خطاب عاجل ونصيحة للرئيس مرسى (سيب الكرسى)

[سيف الدين سعيد]

المشاركة الأصلية كتبت بواسطة Eng/salwa السلام عليكم و رحمة الله و بركاته اشكرك على ذوقك وبكون مبسوطة عندما اجد كلامى و هدفى وصل لاحد لاننى يعلم ربى اننى اتكلم بصراحة وبخوف على بلدى ولم ادارى شخصيتى او بيناتى لاننى لا اخجل من نفسى فى شئ ولا اعمل او اقول الا ما يمليه ضميرى وكثير من أعضاء المنتدى المحترم تقابلت معهم انا و زوجى و اولادى يعنى لست شخصية بقناع الحمد لله لا مانع عندى من نشر كلامى فى اى مكان وياريت لو ترسل لى رابط الموقع وعندك حق فى ان الجدال و السفسطة تتعب كثيرا ولكن لو مناقشة لوجه الله تعالى يبقى ربنا يجعلها فى ميزان حساناتنا جزاك الله خيرا على مداخلتك

يا باشمهندسه كل التقدير والإحترام لشخصكم الكريم وان كنت بالفعل شعرت من خلال كلامك انك حريصه على الصالح العام لمصر .
شوفى ا اختى الغاليه الكريمى واسمحيلى اشرف باخوتك ليا .
انا لست اخوانيا ولست سلفيا وانما اعرف من دينى ما علمنى أهلى وربنا يكرمهم به . وما تعلمته من خطب الجمع وفقط . ولكنى ادعم رئيس مصر لمصر . وانا لا اؤيد اى لص او حرامى او مجرم او فاسد ممن اغتصبوا مصر وسرقوها ونهبوا خيرها على مر سنوات كثيره ليس حقد ولا كره لهم وانما ثأرا لمعشوقتى مصر الغاليه جدا عندى . ولا أؤمن فزاعة الأخوان كما يشاع وكما يرهبون به المصريين . فعلى مدى الفتره الماضيه أخذت الشائعات والقصص الخرافيه عن أمنا الغوله ( جماعة الأخوان ) أخذت من تسليط الأضواء عليها أكثر مما فعلوه فعليا وما حدث من غيرهم من أخطاء على مدى أعوام مضت . كما الصقت بهم الكثير من التهم من اعداء نجاح مصر من عملاء الدوله العميقه الذين الصقوا بهم التهم والأخطاء المدبره لكى يثيروا ضدهم الرأى العام ويحشدوه ضدهم .

[سيف الدين سعيد]

http://www.facebook.com/#!/
المفروض ده رابط . بس انا مش عارف حايشتغل والا لأ .

[Eng/salwa]

السلام عليكم
ده الفيس عموما
بس المفروض حضرتك تاخد كوبى من صفحتك شخصيا
ممكن تكتب لنا اسمك على الفيس ايه
او ال e mail لك على الفيس

[سيف الدين سعيد]

المشاركة الأصلية كتبت بواسطة Eng/salwa السلام عليكم ده الفيس عموما بس المفروض حضرتك تاخد كوبى من صفحتك شخصيا ممكن تكتب لنا اسمك على الفيس ايه او ال e mail لك على الفيس

halo saif
halo_of_moon@hotmail.com

[danoora]

