|
#126
04-03-2011, 06:58 AM
|
||||
|
||||
رد: مـقـــا لا ت
منصور وممدوح وأل كابونى
طبعا كتير منكم هنا هيقول مين أل كابونى ؟؟؟؟ و...أل كابونى دول عائلة من الكاوبوى المجرمين ....قطاع الطرق ....وكانوا يعيشون بشيكاغو فى امريكا فى اواخرالقرن 19 وأوائل القرن ال 20 وكانوا يسرقون كل شىء ويقطعون الطرق على كل القوافل التجارية فى امريكا وطبعا افلام الغرب الأمريكى كلنا عارفينها فتلاقى الواحد من دول لابس البرنيطة الضخمة اللى تنفع عشة فراخ محترمة والبنطلون الجينز والصديرى اللى مليان كباسين (جمع كبسولة بس احنا بنكتب باللغة العربية اليد دلوقت ) والمسدسين اللى مربوطين على وسط الواحد من دول ..... والجزمة ام بوز طويل والحصان العصبى من كتر الضرب فى بطنه بمسمار طويل فى الجزمة من ورا بيسموه المهماز او المهموز ( أظن عرفتوا معنى كلمة مهموز ) والسيجارة اللى على جنب الفم ثم الصياعة فى طريقة الكلام .....والسهرة فى البار أخر الليل والتى تنتهى بمعركة حامية يتم فيها تكسير البار وقلبه رأسا على عقب (محدش قال مين بيدفع تكاليف التكسير ده ) وكام واحد ماتوا وأل كابونى دول أشهر عصابة حرامية لصوص فى العصر الحديث ولم يتفوق عليهم الا عصابات المافيا فى ايطاليا وندخل على أل كابونى المصريـيـن ونبدأ بمنصور ومنصور هذا هو ابن وزير النقل الأسبق لطفى منصور فى عهد السادات ومن الأب للأبن ياقلبى لاتحزن فلم يحدث تطوير للنقل والاتصالات (كانوا وزارة واحدة ) اللا فى عهد سليمان متولى وتولى منصور الابن وزارة النقل ليس لانه لاقدر الله بيفهم فى النقل .....أو خريج كلية الهندسة بل لأنه من المقربـيـن لمبارك وبينهما مصالح مشتركة وهذا تخمين تؤيده الشواهد وأما التخمين الذى لايؤيده اى شىء هو ان مبارك وعائلته كانوا يحصلون منه على نسبة تصل الى الثلث من ارباحه فى جميع شركاته مقابل تركه يعيث فى مصر فسادا ونعود لمنصور فهو حاصل على بكالوريوس الزراعة وفى قول أخر بكالوريوس فى هندسة النسيج .....وفى الحالتين معندوش فكرة عن النـقـل ولافاهم حاجة فى هندسة الطرق ولايفـقة شىء فى النقل البحرى اللا اذا كانت ملكيته ليخت فخم تؤهله لفهم كل شىء عن النقل البحر ى فمعنى كده ان والدى الحاج محمود ينفع يمسك النقل البحرى لانه راح حج بيت الله على ظهر عبارة وحين تولى هذا الرجل وزارة النقل ....متفهموش ليه توجست منه خـيـفـة .....وقلت ياواد الجدع ده راجل تاجر ومبيفهمش غير لغة الأرباح وربنا يستر وقد كان بعد توليه الوزارة بشهر قرأت خبرا عن قطارين لبسوا فى بعض عند أبو حمص وفركت عينى مرتين ..... الخبر فعلا صحيح وسافرت بعدها بيومين وعند أبو حمص وجدت العربات مرمية ومحطمة أيه ده ؟؟؟؟ الحكاية بجد بس أنا فاهم ان نظام السكة الحديد عندنا رغم انه عتيق وقديم شويتين لكن مستحيل قطارين يصطددموا ببعض (كنت شرحته فى مقالة سابقة فى موضوع أدب الرحلات ) وقررت اضرب بنطة ورا الراجل ده وبعد فاصل من الرغى مع موظفى الهيئة عرفت انه لايفقه شىء فى مجال النقل ........وقلت ياواد مبدهاش طالما مش فاهم حاجة يبقى هيلبسوه فى الحيطة قريب ودخلت البيت وجبت ورقة وقلم وكتبت وصيتى ...لاننى كنت أركب القطار يوميا ومعنى هذا انى داخل قبر متحرك فى عهد هذا الرجل وفعلا لم يمض شهر أخر حتى حدثت حادثة العبارة السلام 98 .....وكنت عائدا من صلاة الجمعة الساعة 2 ظهرا ثم فوجئت بقناة الجزيرة ولاد الفرطوس .... متفهمش أزاى اصطادوه وهو بيركب الطيارة ورايح على مكان الحادثة و...رد بكلام غاظنى لما سألوه عن الحادث وأخبار الوفيات والمصابين فـقال بسلامته / انه لايعرف شىء ولسه رايح لمكان الحادثة دلوقت يادى النيلة .....