|
#1
09-11-2009, 02:19 AM
|
|||
|
|||
تجربه قياده نيسان صني سوبر صالون 2010 بعد اول 1000 كيلو
سلام عليكم
ازيكم جميعا يارب تكون بخير وبصحه وسعاده ده تاني موضوع ليا في القسم ده وهو يعني رايي في العربيه الي حلتي << حلته نسان صني سوبر صالون 2010 ptmnlo123per154 رايي فيها بعد اول 1000 عملتها بيها وهي حاليا 1350 كيلو بدايه انا مشاويري كلها من اكتوبر ل القصر العيني واحيانا الشيخ زايد ومشاوير خاصه بقي لو فيه الموضوع هاينقسم ليه 1.حوادث 2.تغيرات فيا انا كسائق للعربيه كاول مره اركب عربيه خاصه بيا 3.التغيرات الي حصلت في العربيه 4.مميزاتها والعيوب تعتبر رقم 3 الي هي التغيرات 5.نصيحه 6.كفايه بقي احنا هانعدل كتير كده ولا ايه ptmnlo123per122 نبتدي بقي الحوادث حصل ادامي حدثتينوبفضل من الله تعالي تفاديت الحدثتين وخرجت منهم سليم الحمد لله والعربيه متلستشي وحادثه حصلتلي بسبب العربيه وهاتعرفوا ليه بس الحمد لله طلعت سليم بس العربيه اتخبطت خبطه من الخلف والحمد لله تدارج الموقف الاول نحكي عن الحدثتين الي حصلوا ادامي علي بعد 50 متر وتفديت الموقف الحمد لله الاول الاتنين مشباهين ثانيه المكان المحور ثالثا مجري الحدثه : الحدثتين شبه بعض جدا طبعا علي المحور يعني بعيد عن الرادار سرعه 110 او 120 المهم بفضل الله في المرتين كان في مسافه يجي 50 متر بيني وبين الي ادامي واذ بفجاه اتلاقي الي ادامي ده فرمل جامد جدا والعربيه لفت بيه واتقلبت وطارت ي الهوا ووقعت علي السقف وانا وراه ميجيش بتاع 50 متر وانا كل الي عملت دست فرامل بس مش جامد بشده شويه ومسكت الطاره بايدي الاتنين وخت شمالي في اول مره ويميني في تاني مره المهم انا معرفشي ايه الي حصل خلي الراجل يفرمل بالشكل ده بس ده قدر وربنا يخفف عنه ويسترها مع الجميع رابعه من ساعه الحدثتين دول وانا مش بحاول امشي ورا عربيه قديمه لان الاتنين الي حصل فيهم كده كانوا عربيات قديمه موديل 85 ثانيا بقي نحكي عن الحادثه الخاصه بيا وتخيلوا الموقف لاني بجد حزين حزن شديد بس يالا ربنا يسترها الاول العربيه : عربيتي ثانيا المكان : المحور الي عند هيبر بين هيبر وان ومدخل الصحراوي ثالثا السرعه 80 تقريبا رابعه مجري الحادثه : انا كنت رايح اعمل صيانه الالف بتاعت العربيه تمام حجزت علي الساعه 2ونصف ونزلت الساعه 12 وبعد هيبر يجي ب 3 كيلو ماشي علي سرعه 80 تقريبا بدوس فرامل بسيطه علشان بس اهدي مش اكتر يعني مش لسبب معين يعني مجرد بهي وخلاص اتلاقيت الفرامل سابت والي حصل الاتي بدوس علي الفرامل لاقيت الفرامل سحبت لتحت ولاقيت اكني داسي علي دواسه بتدوس عي بلي او ظلط ولاقيت العربيه بترعش مني وخت شمال ولمين وبعدين لفت لفه حولين نفسها واستقامت في الطريق وجه واحد ابن حلال لطش الاكصدام الخلفي كده بسيط الحمد لله ان الطريق كان فاضي وان العربيه متقلبتشي عايزكم تتخيلوا بس مش اكتر لاني لو اقولكم كرهت العربيه والدنيا بسبب الي حصل ده مش هاتصدقوا والي مش متخيل ممكن احكيله الموقف مليون مره 2 تغيرات فيا انا كسائق للسياره 1.