حصري وتحدي وقبل الجميع وفقط علي ارض الابداع ايمجراند 7 من جيلي غبور

[عصام الجارحي]

المشاركة الأصلية كتبت بواسطة mms كل الشكر والتقدير للاخ الفاضل والعضو المحترم الاستاذ : عصام الجارحى . رغم اختلاف الاراء. الا اننا يوحدنا حب هذا الوطن الغالى . لك منى ولكل اعضاء المنتدى كل الحب والاجلال .

يا اخي العالي
لو كل واحد فينا اتعلم اته زي ما من حقي اني اتكلم يبقي من واجبي اني اسمع كلنا هنرتاح
انا معرفكش ولا انت تعرفني لكن لسانك يدل علي شخصيتك وكذالك لساني يبفي لية اظهر نفسي امامك اني مش محترم( طبعا انا لا اقصد احد انا اتكلم في العموم)
هدفنا واحد حتي وان كانت طرقنا لييست واحده ولكن في النهاية لازم نساعد بعض لاننا في النهاية ملناش الا بعض والعدو متربص وهزيمتنا في فرقتنا لو عايز تهزم اي قوة فتتها هتبقي قوي وساعتها هتقدر تهزمها يعني الهزيمة بتبدء بالتفتيت وهو دا اللي احنا عايشينه الايام دي ( والله ما بتفلسف لاني شايف ان دي الحقيقة واللي مش شايف يبقي محتاج يقصل نضارة علشان يشوف)
المهم مهمتك تجيب خبر العربية دي
انا من بعيد مش هقدر ابحث عنها علي الطبيعة
عايزين نشوف هي ولا الجاك علشان نرسي ونشتري.......اذا كنا هنشري اصلا ....هههههه

[baba mohamed]

الأخ الفاضل / عصام الجارحي
تحياتي الطيبة
أود شكرك من جزيل قلبي على إطرائك الأكثر من رائع لي وهذا يدل على سمو أخلاقك بارك الله فيك.
التقرير أكثر من رائع ،وأود شكرك على المجهود الكبير ، وعلى فكرة أنا كنت مستعجل في شراء سيارة جديدة ولكن نصيحتك لي جعلتني أتأنى في الشراء حتى يستقر موضوع الإيمجراند ونعرف كل حاجة عنها ، فلك كل الشكر على النصيحة الطيبة وعلى مجهودك الوافر أدعو الله لك بموفور الصحة وتمام العافية وجزاك الله عنا كل خير .

أنا دخلت الموقع ووجدته أكثر من رائع ، ولكن لي ملاحظة على الأبعاد الخاصة بالسيارة ووجدتها بالموقع كما كتبتها أنت في التقرير هكذا:

الطول الخارجي الكلي الطول X العرض X الارتفاع (ملليمتر)4635 X 1789 X1470
وأظن أن هناك خطأ ، والصح هو:
الطول:4635
العرض:1789
الارتفاع:1470
فهل توافقني؟
وشكرا لك مرة أخرى.

[عصام الجارحي]

المشاركة الأصلية كتبت بواسطة baba mohamed الأخ الفاضل / عصام الجارحي تحياتي الطيبة التقرير أكثر من رائع ،وأود شكرك على المجهود الكبير ، وعلى فكرة أنا كنت مستعجل في شراء سيارة جديدة ولكن نصيحتك لي جعلتني أتأنى في الشراء حتى يستقر موضوع الإيمجراند ونعرف كل حاجة عنها ، فلك كل الشكر على النصيحة الطيبة وعلى مجهودك الوافر أدعو الله لك بموفور الصحة وتمام العافية وجزاك الله عنا كل خير .

كلنا في مركب واحد استاذي محمد
انا في نفس حيرتك بالضبط ولما كان فيه اخبار عن قرب نزول هذه العربية قولت استني علشان ملومش الا نفسي لو اسات الاختيار
وبعدين الشراء هيكون اخر هذا الشهر ان شاء الله علشان كدا انا بتدلع شوية حتي تجهز الجنيهات ساعتها هنزل اشتري علي طول واخلص بقي من هذه الحيرة بس محتاجين نشوفها علي الطبيعة علشان يا هي يا الجاك ان شاء الله
وعلي فكرة انا عندي 37 سنة بس لي اخوة في سن حضرتك ايضا
والامر مطروك لحضرتك ابن اخ زي ما تحب

[baba mohamed]

الابن والأخ الحبيب / عصام الجارحي
بارك الله فيك وأكثر من أمثالك وأنا حقيقة لم أعلم سنك من قبل ولكن أنا لي أبناء سنهم قرب سنك حيث انجبتهم وأنا صغير في السن لذا أعتبرهم اخوتي واصدقائي وأرجو أن تكون لي كذلك بارك الله فيك ، وأرجو أن تطلع على ردي السابق عليك حيث لأضفت فيه ملاحظة أرجو أن تتابعها وترد عليا ، وتقبل جزيل شكري وتقديري

[عصام الجارحي]

وأظن أن هناك خطأ ، والصح هو:
الطول:4635
العرض:1789
الارتفاع:1470
فهل توافقني؟
وشكرا لك مرة أخرى.
تمام
هو فيه لغبطة شوية علي الموقع علشان لسة جديد وانا اخدت الكلام كوبي وباسط
وقاعدة العجلات 2650
خد الرابط دا مني لك
جميل وفيه معلومات حلوة
هي تقريبا الفئة الاولي وغبور مزود كمان في الكاماليات
بس شغل الترجمة علي جوجل كروم
وانا تحت امرك في اي شئ ويشرفني طبعا