يا وحوش اللانسر عايز رأيكم سريعا

[mahranahm]

المشاركة الأصلية كتبت بواسطة hazem_khidr اهلا و سهلا استاذ محرم اطلب بس من حضرتك انك تهدا قليلا لان الرد علي الموضوع بيحتاج وقت و مش كل الناس فاضيه ترد اكيد فيه ناس وراها اشغال مافيش حاجه اسمها بليه التكييف تعطله عن انه يشتغل لو فيه بليه في الكمبروسر حيشتغل عادي و العربيه حتسقع بس حيبقي فيه صوت زيها زي بليه طلمبه الميه و بليه الدينامو لحد ما تقفش خالص تقوم معطله الكمبروسر علي بعضه يبقي انت كده لو البليه عاوزه تتغير يبقي المفروض التكييف يكون شغال لو التكييف مش شغال يبقي كده الكمبروسر بالسلامه وايه عرفه ان الردياتير عاوز يتنضف؟؟ و ما نضفوش ليه قبل ما يبعها طالما ناوي يبيع؟ و هل العربيه بتسخن؟؟ عموما اعمل حسابك في ردياتير جديد يعني ايه كبالن مش شغاله الكبالن هي المسئوله عن نقل الحركه من الات الجر الي العجلات الاماميه يعني لو مش شغاله العربيه حتقف مش حتمشي ممكن تكون بايظه و بتطق طق اوك و بكده تبقي عاوزه تتغير. من رأيي شوف العربيه و اعرضها عند اي حد فاهم يقولك اللي فيها و يقولك الاصلاحات دي تتكلف كام. و انا مش حقدر اتكلم في سعرها او تاخدها ولا لاء لاني ببساطه ما شوفتش العربيه و ما اقدرش احكم عليها من غير ما اشوفها

استاذ حازم بعد صباح الخير متشكر جدا على الافادة العالية فى ردك على سؤالى
بس على فكرة انا اسمى مهران مش محرم
وانا على فكرة مش هيبر اوى بس انا بحب عمتا الهزار والفكاهة عالعموم لو اسلوبى دايقك يا سيدى تقبل اعتزارى
وانا سعيد بمعرفة شخصية محترمة زى حضرتك
وبالنسبة للمشاركة بتاعتى فعلا زى مبعض الاعضاء قالوا انا معنديش خبرة فى العربية دى ولا فى اى عربية تانية لانى انا معنديش عربية اصلا بس عايز اجيب عربية ودا من حقى ومن حقى كمان لما يكون عندى اخوات زيكم اسألهم ويجاوبونى صح انا الكلام الكتبتوا هوا الكلام الصاحب العربية قالهولى على الاميل وعلى فكرة انا اسكندرانى وهو من القاهرة وانا معرفش حد فى القاهرة عشان كدة حبيت اسألكم على حساب انا قولت لانسر موديل 90 ب 28500
يا سلام يا واد يا مهران صبرت ونولت لكن واضح ان الموضوع باظ خالص
عالعموم برضة متشكر جدا وانا بعتذر لتانى مرة على الهيبرة الانا فيها

[mahranahm]

المشاركة الأصلية كتبت بواسطة محمد فيصل نصيحه هامه: الموديل قديم نسبيا ابحث عن م 99 فما فوق حتى تستمتع بالعربيه بدل ما تبقى رحله عذاب عند الصناعيه اخيرا سعر العربيه المعروضه عليك بما فيها من عيوب لا يتعدى 25 الف

متشكر يا استاذ محمد على الرد
بس انا مقدرش على موديل 99
اظن ان ثمنى عالى اوى علية
وانا بتكلم فى مبلغ من 25000 الى 30000 عالعموم متشكر جدا

[mahranahm]

المشاركة الأصلية كتبت بواسطة aymanay32 ابعد عن العربية دى السبب الاول ان العربية سعرها كثير كدة السبب الثانى واضح ان فيها شغل كثير و محتاجة مصاريف كثير جدا لان الجواب بيبان من عنوانه و دى بداية عنوانه السبب الثالث يبدوا انك مش فاهم فيها كويس و هتقع وقعة جامدة

يا عم ايمن هو انت شوفتنى اشترتها انا على فكرة مش متسرع ولو مش حاطط ايدى فى المية المالحة عشان البحر بتاعنا بم اننا اسكندرنية
عمرى محشترى العربية خالص
عالعموم متشكر على الرد الجميل وتقبل منى هذة الابتسامة )

[hazem_khidr]

ولا يهمك يا استاذ مهران و اسف علي سوء الظن