معنتش خايف عاد عادي باخد غرز بس بحرص شديد بجري بس في الاماكن الفاضيه 2. اهتمامي بيها لسه زي ما هو بتضايق لو حد بس لمسها ولو خدت مطب بحس ان قلبي وجعني هههههههه 3.اهتمام بنظافتها مش قد كده يعني مغسلتهاش لحد دلوقتي لكن بغطيها لكن احيانا لا 3. تغيرات حصلت في العربيه وده تكمله للحادثه الي حصلتلي اولا بعد الحادثه الي حصلت مشيت من هيبر لحد ابو رواش علي سرعه 20 كيلو تقريبا او 30 ورجلي بتخبط في العربيات الي جمبي ههههههههههه ودخلت مركز الصيانه اتلاقيت مهندس قولتله صيانتي وكده قالي الساعه كام المهم فضل يقول في الكلام واشد خلاني اتنرفزت شويه وقولتله انا عملت حدثه وانا جي وياريت بس تهتم شويه وهو الصراحه اهتم بس لطعني يجي نصف ساعه وبعدين جالي قالي ايه خير قولتله العربيه لفت بيا علي المحور ساب الي في اديه وقالي فين العربيه وطلع جربها معايا قالي ما هي كويسه اهي وبتاع ومش عارف ايه قولتله معرفشي ده الي حصل وانا مش عارف هامشي بالعربيه دي ازاي المهم قالي خلاص هانعمل كشف علي الفرامل ودخلت العربيه الصيانه وخرجت بعد نصف ساعه تقريبا او ساعه الا ربع بقوله اليه الي كان فيها بيقولي تيل الفرامل الخلفي غيرناه زيت الفرامل كان فيه هوه كان في ورق شجر مش عارف علي ايه كده وفرامل اليد طبعا انا قولتله دي بايظه ومش بتشتغل وكمان المساعدين كان النحيه اليمين في العربيه واطيه شويه عن الشمال بس مش واضحه اساسا بس حسيت كده في الملفات المم قالي كل ده تمام ومش عارف ايه ومفيش اي مشاكل ولو في حاجه ههاتهالنا قولتله اه ما انا هاجيلك معاها علي نقاله نهايه علشان مش اطول عليكم بس بحكيلكم الي حصل علشان بجد المهزه الي بتحصل في الدنيا مش عايز اقول في مصر مبحبش اجي علي حاجه لاني معرفشي بقيت الدنيا ماشيه ازاي بس بجد بقينا مستهترين ما بعده استهتار العربيه مستلمه فيها مشاكل وانا قولت لوالدي تاني يوم من استلامي ليها ان الفرامل فيها حاجه غلط بتفوت ساعات ومش بتمسك قالي بس علشان جديده وبتاع المهم مستملها وفيها فرامل بايظه فرامل اليد بايظه والمساعدين فيها حاجه غلط وبعد الصيانه في مشاكل تانيه لاقيها لما برجع بالعربيه لورا الفرامل مش بتمسك كويس وبتزيق وكمان صوت الموتور علي بطريقه انا متنرفز ليها والعربيه مش بتسحب خالص يعني كان ممكن في الاول توصل ل 100 في 15 ثانيه << افتراض دلوقتي لا توصل من 1 ل 100 في 30 ثانيه مثلا سحبها بقي بجد زفت زفت يعني كمان ماذال موضوع المساعدين ده حاسه قوي في الملفات كمان ال abs حاسه مش شغال اساسا لاني لما بفرمل في رمل بتلاقي العربيه بتزحف معايا اه مش قوي بس بتزحف معرفشي ده طبيعي ولا لأ وكمان نظام الاوفر درايف في حاجه غلط لان لما الار بي ام بيكون علي 3 او 4 وانا اشغل الاوفر درايف المفروض بينقل علي طول مادام علي سرعه قليله وبيقل الار بي ام ل 2 تاني ده مش بيحصل بقي دلوقتي كان بيحصل قبل الصيانه كمان بدأت تاكل بنزين بطريقه لا تطاق يعني في الاول كانت تعمل في الفول تانك بتاعالعربيه حوالي 370 كيلو دلوقتي 270 او 250 تقريبا وكمان بعد ما بمشي بالعربيه يجي مثلا نصف ساعه متواصل واركنها اتلاقي في صوت تكتكه كده عند الكبوت بيبقي عالي ويهدي مع بروده العربيه معرفشي ده طبيعي ولا لأ 4.