لغز سعر تويوتا كورولا 2007

[hazem_khidr]

عربيه بحضرتك ببساطه ما اتلعبش فيها طالما كاوتش الفابريقه و داخل علي خمسين الف كيلو

[omoneim]

المشاركة الأصلية كتبت بواسطة JOKER_KLEN طيب حد يعرف حد عندوه تويوتا كورولا 2007 1300 اتومتيك الكاملة للبيع ولا لا عداد قليل وحالتها زى الفبريكا يقولى سعرها يعمل كام حاليا وشكرا

انا عندى تويوتا كورولا 1300 موديل 2007 كامله اتوماتيك (تكيف - سنتر - 4 زجاج كهرباء - مقابض نيكل - تابلوه ولوحه مفاتيح الرجاج ابنوس - صالون تحفة فابريكة - اول يد من الزيرو - بها انذار ووحدات رفع ) عاملة 150000 كم شامبين فابريكة مش رشه غير رفرف خلفى واكصدام خلفى فى التوكيل وليس فى ورشة نتيجة حكة جامدة شويه.
جابتللى 105000 الف من شهرين لكن مارديتش ابيع لانى مش عارف هاجيب ايه وبصراحة الموديل ده مريح جدا جدا جدا وربنا يبارك فيها.
على فكرة احنا عندنا فى الشركه علربيات عامله حوالى 500,000 كم والله اكبر زى الفل

[omoneim]

المشاركة الأصلية كتبت بواسطة hazem_khidr عربيه بحضرتك ببساطه ما اتلعبش فيها طالما كاوتش الفابريقه و داخل علي خمسين الف كيلو

معلش يا حازم انا مش مع حضرتك لأن الكاوتش ال toyo موجود فى السوق وممكن تغيره بس انا لما غيرت لبريدجستون حسيت بفرق كبييييييير وخصوصا ان العربية لا تزحف ولا تصرخ اثناء الفرملة

[hazem_khidr]

بيبان من الترصيص بتاع بلادها برضه علي فكره
و بعدين عندك ميت حاجه
ابسطها طاره الدركسيون و مفتاح النور و عصايه الفتيس و دواسه الفرامل
اي استعمال بيبان عليهم و من الصعب تغيرهم او محو اثار الاستعمال من عليهم

[ramy01011]

كورولا 2007 هنا في الامارات بتتباع اغلي من موديلات 2008 و 2009 يعني الموضوع موش بس في مصر