يعني ايه حساس الانجكشن وايه فايدته

[احمد على 1999]

المشاركة الأصلية كتبت بواسطة خالد مكاوى هما اكيد فكوا فلتر البنزين عشان قالو انه ممكن يقعد 10 الاف كيلو كمان كشفوا عليه يعني فهل ده ممكن يكون السبب؟؟

طبعا لو الى فك مراعاش النظافة فممكن يدخل وساخة للخرطوم الى مودى على الرشاشات
بس ذى ما قال الاستاذ atgps ان برضة مش مستاهله تغيير كانت ممكن تتنظف

[خالد مكاوى]

المشاركة الأصلية كتبت بواسطة atgps الأستاذ خالد من الواضح من وصفك المشكلة انها من الانجيكتورز ولكن الـ idle sensor ولكن لايمكن دخول أى شوائب له من الخارج الا لو اتفك بره وعلى فكرة حتى لو دخلت شوائب به فيمكن تنظيفه، أما تغييره فهو فى حالة وجود مشكلة ميكانيكية أو كهربائية فيه وده برضه مستبعد حسب وصفك للمشكلة.

هما قالوا انهم نضفوه وكل حاجة واشتغل ورجع علق تاني هو عبارة عن قطعة صغيره فيها عمود رفيع بيخرج ويدخل عشان العربية متبطلش وتحافظ علي عدد الار بي ام علي 900 وهي واقفة فازاي المشكلة الميكانيكيه دي هتبوظ يوم ما راحت التوكيل ده اللي انا مستغربله اوي وحاجة كمان كان عندي لمبة الحزام فالتابلوه منورة بعد الصيانة دي انطفت فقلتلهم كانت شغالة قالولي انها عايزة تتغير وتكلفتها 50 جنيه مكلمتش وخدت نفسي ومشيت بعد ما دفعت تمن الحساس ده وقبله الصيانة بجد مش لاقي تفسير مقنع لكل ده

[atgps]

المشاركة الأصلية كتبت بواسطة خالد مكاوى هما قالوا انهم نضفوه وكل حاجة واشتغل ورجع علق تاني هو عبارة عن قطعة صغيره فيها عمود رفيع بيخرج ويدخل عشان العربية متبطلش وتحافظ علي عدد الار بي ام علي 900 وهي واقفة فازاي المشكلة الميكانيكيه دي هتبوظ يوم ما راحت التوكيل ده اللي انا مستغربله اوي وحاجة كمان كان عندي لمبة الحزام فالتابلوه منورة بعد الصيانة دي انطفت فقلتلهم كانت شغالة قالولي انها عايزة تتغير وتكلفتها 50 جنيه مكلمتش وخدت نفسي ومشيت بعد ما دفعت تمن الحساس ده وقبله الصيانة بجد مش لاقي تفسير مقنع لكل ده

أستاذ خالد لو كان اللى انت شفته ده وغيروه لك


أو ده


يبقى هو اللى أنا قلتلك عليه Idle Sensor وفى احتمال يكون وقع منهم بعد ما فكوه لتنظيفه مع أنك لم تطلب منهم ذلك، على العموم خلى بالك المرة الجاية أو غير مركز الخدمة وروح اللى جنب مسرح البالون، ومدير الصيانة هناك راجل محترم جدا

[خالد مكاوى]

المشاركة الأصلية كتبت بواسطة atgps أستاذ خالد لو كان اللى انت شفته ده وغيروه لك أو ده يبقى هو اللى أنا قلتلك عليه Idle Sensor وفى احتمال يكون وقع منهم بعد ما فكوه لتنظيفه مع أنك لم تطلب منهم ذلك، على العموم خلى بالك المرة الجاية أو غير مركز الخدمة وروح اللى جنب مسرح البالون، ومدير الصيانة هناك راجل محترم جدا

ايوة هو تاني واحد اللي لونه اسود بالظبط كده طيب هل فعلا سعره كده؟؟
بخصوص مركز الخدمة فانا بحب الفرع ده جدا لوجود الباشهمندس طارق هناك والمهندس محمد عبد العال ناس قمة فالاحترام بس انا اشتكيتله ومستني يرد عليا ان شاء الله
معلش سؤال اخير هل ال ايدل سنسور دا بيفرق فالخليجي عن المصري اصل اللي اعرفه ان الخليجي بيفرق عن المصري في مجموعة الانجكشن فهل ده ممكن يأئر علي سحب العربية اصلي حاسس ان سحبها مبقاش زي الاول كمان التكييف كان لما جبت العربية كان زي الفل ولما غيرت السربنتينه فالتوكيل حسيت ان في فرق عن اللي كان فالعربية؟ ومعلش تعبت حضرتك معايا والف شكر لحضرتك

[احمد على 1999]

رد رائع يا استاذ atgps
ال IDLE AIR CONTROL VALVE سعره غالى فعلا لانه فى اللانوس مش اقل من 250 جنيه فطبيعى فى اللانسر يبقى معدى الالف و كمان انت بتتعامل مع توكيل
بس زى ما انت توقعت ده مستحيل يبوظ لوحده بالصدفة وقت الصيانة
انا مقتنع بتحليل atgps انه وقع منهم على الارض
الصراحة انا كده شكيت فى حاجات تانية اتعملت غلط
ممكن سير الكاتينة مرحل سنة ( ده ياثر على السحب )
لان ال IAC حيأثر على السلانسيه
و شاكك ان لمبة الحزام مش محروقة اتاكد من السلك و الفيشة بتاعة الحزام معرفش حتبقى باينة من تحت الكرسى و لا لأ
و موضوع سربنتينة التكييف اكيد فى فرق ما بين المواصفات الخليجى و المصرى ده الى سبب الفرق فى كفائة التكييف