مساعدة من اهل الخبرة

[taha988]

السلام عليكم ورحمة الله وبركاته
اولا انا لسه مشتري الحمد لله عربية كورولا 2002 مانيوال 1300
وانا جديد خالص ف العربيات وسمعت ان المستعمل لازم يتغير فيه حاجات زي السيور والزيوت والفلاتر
فرجاء خاص عاوز اعرف ايه المطلوب تغيره بس اللي يجاوب يقوللي ايه نوع وماركة الحاجة وتكلفتها كام علشان زي مانا قولت لسه جديد ومش عايز يضحك عليا لا في النوع ولا السعر حتى الزيوت انا ابيض فيها
ولكم جزيل الشكر

[svneleven]

أسعار و ماركات معرفش الصراحة لكن المفروض تغير زيت الموتور و الفلتر و كل السيور بما فيها سير الكاتينة و ديه بس الحاجات الضرورية. و لو معاك فلوس زيادة ممكن تغير فلتر هوا و فلتر بنزين و طقم بوجيهات و ان كان مش ضروري لكن العربية هتفوق معاك و هتحس بمشيها و جريها الحقيقي. عربيتك جديدة ممكن تستعمل الزيت الي بيعد 10000 كم بيكون بحوالي 290 جنيه بالفلتر و تريح دماغك من تغيير الزيت كل شوية و هيكون أوفر بكتير. أنا معرفش تويوتا بتستعمل زيت ايه لكن أشهر الأنواع موبيل وان و شيل هيليكس. ممكن تروح لبتاع تكييف ينضف الفلاتر و يغسل السربنتينة و ممكن تغسل دورة التبريد و تحط ميه خضرا. الحاجات ديه كلها هتخليك ما تحسش بأي مشاكل بعد كده في العربية. و ألف مبروك و ربنا يكفيك شرها.

[mr_astra]

المشاركة الأصلية كتبت بواسطة svneleven أسعار و ماركات معرفش الصراحة لكن المفروض تغير زيت الموتور و الفلتر و كل السيور بما فيها سير الكاتينة و ديه بس الحاجات الضرورية. و لو معاك فلوس زيادة ممكن تغير فلتر هوا و فلتر بنزين و طقم بوجيهات و ان كان مش ضروري لكن العربية هتفوق معاك و هتحس بمشيها و جريها الحقيقي. عربيتك جديدة ممكن تستعمل الزيت الي بيعد 10000 كم بيكون بحوالي 290 جنيه بالفلتر و تريح دماغك من تغيير الزيت كل شوية و هيكون أوفر بكتير. أنا معرفش تويوتا بتستعمل زيت ايه لكن أشهر الأنواع موبيل وان و شيل هيليكس. ممكن تروح لبتاع تكييف ينضف الفلاتر و يغسل السربنتينة و ممكن تغسل دورة التبريد و تحط ميه خضرا. الحاجات ديه كلها هتخليك ما تحسش بأي مشاكل بعد كده في العربية. و ألف مبروك و ربنا يكفيك شرها.

: 010104~171:

[taha988]

الف شكر للى رد عليا ومتابع اراء باقي الزملاء

[mostafa_elkholy]

العربيه دى سير الكاتينه حديد مش بيتغير غير الفلاتر البوجيهات وسيور كلها ورايح دماغك لمد خمس سنوات عند تجربه والف مبروك وربنا يكفيك شرها