الحادثة حصلت 12 بالليل وبعدها ب 14 ساعة لسه متعرفش حاجة عنها وشميت ريحة خيانة وغدر بأبناء هذا الشعب المسكين (سأتحدث عنها حين الحديث عن ممدوح اسماعيل ) ثم سمعته فى افتتاح كوبرى دفرة العلوى والطريق الدائرى حول طنطا فوجدته يقول كلاما يستطيع ان يقوله عم لمعى المكوجى جارنا عن هذا الكوبرى فلايقول اى شىء من النواحى الفنية او التكاليف او خدمة الطريق او تخفيفه لضغط السيارات على مدينتى طنطا وكفر الزيات واختصاره لزمن الرحلة و......و....و..... لاشىء غير انه كويس وحاجة حلوة اوى بالصلاة ع النبى وقررت ان ابحث فى مؤهلاته وعلمت انه بكالوريوس زراعة .......واتفرست ممن عينه وزيرا للنقل ثم بعدها بكام شهر حدثت حادثة قطار قليوب وهى كانت حادثة بشعة بكل المقايـيس وكنت يوميا أمر عليها وأحزن على هذا الشعب من ظلم حكامه له ووقتها قال منصور بالحرف / انا طلبت 8.5 مليار جنيه ومحدش سال فيا وطبعا لم يقل ان محدش سأل فيه لانهم عارفينه هينهب نصهم وفى قول أخر ثلاث ارباعهم وهما محتاجينهم اكتر منه ولكن لما أحرجهم صرفوهم ليه وفضحوه فى الجرايد وقالوا ان الوزارة اخدت ال 8.5 مليار بشيكين واحد ب5 مليار ويستحق الصرف فى شهر مارس 2007 والثانى قيمته 3.5 مليار تستحق الصرف فى مايو 2007 (شفتوا انا فاكر ازاى ) ووقتها قلت ان السكة الحديد هيكهربوها يارجالة وهتبقى زى السكة الحديد بره واركب القطار واتـقـنـطـر اشمعنى اللى يركب الحنطور يتحنطر يعنى وهيبقى القطارأسرع من الصاروخ زى القطارات بتاعة الخلق فى البلاد التانية وأقل من ساعة بالظبط اكون فى بلدنا وهتبقى حاجة جميلة وسريعة ورخيصة واوفر فلوس العربية اللى عملت ييجى 3000 جمعية علشان اشتريها بالتقسيط ثم افـقت من احلامى على مجموعة جرارات قديمة وواضح انها استعمال طبيب ومدهونة وفهمت ان السرقة على كبير بدأت......وأن العصابة قررت تقسيم المبلغ بينها ثم فوجئت بيافطة ضخمة على كوبرى قليوب تقول عملية توسيع كوبرى قليوب وعمل 3حارات اضافية على كل جانب من جوانب الكوبرى بتكلفة 90 مليون جنيه ياللهول (على رأى يوسف وهبى ) 6 حارات ب90 مليون جنيه ؟؟؟؟؟؟ وطبعا كانت غلطة اتعلم منها ان ميعلنش تكاليف اى حاجة لان الجميع مرمطوه وبهدلوه ومسخروه فى مجلس الشعب حتى شوبير بتاع الكورة قال / كوبرى ايه ده ابو 90 مليون ثم تم تعديل اليافطة بكلام كتير كده معناه ان الكوبرى متكلف 12 مليون بس واللى دفعهم جهاز معرفش ايه وهو غير تابع لوزارة النقل وهو الكوبرى الوحيد بمصر اللى مكتوب عليه تكاليفه ثم وفهمت ان منصور ليس لصا عاديا ..... بل هو محترف ثم حدثت حادثة قطار مطروح وفى هذه الحادثة بالذات فهمت انه قرر بيع السكة الحديد .....لان السكة الحديد ليس لها ذنب فى هذا الموضوع....... مزلقان مقـفول وعربيات واقـفـة مستنية القطار يعدى ..... وجاء سائق تريللا معتوه دخل فى كل هؤلاء فى طريقه واقتحم المزلقان وتصادف مرور القطار وصدم القطار فى المنتصف مما ادى الى انقلاب القطار وطلع علينا الوزير وفرقة حسب الله يهللوا لبيع السكة الحديد واحضار شركات لادارة السكة الحديد والتطوير الى اخر هذا الكلام ثم حدثت حادثة قطار االعياط وحاول الاعلام الجبان ان يدافع عن الوزير لانه مسنود ..... فـقالو ان القطار صدم بقرة تسببت فى تعطيله وأتى الثانى من وراؤه فركب فوقه بقرة أيه؟؟؟؟ ده البقرة هو اللى يصدق الحكاية دى ده انا شفت تريللا محملة زلط دخل فيها القطار رماها بزلطها اكثر من مائة متر أمامه وهى غالبا بحمولتها تزيد عن 40 طن على الأقل ......فهل من المعقول حتة بقرة وزنها كله على بعضه مش هيجيب نص طن توقف القطار ......ده كلام ؟؟؟؟ وبدأ الاعلام الجبان (اللى بيحلف بسماها وبترابها دلوقت ) فى عملية تلميع للسيد الوزير وانه مظلوم وانه مهضوم وهو يعنى هيسوق القطارات مكان السواقين لكن طبعا الضغط الشعبى كان شديدا ولابد من امتصاصه فتم ازاحة منصور مع توجيه الشكر له على ماقام به من سرقة ونهب لقطاع النقل فى مصر بالأضافة الى التسبب فى قتل المئات من شعب مصر بالأضافة الى انى اكتشفت اثناء رحلاتى انه يملك 50 الف فدان فى الصحراء منذ فترة ولم يقم بزراعتها كما تنص قوانين وزارة الزراعة ولا اعرف لماذا يسرق رجل مثل هذا فهو يملك توكيلات عديدة اقل واحد فيها يصرف على بلدنا (مركز أبو تيج محافظة اسيوط ) لمدة 10 سنوات وهى كالأتى توكيلات سيارات الركوب (ملاكى )اوبل وشيفروليه توكيلات سيارات نقل شيفروليه توكيلات سجائر ميريت ومارلبورو و أل أم توكيل معدات كاتربيللار (أوناش وحفارات ولوادر وغيرها ) صاحب مجموعة محلات سوبر ماركت مترو توكيل مطاعم ماكدونالدز توكيل أطارات سيارات ميشلان توكيل اجهزة كومبيوتر أيسر و أتش بى و أى بى أم توكيل سيمنز للتليفونات صاحب مجموعة شركات البان لبنيتا توكيل عصائر تانج توكيل أغذية محفوظة كرافت صاحب شركة المياه المعدنية (حيـــاة ) توكيل تونة صن تشاين صاحب شركة أبيلا مصر التى تقوم بخدمة الكافتيريا فى القطارات المكيفة وتملك قطارات النوم وكل ده ...... وعليه 55 مليون للسكة الحديد ......م دفعهومش طبعا .....وعليه 3 مليار للبنوك ومدفعهومش الراجل ده عايز ايه ؟؟؟؟؟ ده كان فاضل توكيلين وتنزل صورته على الورقة أم 100 جنيه ويوم حادثة قطار قليوب وقعت الحادثة فى الساعة ال 7 صباحا وبسلامته وصل مكان الحادثة فى الساعة ال2 ظهرا ووقف 5 دقايق ومشى يعنى كأنه لايعنيه الا السرقة وبس أما ارواح الناس او مصالح الناس فلاتعنيه فى شىء والله قرأت خبرا اثلج صدرى حين علمت ان هناك لجنة اسمها لجنة تعقب رموز النظام السابق قد تقدمت ببلاغ ضده للنيابة وأرجو من الله ان يكون صحيحا .......
__________________
 انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 04-03-2011 الساعة 07:18 AM 
|
|
#127
04-03-2011, 06:34 PM
|
||||
|
||||
|
رد: مـقـــا لا ت
منصوروممدوح وأل كابونى ( 2)
كنت قد كتبت فى مقالى السابق عن منصور والأن سأتحد ث عن ممدوح وممدوح هو ممدوح اسماعيل طبعا ......صاحب شركة السلام للسياحة والاستثمار والنقل البحرى والذى تخرج فى الاكاديمية البحرية وعمل على مركب يملكه احد كبار رجال الأعمال السعوديين ثم.... نظرا لقدراته الجبارة وذكائه (الواحد يقول الحق برضه ) تم تعيينه ممثلا لملاك العبارة العملاقة القمر السعودى وكان صاحبها مستشار الملك فيصل يرحمه الله (الملك فيصل هو أخر الرجال المحترمين فى السعودية والعالم العربى ) ومع الوقت تطورت علاقات ممدوح اسماعيل وخصوصا ان احد أقاربه كان وزيرا وهو ماساعده فى تكوين شركة السياحة وتدشين العبارة السلام 98 ودخولها الخدمة وفى نفس الوقت كان يعمل مستشارا لموانىء البحر الأحمر مما جعله يفرض سيطرته على كافة موانىء البحر الأحمر ويوسع مجالات عمله وعلاقاته وسيطرته على معظم رحلات موانىء البحر الأحمر وبنسبة تصل الى 98% فلاتجد عبارة تقريبا تسير بين أى دولة تقع على البحر الأحمر ومصر الا وغالبا اسمها السلام مع اختلاف الاسم....... تطلع بقى السلام 98 / السلام 95 / سلامتها أم حسن م العين وم الحسد .........أى سلام وخلاص تشم وراها نفوذ ممدوح اسماعيل وبدأت رحلة السقوط بداية كان يعطى بحارته راتب لايزيد عن 300 دولار بينما القوانين العالمية تفرض ان يعطى البحارة راتبا لايقل عن 800 دولار شهريا وكان بحارته لاياخذون دورات فى الانقاذ والغرق والصيانة فى البحر وهو أمر حتمى لكى يحصلو على شهادة وترخيص يتيح لهم العمل على اى عبارة وبالتالى كان بحارته ليس لديهم اى فكرة عن التعامل مع غرق المراكب او صيانتها وهى فى البحر وكان الناتج ان غرقت له عبارة فى عام 1998 ثم عادت وغرقت له عبارة أخرى فى عام 2006 ولكى يدعم ممدوح اسماعيل نفوذه لان الثراء الفاحش فى مصر لايحتاج الى ذكاء وعمل وكفاح فقط .....