|
#11
16-10-2009, 10:59 PM
|
||||
|
||||
رد: هل i10 عربيه سفر و كده
مالهم ال 1100 سى سى ! معايا كورولا 1300 سى سى ومع تشغيل التكييف تصبح 1100 سىسى وماشاء الله بتجرى جرى الوحوش مع وزنها اللى يطلع قد الآى تن مرتين ! وبتسافر مرسى مطروح والغردقه و شرم ! ارجع لمشاركتى الآولى وشوف مواصفات الشخص المطلوبه لقيادة سياره صغيره وانت تعرف سبب كلامى ! لآن الموضوع من شقين ! شق السياره و شق السائق ! وبعدين السيات اللى بأتكلم عليها كانت 899 سى سى تقريبا بموتور متخلف وتهويه متخلفه ! عمومآ ليس من سمع كمن رأى أو جرب ! Dr. Bolbolan ptmnlo123per122
__________________
ليت الشباب يعود يوما  فأخبره بما فعل المشيب بى ! ptmnlo123per1127
|
|
#12
17-10-2009, 12:02 AM
|
||||
|
||||
|
رد: هل i10 عربيه سفر و كده
أنا مع رأيك يا Dr. Bolbolan أي عربية صغيرة أو كبيرة تقدر تسافر
المصنع اللي عمل العربية الصغيرة عامل عداد السرعة أكتر من 100 بكتير كمان ، يا ترى ليه؟!!!!
__________________
مهندس/ إيهاب الجندي سبحان الله وبحمده سبحان الله العظيم اللهم صلي وسلم على نبينا محمد 
|
|
#13
17-10-2009, 05:15 AM
|
||||
|
||||
|
رد: هل i10 عربيه سفر و كده
هيا حتسافر مش حتقول لاء
بس زي دكتور عبد السلام ما قال حتحتاج اهتمام بالصيانه اكتر من العربيات المتوسطه و بعدين 400 كيلو مش حاجه و حتلاقيه بيسافر بالنهار و يرجع بالليل و الجو كويس يعني مافيش لا مشاكل حراره و لا التكييف حيشتغل كتير فالموتور حيفضل كويس ان شاء الله بس يمشي علي قده يعني 80 او 100 و بلاش الجري الجامد علشان الثبات
__________________
حـازم خـضـر
|
|
#14
17-10-2009, 08:48 AM
|
||||
|
||||
|
رد: هل i10 عربيه سفر و كده
مفتقدين احنا اسئلة الخبراء لان اللى فاهم لما بيسأل بيفتح بأسئلتة مجالات جديدة ومتعمقه صعب المبدئى يوصلها فاشكرك يا قرصان على السؤال
خلينا نقول ممكن عربية زى ال I10 او البيكانتو او اقدم زى البرايد عصفورة تسافر مسافات طويلة يعنى اكثر 500 كم الاجابة نعم طب هل هتحتاج صيانة اكتر من العربيات اللى بتمشى اكتر فى المدينة الاجابة لا بالعكس هتحتاج صيانة اقل طب ليه ؟ هقولكم المتوسيكل ممكن تسافر بيه مسافات طويلة ولا لاء هتقولى اه بس الموتوسيكل موتوره صغير وحملة صغير هقولك بالظبط هى فكره قوه وتحميل لكن نظرياً اى موتور باى سعه تشغيله يتحسب بالساعات ظروف التشغيل مش بالمسافة تعالى نثبت كمان معامل عدد ساعات التشغيل ونقول ان عندنا عربيتين بيكانتو مثلا الاتنين بيشتغلو كل يوم 8 ساعات بس واحدة بتقضيهم جوه البلد والتانية بتقضيهم سفر طوالى ونشوف ظروف التشغيل جوه البلده هتبقى عامله ازاى وظروف السفر ازاى جوه البلد استهلاك الكلاتش (الدبرياج) اكبر واستهلاك البنزين اكتر واغلب وقت الموتور بيشتغل على عدد دورات عالية والفتيس بيشتغل اكتر علشان اكتر الوقت شغال على نسب التعشيق الاولى الفرامل بتشتغل اكتر التهوية للمحرك اقل لان الهواء اللى داخل للموتور اقل ونسبة الملوثات فيه اكبر على الطوالى مفيش دبرياج استهلاك البنزين اقل (افضل نسبة استهلاك على سرعه 90كم/ساعة فى المتوسط المتور بشتغل مده اطول على سرعات دوران (RPM) اقل واستهلاك الفتيس بيبقى اقل لانك تستخدم نسب التعشيق الاعلى الرابع فى العربيات القديمة مثلاً وده بتبقى قوه الدفع من قوه الموتور اما العربيات الجديدة كلها ففيها غيار خامس يا جماعة (OVER DIRVE) وده بيخلى العربية تدور على اقل غيار ممكن مع المحافظة على اعلى سرعة وده بيريح الفتيس والموتور جدا جدا اكتر من اى غيار او اى سرعة اقل وطبعا الهواء اللى داخل للموتور اكتر وبالتالى تنفس افضل وتهوية افضل لكن العربيات القديمة الصغيرة واخدة سمعة سيئة فى موضوع السفر الطوالى علشان مكانش فيه غيار خامس وعلشان مشاكل التبريد وحالتها فمينفعش تجيب سيات التبريد بتاعها وحش وحالتها عامه كرب وتسافر بيها فى عز الحر وتهرس الدواسه تحت رجلك علشان تجيب اكبر سرعة وهتسافر لكن زى ما قال الدكتور ممكن عربية قديمة حتى لدرجة السيات تسافر مع الصيانة (الاكثر من طبيعيه ) لان الموتور والفتيس بتاعها (ده فى حاله ال 4 غيار) مش مصمم على السرعات اللى فوق الميه لفترة طويله لكن العربيات من التمانينات وانت طالع انسى بالعكس امشى بيها 80 - 90 - 100 او 90 - 100 - 110 او لحد 120 عربية موتورها صغير على الغيار الخامس مش هتعدى rpm3000 وسافر بيها ليبيا مش هتقولك لاء ولا هتعمل معاك حاجة وبالكتير هتريح نفسك والعربية كل 4 ساعات تاخد رست وتبص على العربية وتكمل تانى طبعا الانسب للسفر عامه ديه تعنى حاجات كتير زى الحجم والابعاد والوزن ونظام التعليق وقوه الفرامل والسرعه القصوى بس اى عربية تسافر اى حته لانها مش حسبه مسافه انما حسبه ساعات تشغيل فى ظروف معينه فهى الروشته بسيطه زى ماقال حازم يحافظ على سرعة مناسبة ومتغيره من 80 - 120 بالكتير حسب حالة الطريق من بعد ال 90 يجب الغيار الخامس يهتم بالكشف على الكاوتش بصفه دورية اسرع يهتم بصيانة الفرمل لان قوه الفرملة للعربيات الصغيره مع السرعه والقصور الذاتى هتبقى اقل قوه ودقه (ثبات) التعديل الأخير تم بواسطة AbOnOrA ; 17-10-2009 الساعة 08:51 AM
|
 |
|
|
