لغز سعر تويوتا كورولا 2007

[hazem_khidr]

لا يروح يجيب مكواه احسن
علي الاقل اجدد منها ب 10 سنيــــــــــــــــــــــ ــــن
مش شايف ان 10 سنين هنا في مصر فرق كبير جدا
و من الغباء اني اشتري عربيه مهما كان موديلها ناجح و موديل قليل بنفس التمن اللي اشتري
بيه عربيه في نفس المستوي و احدث و موديل اعلي

[imagine]

المشاركة الأصلية كتبت بواسطة hazem_khidr معظم العربيات ال 2007 اللي في السوق مع التجار ملعوب في عدادها لو هنتكلم بالعقل عربيه متوسط استهلاكها 20 الف كيلو في السنه و النهارده لو بنتكلم في عربيه استعمالها متوسط تكون معديه ال 100 الف كيلو بالراحه لان اللي جابها قبلك و ركبها لازم هياخد خيرها مش هيجيبها و يركنها جنب البيت علشان لما يبيع طبعا مش كل العربيات كده بس اللي بقوله دا بيحصل بنسبه كبيره بس بصراحه حرام ادفع في عربيه موديل 2007 مبلغ 130 الف ليه يعني؟؟!!!!! ما اجيب جيتا و موديل 2009 كمان بنفس المبلغ و اسمي راكب عربيه تصميم و تقنيه و موتور و ثبات اعلي بكتير من الكورولا اما بالنسبه لانها معدومه الاعطال فعلا هي اعطالها قليله بس مش معدومه يعني برضه طنابير الفرامل كل فتره بتحتاج تتغير و بتبوظ لو العربيه سخنه و اتغسلت !!!! و دا شفتها في تلات عربيات تويوتا كورولا 2004 و كورولا 2007 و ياريس 2006 !!! غير ان البلاستيك الداخلي رغم انه كويس لكن يتقال عليه متوسط او جيد مش ممتاز

الناس فى مصر معاييرهم مختلفه عن اى حد تانى فى العالم و ده شىء يجنن فعلا انا مش عارف الناس دى بتفكر ازاى لما عربيه الشكل القديم و بقالها خمس سنين فى السوق و الناس تطلب فيها 130 الف جنيه هذا عبببببثثث مطلق
العربيه دى قعدت معايا فتره عربيه عاديه جدااا جربت فيها 1300 و 1800 سى سى
نيجى مثلا نقارنها للوحش الكاسر هوندا سيفيك انا قعدت معايا فتره سيفيك 2006
حضرتك لو مربى ضافر صابع ايدك ممكن تسوقها بالضافر و العدادات ديجيتال و قدره مهووووووله على المناوره و بدن قوى جدا نسبة تسارع فائقه نعومه ولا فى الاحلام
افتكر كويس اوى انى اخدت بيها ملف صعب جدا جدا درجته صدقونى قريبه ل 90 درجه على سرعة 130 و سامع المساعد اليمين الامامى عمال يتكتك بصوت مرعب من شدة مقاومة الجذب العكسى على المنحنى ده و بالسرعه دى لدرجة انى اتهيقلى ان العربيه هتتفسخ من بعضها 100 حته و لكن العربيه اطاعتنى رغم كل شىء و بكروز جميل ولا اروع
و عديت المنحنى و كملت طريقى عادى جدا و المساعد زى الفللللل و العفشه 100 فل و اربعتاشر و على فكره انا كنت داخل على المنحى و انا طالع من غرزه يعنى الغرزه كانت شمال و اول ما اخدتها كنت فى قلب المنحنى و اخدت يمين علشان اعديه
السيفيك ولا اروع و رغم كده لو موديل 2006 فى السوق دلوقتى 150 الف و انا فلوسى فى جيبى مينفعش اشتريها لانها بقالها 6 سنين على الطريق اما الاسعار بتاعة المصريين فبجد شىء غريب و ده فى رأيى الشخصى مسمهوش تجاره ده اسمه ملوخيه لعدم وجود هيئه محترمه لرقابة الاسعار و حماية المستهلك بقى كله بيهرس و بيهرى فى ارقام فلكيه ليس لها محل من الاعراب

[yasser mahmmoud]

أنا مقيم في السعودية والكورولا موديل 2007 سعة 1300 مرغوبة بطريقة غير عادية أكثر من الموديلات الجديدة 2008 و 2009و 2010، وأنا كان معي واحدة موديل 2007 وبعتها وندمت ندم عمري لأني عرفت قيمتها بعد ما بعتها، وكانت سيارة غير عادية لا أعطال ولا صرفية بنزين ولا قطع غيار يعني كل جنية يندفع في هذه السيارة مش خسارة.

[helfoll]

المشاركة الأصلية كتبت بواسطة yasser mahmmoud أنا مقيم في السعودية والكورولا موديل 2007 سعة 1300 مرغوبة بطريقة غير عادية أكثر من الموديلات الجديدة 2008 و 2009و 2010، وأنا كان معي واحدة موديل 2007 وبعتها وندمت ندم عمري لأني عرفت قيمتها بعد ما بعتها، وكانت سيارة غير عادية لا أعطال ولا صرفية بنزين ولا قطع غيار يعني كل جنية يندفع في هذه السيارة مش خسارة.

السلام عليكم
أستفسار كورولا 2005 اتوماتيك 1300 سى سى عداد 150 الف كم مطلوب 90 الف جم ياترى السعر مناسب رشة حزام وهل 1300 سى سى بتفرق فى السحب وهل بتفرق ايضا فى التكييف برجاء الرد علشان نفسى اشتريها وايه الفرق بينها وبين 2007 ؟