ولاننا مختلفون فالثراء عندنا فى مصر يحتاج الى نفوذ ايضا وتقرب ممدوح الى اهل الحكم فى مصر واصبح عضوا بالحزب الوطنى ثم امينا للحزب بمصر الجديدة وهى أمانة لها خصوصية معينة فهى أمانة الحزب بدائرة قصر الرئاسة ولايختار لها اى احد ووصل نفوذ ممدوح اسماعيل وعلاقاته بمؤسسة الرئاسة انه اصبح يفعل مايحلو له فى عزبة جمهورية مصر العربية ولكنه أصطدم بوزير النقل المحترم وقتها عصام شرف ووجد انه لن يتخلص من عباراته القديمة الا بعد التخلص من عصام شرف نفسه وفعلا تم التخلص من عصام شرف وأتى منصور وهو كان له مهمة محددة ........تخريب النقل بمصر ......وقد كان فـقد تم رفع الحظر الذى فرضه عصام شرف على جميع عبارات شركة السلام بعد تولى منصور المسئولية مباشرة ثم غرقت العبارة السلام 98 بعد شهر واحد فقط من تولى منصور مسئولية وزراة النقل أسـف..... أقصد تم أغراق العبارة طبعا كلام عجيب يعنى ايه تم أغراق العبارة ؟؟؟ ببساطة ...... أولا / هذه العبارة حمولتها الفعلية لاتزيد عن حوالى 900 شخص وكان على متنها وقت غرقها اكثر من 1400 شخص وثانيا / أى عبارة فى الدنيا حين يهبط الغاطس الخاص بها مسافة اكثر من 3 متر فأن بها جهاز صغير جدا يرسل استغاثة الى القمر الصناعى اوتوماتيك وبلا أى تدخل بشرى والقمر الصناعى بدوره يرسل الأشارة الى غرفة التحكم والأنقاذ بالشرق الأوسط ومكانها فيـيـيـيـيـيـيـيـيـيــييـ ـييـيـيـيـين عندنا فى ألماظة ............تصوروا ثم تقوم هذه الغرفة بأبلاغ اقرب مركب انقاذ للعبارة التى تشرع فى الغرق لانقاذها واحضار القوات اللازمة لانقاذ العبارة كل هذا يتم فى أقل من دقيقتين وفى أقل من نصف ساعة الى ساعة تصل اقرب قوة الى العبارة التى تغرق وتبدأ عملية انقاذ الأرواح أولا ثم الامتعة ثانيا ثم البضائع الخفيفة او المعبأة فى كونتينرات ثالثا ثم السيارات وغيرها رابعا وغالبا مايتم كل هذا فى وقت واحد ومتساوى ومتسارع بالاضافة الى قوة أخرى وظيفتها محاولة انقاذ العبارة نفسها بمن عليها من الغرق عن طريق علاج السبب الذى أدى الى غرق العبارة نفسه وأى عبارة فى الدنيا لاتغرق فى وقت قصير يعنى العبارة مش هتقول انا قررت أغرق تغرق؟؟ ........طبعا لأ ........وأنما تأخذ وقتا حتى تغرق تماما من 7 الى 9 ساعات والعبارة السلام 98 بدأت فى الغرق فى الساعة 12 ليلا وقال قبطانها قولته المشهورة انتم بقيتوا طعام للسمك فى الساعة 7 صباحا وذهب اليها وزير النقل فى الساعة 3 ظهرا يعنى الموضوع مدبر لان مفروض تحرك وحدات الانقاذ يتم فى خلال نص ساعة بالكتيروأنا أخمن بناء على قرائاتى الكثيرة وبحثى فى هذا الموضوع أن غرف الانقاذ فى ألماظة واخدين تعليمات انه بمجرد وصول أشارات عن هذه العبارة بالذات وعبارات شركات ممدوح اسماعيل بصفة عامة فيجب ان يتم أخفاء الأشارة أو تجاهلها وعدم أبلاغها لقوا ت الانقاذ الموجودة فى البحر فى انتظار أى بلاغات او استغاثات لأنه من الأكيد ان القمر الصناعى لم يتأخر ولكن الذى تأخر هو العنصر البشرى الذى أخفى الأشارة القادمة من القمر الصناعى بناء على أوامر عليا طبعا........... ولايستطيع الموظف الصغير الأعتراض عليها أو فضحها والا ذهب وراء الشمس بعدة ملايـيـن من الكيلو مترات وثالثا / كان هناك عبارة أخرى تابعة لنفس الشركة تسير بالقرب من العبارة المنكوبة وتم الاستغاثة بها وفى البداية توجه اليها قبطانها ثم تراجع وعاد من حيث أتى (بناء على شهادة من كانوا معه فى العبارة وعلى اعترافه هو فى التليفزيون ) ومعنى ذلك ان الموضوع كان مراقب ومتابع تماما من قبل أطراف مجهولة (وقتها ) وحين وجدوا أن هناك من سيـتـدخل ويلخبط الموضوع تم الأتصال به واعطاؤه أوامر عليا برضه بأن يعود فعاد ونقول ان الأعراف والقوانين البحرية تحتم على اى قبطان يرى مركب أخرى تغرق فعليه انقاذها أو مساعدتها او محاولة انقاذها وأنا شخصيا تعرضت لهذا العرف فى الصحراء فـقد انكسر مقص سيارتى فى الجبل وأنقذنى تاجر مخدرات ورغم انه كان معه بضاعته من المخدرات ولكن عرف الصحراء يحتم انقاذى وفعلا توجه اليها بعد تلقيه الأستغاثة ثم عاد بعد أقل من ربع ساعة من توجهه اليها وتمت مقابلته فى التليفـزيون وفى البداية أنكر ولكن حين واجهوه بشهادات الناجين اعترف وقال فعلا توجهت اليها ولكن عدت لان المركب بتاعى عليه حمولته ومش هقدر اخد عليه حمولة تانية وحين واجهوه بان مركبه كل اللى كان عليه حوالى 500 فرد تقريبا وهو يستطيع ان يحمل 800 فرد .....