محتار بين التويوتا كورولا و اسكودا فانتازيا

[muhsamir]

السلام عليكم جميعاً
بصراحة النقاش جمييييل و كان لازم أعلق , و في البداية انا مقيم بالسعودية و عندي سيارة كورولا 2010 أوتو و حبيت أقول التويوتا لا تقارن بالإلماني. لأن أفخم سيارة سيدان في تويوتا و هي الأفالون لا تحتوي على ما تحتوية السكودا مواصفات رفاهية و طبعاً ثبات مع العلم أن كان عندي سيارة أوبل أوميجا 3200 سي سي من قبل و طبعاً ألماني ..

و لكن التويوتا أرخص في قطع الغيار .. سهلة الصيانة ... متوفرة بكثرة ... سهلة البيع ... و الأهم من كل ده أنها لا تخذلك على الطريق في عز الصيف و الحرارة أعلى 42 درجة يعني من الآخر ما راح تسخن و تضرب عليك رأس ماكينة و لا هاتلاقي الفايبر سايح من الحرارة ... و أخيراً

زي ما فهمت من النقاش .. ألماني لو حابب شياكة و بريستيج .. و الفلوس لا تفرق عندك

تويوتا .. لو فلوسك تهمك و سيارة شيك و لكن ليس بمسوتى الألماني

و أولا و أخيراً نحمد ربنا أننا راكبين سيارات مع الضرايب اللي بنفعها دي كلها في بلدنا .. يعني سيارة تمنها 160000 جنيه ده معناه أنك تركب أفالون أو FJ أو تزيد شوية عليهم و تركيب سيكويا أو برادو .. طبعا في دول الخليج ..

أحنـــا ملوووووك

[ياسرأبوعاصي]

انت بتقارن ايه بايه ...حراااااااااااااااااااا اااام عليك ...كرولا بلاتيك من الداخل عن تجربة وخاصة من موديل 2008 الي 2011 حرام عليك تدفع فيها جنيه .... احنا هنا في الخليج الناس بدأت تفكر في بديل عن تويوتا بعد الحوادث الضخمة اللي بتعملها وعدم الاتزان والشكل حقير لابعد حد مقارنة بالسفيك او السكودا ...الاسكودا الماني ( تشيكي - بالاحرى ) وغاية في الامكانيات والثبات وركوبة مش اي كلام ...حرام عليك تحط مقارنة او حيرة بين سيارتين مفيش وجه مقارنة ..انا بكلمك عن تجربة للاتنين والله ...

[ahmed yasser]

طبعا الكورولا احسن وبالذات 2011علشان جاية من اليابان ومعروف عن التويوتا المتانة والقوة

[muhsamir]

شوفوا يا شباب بعد اللي عملته شركة كيا و من بعدها شركة هيونداي في مواصفات السيارات الناس فعلاً بدأت تفكر في إن تويوتا قوية و لكن بمواصفات التسعينيات من القرن الماضي بس لازم نأكد إن الألماني مش من السهل التعامل معاه أو صيانته في ورش كتيير و كمان مراكز صيانه بتهرب من السيارات دي برفع أسعار صيانتها لأنها كمبيوتر و كل شيء فيها إلكترني و لو فيها مشكله ممكن تأخد وقت يومين و يمكن أكثر عشان يعرف هي أيه لمشكله . أما الياباني هي خمس دقايق يبقي الياباني أفضل لأني ممكن أستغني عن شوية مواصفات في مقابل الرفاهية و تعقيدات الألماني . و كمان أسعاره ....

[tham1010]

يا جماعه السكودا فنتازيا 102 حصان ( المنيول تعمل 155 الف)
الكورولا 122 حصان ( المنيول تعمل 147 الف)

الإختلاف فى الكمليات:::: شوفوا الفرق

التيوتا كورولا::
تكييف هواء اوتوماتيكى – راديو سى دى – مصابيح ضباب امامية – عجلة قيادة الية المؤازرة – عداد اوبتيرين – محول 6 اقراص – نظام فرامل مانعة للانغلاق – غطاء المحرك – نظام وسائد هوائية للركاب والسائق – نظام انذار فى احزمة الامان – نظام شد مسبق لاحزمة الامان الخلفية – ضوء خلفى علوى للفرامل – نظام فتح واقفال النوافذ بلمسة واحدة – قفل حماية للاطفال - نظام انذار عند السرقة – الغلق المركزى – مقبض ناقل للحركة مكسو بالجلد – نظام المفتاح الذكى – مثبت السرعة – تعتيم اوتوماتيكى – رشاشات للمصابيح الامامية – مساحات اوتوماتيكية – مصابيح زينون

سكودا اوكتافيا
سنتر لوك بالريموت كونترول مع مفتاح سيارة فولدر - فتح غطاء الشنطة الخلفية و غطاء تنك الوقود بالريموت كونترول - زجاج كهربائي و بالريموت و تأمين للاطفال - ضبط المرايات بالكهرباء مع خاصية تعتيم اوتوماتيكي - مثبت سرعة - عجلة قيادة متعددة الوظائف جلد طبيعى - تجهيزات تليفون - اربعة سماعات اضافية - تكييف - ام بي 3 راديو سي دى سيوينج - مصباح للقراءة بالمقاعد الخلفية - ضبط ارتفاع كرسي السائق - كومبيوتر متعدد الوظائف لقياس الوقت و متوسطات السرعة و استهلاك الوقود اثناء الرحلة - باور استيرينج كهربائى - درج الكونسول و التابلوه مجهز بخاصية تبريد المشروبات - شاشة بيانات الكترونية بلوحة العدادات - ضبط مستوى عجلة القيادة باربعة اتجاهات - صندوق بين الكراسي الامامية / به مسند يمكن ضبط ارتفاعه - مؤشر عند فتح الابواب بلوحة العدادات - خاصية طى المقعد الخلفى - حامل نظارة - مؤشر لضغط الهواء بالاطارات - فوانس شبورة - غلق مصدر الوقود عند التصادم - ايموبلايزر للحماية و تامين السيارة ضد السرقة مع اظهار رقم الشاسيه بالزجاج - تصفيح اسفل المحرك - فوانيس امامية شفافة مقاومة للكسر - الفرش الداخلى جلد طبيعي (اسود او بيج) - جنوط سبور - وصلة اى بود - حساسات مطر