
|
||||
رد: مـقـــا لا ت
وانا هديكوا مثال ( ده مثال فقط) الكلام اللى قاله محمود صبرة واللى كان شغال فى رئاسة الجمهورية عن انهم كانوا بيطبعوا نسختين من التقارير واحدة للرئيس والتانية لجمال مبارك من سنة 1997 , طيب نسخة لجمال مبارك ليه شغلته ايه فى الدولة ولا عشان هو ابن الرئيس وخلاص بقت مصر عزبة ابوه , بذمتكوا واحد زى حسنى مبارك هذا عاوز يورث البلد لابنه ممكن يكون امين على الدولة وعنده فعلا وطنية
__________________
د / محمد إن الله لا يصلح عمل المفسدين
|
 |
|
|