سكت ولم يرد ومعنى ذلك ان ماكان على مركبه 500 فرد على الورق والحقيقة غير ذلك طبعا وهذا القبطان أخذ حكما بالحبس شهر ومعنى ذلك ان وراؤه قصة يخفيها فضل الحبس على أن يبوح بها ثم قام ممدوح اسماعيل بالتفاوض مع أهالى الضحايا واعطاؤهم 20 الف جنيه ومنهم من وافق ومنهم من رفض ......وخصوصا ان هيئة السلامة الدولية تلزمه بدفع مايعادل 200 الف جنيه عن الضحية الواحدة طبعا لم يقوم ممدوح بهذا من نفسه ولكن حين تم أحراج مؤسسة الرئاسة شعبيا والخوف على كرسى الرئاسة من ثورة فـقط ........ فلاالشعب يهم الرئيس السابق ولا هذه الأرواح تهم أى حد من هؤلاء الفاسدين وحين سألوا ممدوح اسماعيل لماذا ترفع علم بنما على عباراتك فقال بالحرف غلاسة القوانين المصرية فعلا والله احنا غلسين والقوانين بتاعتنا غلسة.....لان القانون عندنا بيحدد عمر العبارة ب 15 سنة وفى بنما ليس لها عمر حتى تخرج الى المعاش بمن عليها فى قاع البحر وللتهرب من الضرائب طبعا ثم تم منع ممدوح اسماعيل من السفر بعد ان سافر الى انجترا طبعا ثم تم تميـيع القضية ولايزال حرا طليقا حتى الأن فماذا فعل مبارك قام بتشجيع فريق مصر بعدها بيومين فى استاد القاهرة وقامت زوجته لتقبله وتحتضنه حين احرزت مصر هدفا ولاااااااا كأن عندنا مصيبة مات فيها 1200 اللهم انتقم من الظالمين .....اللهم أمين
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 04-03-2011 الساعة 07:12 PM
|
|
#128
05-03-2011, 05:38 PM
|
||||
|
||||
|
رد: مـقـــا لا ت
هل مصر دوله زراعيه أو صناعيه السؤال الان اذا كنا قد تحولنا الى النشاط الصناعى لماذا لم نصل الى مصاف الدول الصناعيه أو حتى النمور الاسيويه التى بدأت نهضتها بعد مصر بسنوات وتعدتنا بمراحل .طبعأ الرد اننا دخلنا حروب طيب ادينا بقالنا 30 سنه بدون حرب فهل تقدمت مصر وماهو تصنيفها بين الدول الصناعيه او الزراعيه أوالسياحيه أو اى حاجه. المشكله ايها الساده فى النظام السياسى والاقتصادى. ففى الاقتصاد استوردنا المصانع تسليم مفتاح ولم نهتم بنقل تكنولوجيا (نو هاو) وايضاً لم نهتم بنقل النظم الاداريه المتقدمه لادارة وتشغيل المنشات الصناعيه بل ادرناها بفكر شرقى لايساعد على تطوير الاداره والتكنولوجيا لذا نجد ان شركة اتصالات توظف كوادر شابه بعدد عماله قليل ونظام ادارى متطور تحقق ارباح أكبر بكثيرمن شركه صناعيه كبرى كالنصر للسيارات التى افلست وباعت مصانعها. يقول امبراطور صناعة الصلب فى اوروبا ان النظم الاداريه التى ندير بها مصانعنا ومؤسساتنا أهم بكثير من المصانع والمعدات لاننا بالنظم الاداريه المتقدمه نستطيع بناء المصانع وتحقيق الارباح واعادة الامبراطوريه من جديد. اما فى المجال السياسى فرجعنا للاعتماد على اهل الثقه والحظوه من أنصار النظام وأبعد باقى التيارات السياسيه من الوطنيين والعلماء ورجال الاقتصاد رغم معاناتنا من التنظيم السياسى الواحد فى الحكم فلابد من تداول السلطه بين أحزاب سياسيه حقيقيه فالدول المتقدمه اصلحت نظمها السياسيه قبل ان تصلح الاقتصاد ففى العصور الوسطى كانت اوروبا تعانى وبدأت فى عصر النهضه الصناعيه اصلاح الانظمه السياسيه فتقدمت صناعيأ واقتصاديأ. نرجع مرجوعنا للسؤال الاصلى مصر دوله زراعيه ولاصناعيه ولا نصلح النظام السياسى أهم فينصلح كل حاجه؟؟؟؟؟
__________________
 "اللهم أنصر الاسلام وأعز المسلمين"
|
|
#129
06-03-2011, 05:05 AM
|
||||
|
||||
|
رد: مـقـــا لا ت
الحريـقــة
