سؤال لملاك الميجان، ليه بتبيعوها برخص التراب

[خالدخليفة]

ملحوظة ياجماعة بقاس مدى نجاح السلعة اى سلعة فى السوق بمستوى مبيعاتها ولذلك رغم اى راكب نيسان صنى لكن الشهادة لله الهيونداى متفوق فى مبيعاته وانت ماشى فى الشارع اتفرج هتلاحظ معظمها موديلات لهيونداى ومحدش يقوللى علشان رخيص لانك هتلاحظ ملحوظة تانية ان موديلات المرسيدس برضه مبيعاتها كتير وده معناه ان الموضوع ممكن يكون موضووع سعر لكن مش هتستمر هيونداى من سنة 1990 لحد النهاردة بالسعر بس وبعدها اللانسر بموديلاته و ده لانها عربية اخدت شهة لاننا زى م قال احد اخواننا هنا بنسمع بدون منتأكد من دقة المعلومة وانا شخصيا زى كلام الناس كنت هشترى لانسر وفوجئت انها اقصر من النيسان وانا كنت عايز عربية واسعة وهيا تقريبا النيسان اعرض حاجة بسيطة وطبعا الفرق ده خلان غيرت رايى رغم انى كنت متخوف جدا من النيسان و زى موضوع الغاز يعنى انا لما اشتريت العربية اخدتها من معرض السيارات وروحت احولها غاز وعقدونى من موضوع الغاز سنتين كاملين وانا خايف من الغاز لانه بيدمر الموتور وكنت بستعجب ان سواقين التاكس كلهم اجمعو انه بيدمر الموتور رغم انهم مركبين غاو واتااريهم بيكدبو لانهم خايفين على البنديرة واحقيقة انا كنت بدفع شهريا بنزين بس من 2500 جنيه الى 3000 لكن قريت موضوع الغاز هنا فى الموقع ده وغيرت فعلا الغاز ودلوقت بدفع حوالى 500 جنيه القصد من الكلام ده اننا بنسمع بدون منتحقق من دقة الكلام وبعدين عربية ب 160 الف جنيه مطلوب اننا نتعامل معاها على انها هانم بنت ذوات طبعا مع احترامى لاخونا ابو نورا صاحب المثل ده لكن فىى الواقع العملى والزحام الرهيب والطرق السيئة فى مصر يبقى ده معناه تركب العربية دى تروح بيها شغلك وترجع وباقى النهار تحت البيت او المكتب لكن تعمل لها حوالى 7000 كيلو متر شهريا زى حالاتى يبقى هتلعن سنسفيل اللى جابونى من اول شهر ياباشوات دى 160 الف جنيه وموتورها 1600 بيعمل 110 حصان بس يعنى موتور مش جامد موتور النيسان 1600 لكن بيطلع 118 حصان وكلها على بعضها دلوقت بعد م غليت حوالى 93 الف المنيوال و عل فكرة معنى ان الموتور بيطلع 118 حصان يعنى سحبها محترم وفعلا لما ركبت غاز السحب بتاعها قل بنسبة غير ملحوظة خاااالص يعنى بتوصل الى 165 كيلو فى الساعة بالغاز

[nilesmile]

سلام عليكوووووو ... بايوووووووو لو سمحت ادينى رقم تليفونك عاوز اتصل بيك للاهمية و الله
قدامى عربية رينو ميجان 2005 سبورت على 60 الف و عاوز اخد رايك و احكيلك
ما خاب من استشار ......
فى انتظار ردك
جزاك الله خيرا

[nilesmile]

يا رجاله رجاءا انا قدامى ميجان 2005 سبورت على 60 الف فيها كمبيوترات و حاجات معقدة كدا و اللى عاوز يبيعهالى عمللى البحر طحينه ... المهم قطع الغيار و الصيانه ايه نظامها يعنى اتوكل على الله و لا ادور على حاجا تانية
بنتظار الردود

[Payoo]

المشاركة الأصلية كتبت بواسطة nilesmile سلام عليكوووووو ... بايوووووووو لو سمحت ادينى رقم تليفونك عاوز اتصل بيك للاهمية و الله قدامى عربية رينو ميجان 2005 سبورت على 60 الف و عاوز اخد رايك و احكيلك ما خاب من استشار ...... فى انتظار ردك جزاك الله خيرا

بص يا باشا أنا رديت عليك هنا http://www.masrmotors.com/vb/showthread.php?t=17551
وقلتلك

المشاركة الأصلية كتبت بواسطة Payoo من الواضح جدا أنك رجل عاقل وبتحكم عقلك دايما مش عواطفك لانك لو مشيت ورا عواطفك يبقى الميجان أحسن عربيه في فئتتها ولو مشيت ورا العقل والحكمه هاتلاقيها أسوء عربيه في فئتها والفئات الأخرى الأقل منها كمان وكفاية ياراجل إن عربيه واحد جبها وبعد شهر واحد بس عاوز يبعها !!!!!!!! طب بزمتك في حد يلاقي عربيه كويسه (مش هاقول تحفه) ويسبها كده بسهوله ؟ طب هو في عربيه في أربع سنين تخسر اكتر من تلتين تمنها؟ الميجان عربيه سيئه جدا جدا وعن تجربة والحمد لله إن ربنا بعدك عنها

وفي النهاية أنا بعتها بـ53 الف وفيها وثيقة تأمين وكاوتش جديد و كان مافيهاش عطل واحد ومع ذلك اتباعت بتراب الفلوس هو ده توبها في السوق بس تلاقي حد يتدبس فيها ويشتريها

[mahmoud noureldeen]

المشاركة الأصلية كتبت بواسطة Payoo بص يا باشا أنا رديت عليك هنا http://www.masrmotors.com/vb/showthread.php?t=17551 وقلتلك وفي النهاية أنا بعتها بـ53 الف وفيها وثيقة تأمين وكاوتش جديد و كان مافيهاش عطل واحد ومع ذلك اتباعت بتراب الفلوس هو ده توبها في السوق بس تلاقي حد يتدبس فيها ويشتريها

الراجل ده بيكلم صح وانا كلمته قبل كده علشان كنت بشترى ميجان 2006او جوليت 2004 ونصحنى بالجوليت وانا بحمد ربنا انى اتكلمت معاه قبل ما اشترى لان الميجان دى واحد صاحبى خدها ومش هاقول غير ان هو تعب نفسيا وعاوز يبيعها باى طريقة