الى الاخ بوب الجامد اسباب تفضيل رينو سيمبول

[POP EL GAMED]

المشاركة الأصلية كتبت بواسطة aymansour ان شاء الله ناوي اشتري عربية رينو سيمبول وهاوقول الاسباب وياريت تصححولي لوكنت غلطان قبل ما اتدبس اولا انا عاوز عربية استعملها داخل القاهرة وممكن اسافر بيها مرتين تلاتة في السنة (سوهاج =450ك ذهاب فقط) 1- اقتصادية في البنزين 2-تجميع تركي يعنى قطع الغيار مش هتكون غالية قوى (حسب تصوري) بالاضافة الى ان التركي سمعته معقولة ثانيا انا هاشتريها قسط يعنى مش هافكر اغيرها قبل خمس سنين على الاقل 1-شكلها عصرى ومقبول جدا (مش هيخنقك شكلها بعد شوية زي اللانوس مثلا أو اللوجان) 2-سعر اعادة البيع بعد 5 سنين هيكون قريب من سعر اعادة بيع النيو اكسنت بعد 5سنين برضو وهما نفس السعر حاليا (حسب تصوري) 3-بالاضافة لاني بحب التكنولوجيا العالية لاني مهندس اتصالات ثالثا تمنها مايزيدش عن 80000 لانى مش هدفع مقدم كبير وعلشان القسط يبقى معقول 1- فكرت اوفر 13 الف واشترى اللوجان المغربي بس اللوجان 40% مغربي والباقى مش عارف فرنسي ولا روماني (ياريت حد يفيدني في النقطة دي ) 2-فكرت في البولو تقفيل صيني لكن لما اشترى بولو صينى اشتريلها قطع غيار الماني ولا صينى ؟بالاضافة الى انها اغلي 3- النيو اكسنت سمعت ان البور الكهربا بيعمل مشاكل لكن السيمبول امان اكتر رابعا انا عاوز عربية متبهدلنيش ومابهدلهاش 1- حسب الاراء اللي في المنتدي ان التوكيل بتاع رينو محترم ومعاملته جيدة 2-معنديش مشكلة في عمل الصيانة الدورية بتاعتها والمحافظة عليها 3- فيه ناس نصحتنى بالمستعمل بس انا مش عاوز بهدلة لكن منتظر نصائحكم خامسا المساحات الداخلية جيدة بالاضافة الى ان الشنظة كبيرة رغم ان عائلتى صغيرة (بنت وولد في الطريق ان شاء الله ) لكن ممكن وانا راجع من البلد يشبط معايا خمسة سته فممكن تلاتة يركبوا في الكنبة الخلفية واتنين في الشنطة وواحد يجرى ورا العربية . انا في انتظار آرائكم واقتراحاتكم وتصحيح اي مفهوم خاطئ اكون اعتمدت عليه خصوصا رأي الاستاذ بوب الجامدptmnlo123per181

سيدى الفاضل اولا طبعا انا بعتذر عن التأخير فى الرد على حضرتك
ثانيا
بالنسبه لموضوع الاقتصاديه فى البنزين السيمبول اقتصاديه فى البنزين ده حقيقى
بالنسبه لقطع الغيار فهى فرنساوى بالكامل فرنسيه الصنع(كقطع غيار) المكونات التركى حاجات بسيطه ومش مؤثره زى الفرش الكاوتش الزجاج موكيت العربيه لكن موتور وشاسيه وباقى الكماليات زى دوره الباور والتكييف فرنسيه
قطع الغيار مش غاليه وكان فيه مواضيع كنا كاتبين فيها اسعار وهى مش غاليه
بالنسبه لموضوع الشكل ده فدى مسأله شخصيه تماما وكل واحد وذوقه فى الشكل اكيد ممكن حاجه تعجبنى ومتعجبش حضرت والعكس انما اهم حاجه انها تكون عاجبه حضرتك زى ما انا شايف وفهمت من كلام حضرتك
موضوع سعر اعاده البيع هتلافيه بعد خمس او ست سنين مقارب للاكسنت فعلا وده لو حضرتك تابعت اسعار بيع الكليو واسعار بيع الاكسنت موديل 2000 و2001
كل الفكره ان بيع الاكسنت اسرع
اللوجان مغربى كتقفيل وكماليات والباقى موتور وشاسيه برضه زى السيمبول فرنساوى وبرضه موضوع انت ونفسيتك من ناحيتها وواضح ان حضرتك عجباك السيمبول اكتر وهى موتور اقل فى السعه واستهلاك البنزين واعلى فى القدره الحصانيه يعنى اللوجان 90 حصان والسيمبول 98 حصان
موضوع البولو ده معنديش اى فكره عن قطع غيارها ابدا
توكيل رينو محترم بس غالى شويه(حقيقه لازم نقرها بس مش فى كل حاجه)
ارجو انى اكون قدرت اجاوب على استفسار حضرتك ولو فيه اى حاجه مش واضحه من كلامى هكون موجود بأذن الله للاجابه وكل سنه وحضرتك طيبptmnlo123per122

[aymansour]

شكرا يا بوب باشا بس كنت عاوز اعرف رايك في موضوع الفرق بين اللوجان والسيمبول في السعر
يعنى كنت عاوز اعرف اشتري لوجان واوفر 13 الف واتغاضى عن الشكل ولا رايك ان السيمبول تساوي الفرق في السعر فاتوكل على الله واشتريها

[POP EL GAMED]

باشا فيه فرق فى السعر 13 الف
الفروق اولا الشكل
وطبعا متفقين ان السيمبول شكلها احلى
الموتورموتور السيمبول احدث من اللوجان واصغر واقوى
السيمبول 1400 98 حصان
اللوجان 1600 90 حصان
تابلوه اللوجان اقل فى الخامات والشكل من تابلوه السيمبول
هى دى الفروق الرئيسيه الاتنين قطع غيارهم موجوده فى التوكيل وفرنساوى بس السيمبول اغلى شويه
وهرجع واقولك اهم حاجه انك تكون مستريح للعربيه تماما لو هتاخد اللوجان وتتغاضى عن الشكل لازم تاخدها وانت مستريحلها مش وانت مضطر
مع ان بما انك هتشتريها قسط يبقى ارشحلك اللوجان لان موضوع ال13 الف لما تقسطهم هيزيدوا وهيزودوا فى فتره القسط
رأى الشخصى تجيب اللوجان اعلى فئه 67 الف بدل 80 الف وهتوفر جامد فى الفرق وربنا يوفقك

[aymansour]

اشكرك ياباشا انا بالفعل كنت بدأت افكر في اللوجان بعد افادة البشمهندس خالد Col.Eng.Khaled
اصبح الموضوع بالنسبة لي محسوم ان شاء الله ان قدرت ادفع مقدم كبير هاشترى السيمبول
اما اذا الحسبة ماتظبطتش هاشتري لوجان

اشكر الجميع على المشاركات المفيدة Col.Eng.Khaled ,hazem_khidr,sam_ram,POP EL GAMED