والله من يومين وانا نفسى مسدودة ومش عايز أكتب ورغم ان فى دماغى عدة مقالات مش مقال واحد (يعنى الواحد لو بيكتب فى كام جريدة كان لم قرشين حلوين والله ) ولكن رغم نفسى المسدودة لاحظت ملحوظة خلتنى كان لازم اكتب عنها موضوع الحرائق اللى مالى البلد وزمان أيام السادات كان أى موظف حرامى كان يولع فى مخزن العهدة قبل م يجيله حد من الجهاز المركزى يفـتـش عليه وكان عندنا مخزن تابع لوزارة التموين مليان زيت من بتاع التموين اول م يدخل شهر مايو تلاقى مطافى الزيتون مستعدة واحنا حاطين ايدينا على قلوبنا لحد م يولع المخزن بتاع الزيت نروح بيوتنا ننام مستريحين طبعا دى مبالغة شوية لكن كنا بنبقى متوقعين الحريقة ثم دخل عصر مبارك وبعد أن كان الفاسد الحرامى قلة أصبحوا كثرة وطبعا قلت الحرائق لان الجميع بقوا بيداروا على بعض وبعد ان كبر جمال مبارك واصبح عشمان فى الحكم لم نسمع عن اى حريق فى مصلحة حكومية ابدا فاللصوص كبيرهم اصبح مرشحا لرئاسة الدولة ولكن الملحوظة العجيبة أن معظم الحرائق .....فى أفرع جهاز أمن الدولة شخصيا والملحوظة الأعجب ....ان من يقومون بحرق المبانى ومافيها هم ضباط أمن الدولة انفسهم بعد الخوف من دخول الشعب اليها وبالتالى يحدث استيلاء على ملفات الجهاز ......وبالتالى ينكشف المستور ..... وتنكشف كميات الظلم الرهـيـبـة على عباد الله والذين كنت انا واحد منهم حين اعترضت فى القطار على واحد منهم يقبل فتاةويحتضنها فى القطار فتم حبسى شهر ونصف وكان أبن عمتى واحد من مظاليم أمن الدولة حين صوروه يلعب الكرة مع واحد (يشتبه) انه من أعضاء الجماعة الأسلامية وتم حبسه 13 سنة بلا تهمة وكان أبن خالتى أحد مظاليم أمن الدولة حين وجدوه يصلى فى المسجد المجاور لمنزله بمحافظة أسيوط وكان هذا المسجد يرتاده كثيرون من أعضاء جماعة الأخوان المسلمين وكان يرحمه الله ليس له أى نشاط فهو سائق تاكسى يجرى على قوت أولاده طول اليوم ثم خرج ليصلى العصر ولم يعد ...... وبحثنا عنه 5 سنوات متواصلة ولم نجده ..... ثم أستعننا بعد الله بأحد أعضاء مجلس الشعب بالمحافظة والذى عرف بعد محاولات كثيرة أنه تم قتله بعد القبض عليه بساعات لانه كان يشبه أحد أعضاء الجماعة الأسلامية .... ثم بعد تصفيته اكتشفوا أن العضو المقصود لايزال حى أه والله هذه الواقـعة حقيقية .....تخيلوا وأبن عمى قبضوا عليه لانه كان يصلى الفجر بمسجد قريتنا باستمرار وكان يذهب الى كل بيوت القرية ليوقظهم فى الفجر واعتقدوا انه يقوم بأنشاء تنظيم دينى أو عسكرى ....وقبضوا عليه .....ودخل السجن 10 سنوات ياله من عهد ردىء لم تعانى محافظة كما عانت محافظة أسيوط وطبعا كل هؤلاء المظاليم وغيرهم لهم ملفات وخط سير معلوم لدى أمن الدولة ووزارةالداخلية فـقـط بالطبع بقيادة زكى بدر وحبيب العادلى لعنة الله عليهم ومن قبلهم النبوى أسماعيل وحسن أبو باشا وصلاح نصر وسامى شرف وشمس بدران ومن فوقهم روؤسهم عبد الناصر والسادات ومبارك لعنة الله على الجميع نشروا الظلم والقهر وتركوا الكلاب تعوى وتنهش فى الشعب المسكين أن حرق مبانى أمن الدولة بواسطة أبناؤه من الضباط لهو أكبر دليل مادى وحى قدموه بأيديهم لنا كشعب على فسادهم وطغيانهم وجبروتهم بدلا من حواديـتـنـا و أحاديـثـنـا عنهم والتى كانت لاترقى الى الدليل المادى فـقد درسنا فى الكلية أن أركان اى جريمة ثلاثة ( مادى ومعنوى ورابطة السبـبـيـة بينهما ) لقد اكتملت أركان الجريمة بعد حرق الأجهزة لعنة الله عليهم أجمعين لقد خلفوا لنا أجيالا يائسة مظلومة محبطة مسـتـمـعـزة (تحولت الى معيز لاتجروء على شىء سوى الأكل والشرب ) لـقـد حـرقوا دليل أدانتهم أمام الناس فهل حرقوه أمام الله ؟؟؟؟ مساكين هربوا من عـقاب الناس .......فهل سيهربون من عـقاب الله ؟؟؟؟ لعنة الله عليهم أجمعين يوم يقال للمظلوم تقدم ...... ويقال للظالم لاتـتـكلم ياااااااااااااااااااااااا ااااااااااااااااااااااااا اااااااااااااااااااااه والله أنه احساس عجيب بالمرارة ...........لايحسه الا من ظلم (بضم الظاء وكسر اللام ) كيف طاوعتهم أنفسهم على ظلم الناس ..... كيف طاوعتهم انفسهم على تعذيب الناس ثم يطل علينا احد الخفافيش ويقول / اننا أسياد البلد واللى يتطاول علينا ينضرب بالجزمة وهل ستقف أمام الله بجزمتك هذه نعم ستـقـف بها أما م الله كل الناس يـقـفـون يوم القيامة عرايا أمام الله وانت ستقـف عريان أيضا ومعك جزمتك التى ظلمت بها الناس كدليل ادانة عليك ورغم ان الله لايحتاج الى دليل ولكن لكى لاتجادل ياشعب مصر العظيم أبـشـرواااااااااااااااا فـقـد انتهى جهاز أمن الدولة أســـف لـقد أنـتـحـر جهاز أمن الدولة بعد حرائقـه هذه بأ يدى أبناؤه...... فأنه قد أنـتـحـر ولكن من أنـتـحـر فقد هرب من نار الدنيا.......... الى نار الأخرة وهؤلاء.........هربوا من عـقـاب الناس .....الى عـقاب الله لعنة الله عليهم أجمعين
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 06-03-2011 الساعة 05:17 AM
|
|
#130
08-03-2011, 02:24 AM
|
||||
|
||||
|
رد: مـقـــا لا ت
شىء يـفـرس
سمعت منذ 3 ساعات فى برنامج الطبعة الأولى الذى يقدمه المذيع الذى احترمه كثيرا / احمد المسلمانى وأختلف معه أحيانا خبر يفرس وينقـط ويغيظ وبه كل مرادفات حريق الدم وكل مايؤدى الى الأصابة بجميع الأمراض المزمنة والمستعصية وكل حاجة تقرف المسلمانى بيقول على لسان جريدة مشهورة ( جريدة الأسبوع عدد الغد) وجايبة المصدر......... فلان الفلانى نقلا عن الاسرائيلية فلانة الخبيرة فى الشئون المالية تقريبا (انا مش فاكر الأسماء ولا المناصب الحقيقة لان الخبر يغيظ ) والخبر بيقول ان مبارك بسلامته يوم 12 فبراير يعنى بعد التنحى بيوم كلم ملك السعودية وقال له انا عايز احول 20 مليار دولار (أه والله دولار) على بنوك السعودية والأمارات .......والملك عبد الله كتـر خيره مكدبش خبر وساعده فى الحكاية دى ( رغم انه قرب يموت وكان بيموت اليومين اللى فاتو ......هيقول ايه لربنا بس .....لما يسأله عن استضافته للحرامية والمطاريد من بلادهم ) لكن اللى يفرس وخلانى نسيت جميع المعلومات اللى قبلها ان مبارك اتصل بحد فى اسرائيل وصله بمؤسسة مالية اسرائيليه سحبت فلوسه من بنك باركليز مصر طبعا (انا بفكر مدفعش باقى فلوس العربية للبنك ده بعد الحركة دى ........انتم ايه رايكم  )هذا البنك حول لبنك اسرائيلى فى سويسرا تقريبا مبلغ 620 مليار دولار أه والله الرقم قاله المسلمانى كده وترجمه بالمصرى الى 3.5 تريليون جنيه يعنى 3500 الف مليون جنيه يعنى 3500 وكمان تحط جنبها 9 أصفار ياساتر .......... ده احنا ديوننا كلها 185 مليار دولار ومبارك ( لو الكلام ده حقيقى ) سارق 640 مليار دولار مهربهم يوم 12 و 13 فبراير يعنى علشان نـقرب المسألة اكتر كأنه هرب 3500 جنيه واحنا ديوننا 185 جنيه تصوروا والكارثة بقى ان مبلغ ال 620 مليار دولار ( مش جنيه ) قالو انهم اتهربوا منين وراحو فين ومشيو الساعة كام بتوقيت جرينتش وتمت العملية ازاى وفين ...... حتى أسماء الناس اللى قاموا بالموضوع ده بالواحد ده نسبة اللى هربوه يعادل اكتر من 3 أضعاف ديون مصر تقريبا يخرب عقلك يامبارك ..... اكمنك انت قاعد تكلم الوزير الاسرائيلى السابق قبل التنحى بيوم....... ربع ساعة كاملة وساعتها انا استعجبت كان بيقول له أيه فى التليفون ده كله ولكن تفكيرى القاصر لايصل الى تهريب هذا المبلغ الكبير جداااااااااااااا انا كنت فاكرهم بيدبروا سوا موضوع الهروب الى اسرائيل لكن اتضح انهم بيدبروا هروب الفلوس نفسها.......مش مبارك نـفسه وانا برضه قلت فى نفسى ده قاعد فى مصر ليه ؟؟؟وفى شرم الشيخ تحديدا وكمان قالوا خبر امبارح انه وصل القاهرة هو وعائلته انتم بتفرسوا البنى ادمين بقى ؟؟ اتاريه بسلامته واثق من برائته وسايب لنا 90 مليون جنيه فى فرع البنك الأهلى اللى جنب البيت فى مصر الجديدة احم .....احم قصدى اللى جوه البيت .....وكنت دايما استعجب......أول مرة أشوف فرع بنك أو مؤسسة اصلا جوه قصر .......ومش أى قصر .....ده قصر الرئاسة......ومش أى قصر رئاسة .....ده قصر رئاسة رئيس دولة عربية .....يعنى الديكتاتورية والقلاطة والقنـزحة اللى فى العالم كلها....لكن اتضح لى أنى غلطان لأن ده مش أى مؤسسة .....ده فرع بنك .....وأنا بعد موضوع ال 620 مليون دولار ده.... ...فهمت ان البنك د ه ليه باب خلفى بيفتح على القصر ومفتاحه مع واحد بس وربما مع عصابة ال 4 مش واحد بس والمسلمانى حسبها طلع نصيب الفرد فى مصر هيطلع من الثروة دى بس 40 الف جنيه يعنى انا والوالد وام عمر وسلمى كان زماننا معانا مبلغ 160 الف جنيه وبسلامته سايب لنا عضمة يرميها لنا لما نـزنـقـنه .....يعنى أول م نحاسبه على الفلوس يقول انا معايا 90 مليون جنيه ( مش دولار) خدوهم بس أخد براءة وطبعا المسقـفاتية هيسقـفوا لانه راجل عجوز ومينفعش نحبسه وأحنا اللى يهمنا فلوس الشعب ترجع ( العضمة ) وكلمتين هرتلة من بتوع الشعب المصرى الطيب الغلبان ده سرق الشعب ده ده جوع الشعب ده ده مفروض اعدامه رميا وضربا بالشباشب لاحول ولاقوة الا بالله وتودى اموالنا فين ؟؟؟ فى بنك اسرائيلى ؟؟؟؟؟!!!!!! يعنى أموالنا تروح لأعدائنا وطبعا فى أى وقت ممكن يقولوا جمدناها تعاطفا مع المصريـين وبعدين يـقـرروا يرجعوها للمصريـيـن وبعدين يخترعوا مشكلة ......ياكلوا بيها الأموال دى علينا حسبى الله ونعم الوكيل طيب ألأموال دى والأموال اللى هربها كبار اللصوص الى الخارج فى الفترة اللى فاتت كانت كفيلة بتـغـيـيـر وضع الشعب ده انا اكتشفت اننا احنا أغنى من أمريكا عارفين ليه ؟؟؟؟ لأننا بعد الثورة .....كل الخبراء الأقتصاديـين فى العالم أجمعوا ان الدولار سيرتفع أمام الجنيه بمقدار 25% على الأقل يعنى هيطلع من5.8 جنيه الى حوالى 7.5 وأنه سيحدث أرتفاع كبـير فى الأسعار سيؤدى الى أزمة خانـقة من المـمكن أن تؤدى الى الأطاحة بأى رئيس قادم من قبل أن يأتى لكن المفاجأة حدثت ويمكرون ويمكر الله لم يحدث شىء فـقد ثبتت أسعار السلع ولم يرتفع الدولار بأكثر من 15 قرش ثم عاد مرة اخرى ليهبط 10 قروش اى انه ارتفع بمقدار 5 قروش فقط او 7 تقريبا وهى نسبة ضئيلة جدا ولاتؤدى الى ارتفاع مؤثر فى الأسعار أيه ده رغم كل هذه السرقات .......والتى وصلت الى اكثر من 5 أضعاف الدين المحلى ورغم كل هذا فالأقتصاد لم ينهار بل ومتماسك أذن احنا اغنى من امريكا والعجيب انه رغم هروب بعض المستثمرين المصريين الا ان المستثمرين الأجانب قاعدين وممشيوش ......يعنى هما عارفين ان البلد هتـتحـسن اقتصاديا ان شاء الله صحيح عمار يامصر فعلا مبارك ده اكبر حرامى حكم مصر بعد رمسيس الثانى سبحان الله حتى الحرامى القديم باسمه ميدان رمسيس من فوق ومن تحت محطة المترو باسم الحرامى الأخير هل هو اختيار مقصود ؟؟؟؟ مفتكرش .....لانه كان قاصد يخلد نفسه ....فأساء الى نفسه حين اقترن بفرعون عارفين فرعون كان حرامى ليه ؟؟؟؟ لأنه قال (أليس لى ملك مصر وهذه الأنهار تجرى من تحتى ) هيا مصر دى بتاعة أبوه علشان يسأل هامان ( رئيس الوزراء بتاعه ) ان دى بتاعته والا لأ وطبعا هامان وافـق وأيد كلامه وقال لهامان (ياهامان ابن لى صرحا لعلى أبلغ الأسباب / اسباب السموات فأطلع الى اله موسى ) عايز يبنى قصر بفلوس الشعب .....يوصل لحد السماء فوووووووق ....علشان يشوف الأله بتاع موسى شكله أيه وهامان المنافـق وافـق طبعا ..............موافـقـة ومبارك واضح انه بالمبلغ الضخم ده ناوى يبنى قصر زيه ...... لعنة الله على الظالمين واللصوص والمنافـقين وسارقى قوت هذا الشعب .....
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 08-03-2011 الساعة 03:20 AM
|
 |
|
|