مميزات وعيوب مميزات ثابته ما شاء لله يعني اخري جبت بيها 140 وثبات حلو بس صوت الهواء يحسسك انه هايكسر الازاز ويخش في وشك بس بحاول اطنش واسعه الكنبه مش حاسس باي ضيق علي الرغم ركب معايا ناس زميلي وكلهم طوال وركبوا ورا ومفيش اي مشاكل خالص دي بس المميزات العيوب غير ما سبق زكره فيما سبق مش عارف بجد اقولكم ايه بس معنتش واثق في العربيه نهائئ اه هي بعد الصيانه الفرامل معملتش حاجه وربنا يسترها بس بجد يا جماعه لو اقولكم العربيه بالنسبالي قبل الحثده وبعد الحادثه بقت ايه مش هاعرف بجد بقت زي ما يكون سكينه لازم تغز بيها نفسك علشان تعيش بجد كارهها لابعد الحدود وفكرت في بياعتها بس طبعا استحاله يحصل حاجه زي دي 5. النصيحه 1.ميغركشي ان العربيه جديده معتشي في زمه وضمير وتوقع يحصل اي حاجه في العربيه وهيجديده حاول متجريش والله بكتبها وانا مش قادر لاني انا بجري في الطرق الفاضيه اه مش باخد غرز الا من اسبوع بدات اعمل كده لكن بجد حاول متجريش بقي وخلاص ازاي متسالنيش 2.متجبشي عربيه تقفيل مصري لا ما شاء الله التقفيل المصري شرف للعربيه ههههههههه 3.عايز تعرف مشاكل العربيه بجد روح مركز الصيانه وشوف الناس الي رايحه تعمل صيانه واسالهم
__________________
اشهد ان لا اله الا الله وان محمد رسول الله
|
|
#2
09-11-2009, 09:53 AM
|
|||
|
|||
|
رد: تجربه قياده نيسان صني سوبر صالون 2010 بعد اول 1000 كيلو
الحمد لله في الاول و الاخر, اهم حاجه انك بخير
حضرتك خلتني اغير نظرتي للعربيه دي
|
|
#3
09-11-2009, 10:00 AM
|
||||
|
||||
|
رد: تجربه قياده نيسان صني سوبر صالون 2010 بعد اول 1000 كيلو
المهم الي انت بقيت كويس وخرجت نها تمام انا مش بحب التقفيل المصري وبكرة جدااا عن تجربة بصراحة خليك احسن في المضمون وجيب عربية متقفلة برة وحاول تبيعها وتجيب حاجة تانية وفي داهية الفلوس الي هتيطر منها المهم انك تحافظ علي روحك
|
|
#4
09-11-2009, 11:46 AM
|
|||
|
|||
|
رد: تجربه قياده نيسان صني سوبر صالون 2010 بعد اول 1000 كيلو
ههه ده مش موضوع ده تقرير او محضر
 ptmnlo123per122 اولاً حمد لله علي السلامة و ربنا يوستر طريقك والعربية يبعد عنك شرها تسلم ايدك تغطية كاملة و وافية مشكووووووور
|
|
#5
23-05-2013, 04:02 PM
|
|||
|
|||
|
رد: تجربه قياده نيسان صني سوبر صالون 2010 بعد اول 1000 كيلو
علي فكره الموضوع مش تقفيل مصري مهي ال بي ام دبليو والمرسيدس تقفيل مصري والتويوتا فورتشنر مصري ممكن يكون عيب صناعه تروح حمايه المستهلك والشركه تتيدلك واحده غيرها ع طوول الموضوع ده موجود ف اي شركه حتي اللي متقفله بره
|
 |
|
|