المشاركة الأصلية كتبت بواسطة Eng/salwa السلام عليكم و رحمو الله و بركاته الاخت الكريمة واضح من لهجة حوارك انك سيدة وعندما دخلت لملفك الشخصى لم اعلم معلومة عن سنك او عملك انا بمنتهى الصراحة ملفى الشخصى كل معلومة به صحيحة 100% وده اسلوبى منذ تسجيلى بالمنتدى انتى تكلمتى معى ب سوسو و سلوى وانا لا اعلم عنك شئ ولا حتى اسمك و سنك علشان اعرف اتكلم معاكى وبصراحة بكون متحفظة جدا فى مناقشاتى مع من لا اعلم عنه شيئا ومع ذلك بما انك عاوزة تتناقشى بعقلانية فشواهد التشدد واضحة زى الشمس وانا لا احب التشدد بالرغم من اننى و الحمد لله مسلمة و ملتزمة ومنتقبة و لكنى لا أرغم احد من طالباتى بالجامعة على لبس حجاب او نقاب فى مناقشة أليس واضح امامك اختى الكريمة سيطرة حزب النور والحرية و العدالة على معظم المناصب اليس واضح المناقشات و السفسطة التى لا وقت لها فى سن زواج البنات اليس واضح سيطرة فصيل واحد عى اللجنة الدستورية و مجلسى الشعب و الشورى اليس واضح الاسلوب الهجومى من البعض فى مناقشاتهم على الملا بالتليفزيون و التنابز بالالفاظ ويعتبرون انهم دائما الصح و خلفاء الله فى الارض و يحكمون بالكفر فى تشدد واضح أين المناقشات التى كان ينتظرها الجميع ليه لم يركزوا على المحاكمات المنسية فين إعادة محاكمة المخلوع اللى اتوعدنا بيها فين تخفيف الضغوط على المواطن الغلبان اللى مش لاقى لقمة العيش و انبوبة البوتاجاز ماشى بنقول لازم نصبر لان الفترة صعبة بس بقه ما يبقاش فى المقابل عمالين نناقش قضايا خايبة طيب ليه لم تغلق قناة التت مثلا حتى الآن وأغلقت الفراعين و دريم وعلى فكرة انا لا ارتاح و لا اقتنع بكلام توفيق عكاشة و لا وائل الابراشى ده مش دفاع عنهم بس انا بقول مثال صغير عن التناقض فى النهاية انا انتخبت د/مرسى وكان مستحيل انتخب الفريق /شفيق بس انا اضع نفسى مكان فصائل الشعب المختلفة مسيحين - مسلمين - ليبرالين أى فصيل كلنا (مصريين) الخلاصة اللى عاوزة اقوله انا ضد سيطرة تيار واحد على كل شئ برغم اننى ممكن تعتبرينى مسلمة معتدلة لا تحب التشدد فديننا دين الوسطية ولا احب التصنيف سلفى - اخوانى - ليبرالى وخلافة لا احب سوى ان نكون كلنا مصريين بالنسبة للمقاطعة فأنا معها بقوة طبعا و هتلاقى كتيييير مننا كمصريين معها بس مش ده التشدد التشدد شوفيه حوالينا وربنا يستر لا يزيد حتى لا تنفر الناس امتر من كده وحتى انا مع الاصلاح الاخلاقى للبلد و التليفزيون وخلافه بس تدريجى تدريجى تدريجى مش هنعرف نصلح البلد اخلاقيا فى حاجات معينه بالهجوم الشرس و الشتائم انما بالحكمة و الموعظة الحسنة و الاسلوب المتحضر فى المناقشات و ان اختلفنا:00db9337ef155724e 76 :w6w2 00504112257276b

اولا انا اسفة يا م/ سلوي على تبسطي معاكي في الحوار كان اعتبارا مني ان احنا كلنا اخوات و مانتبهتش ان حضرتك مهندسة ولازم احتفظ باللقب في الحوار
ثانيا انا مش حاطة كل معلوماتي الشخصية عشان هي ببساطة شخصية و كتير بشارك في المنتديات و ماكنتش ملزمة ابدا اني اوضح سني و عنواني و تاريخ ميلادي و زواجي و دراستي وووو .. الا لادارة المنتدى..
ثالثا.. عشان خاطر حضرتك انا دنورة عندي 26 سنة طالبة في كلية تربية جامعة الاسكندرية..
رابعا .. ظواهر التشدد اللي حضرتك تفضلتي بذكرها ..
أ- سيطرة حزب الحرية و العدالة و حزب النور على اغلب المناصب :
مااظنش انهم مسيطرين على شئ غير البرلمان و التأسيسية .. الاول جاء عن طريق الانتخابات و صناديق الاقتراع اللي صوت الاغلبية و الثانية طبيعي جدا لانهم الاغلبية في البرلمان لان هي دي وظيفة البرلمان التشريع
ب-مناقشة مواضيع تافهة:
موضوع سن الزواج من الموضوعات اللي تمت مناقشتها اثناء وضع الدستور مش فجأة طلعت في دماغهم و الدكتور احمد غانم عمل بحث في الموضوع ده ان في ولايات امريكية السن القانوني للزواج 14 و 15 و16 و لما الاسلاميين اعترضوا اعترضوا على تحديد سن معين للزواج ماقالوش ان البنت لازم تتجوز و هي عندها 9 سنين لان الامر ده بيختلف من مجتمع لآخر
جـ- نفس الاجابة أ
دـ الاسلوب الهجومي موجود لدى الطرفين و ان كنت ارى انه في التيار الديني اقل حدة عن التيارات الاخرى ووجوده سمة طبيعية للاسف في السياسة .. و مع ذلك لازم يكون في طريقة مهذبة للحوار و انا شايفة انه التيار الديني ملتزم بالموضوع ده.. وموضوع التنابز بالالقاب موجود لدى الطرفين و ان كنت اعتب على التيار الديني اكثر في الموضوع ده لانهم تيار ديني .. لا اظن انه برضه موجود بكثرة على حد علمي شخصية واحدة او اتنين بالكثير الشيخ اللي تجاوز مع الهام شاهين و شخصية اعلامية تانية.. موضوع انهم خلفاء الله .. الصراحة مع كامل تقديري ليك يا باشمهندسة عمري ماشفت حد بيقول انا خليفة الله او مايشبه كده من قريب او بعيد و موضوع انهم صح و غير غلط .. كام فصيل سياسي شوفتيه حضرتك بيقول لا و الله انا غلط و غيري الصح
موضوع التكقير ده اللي غريب قوي .. كل شوية يتقال الاسلاميين بيكفروا الناس .. حضرتك قوليلي مين اتكفر قبل كده
على حد علمي ان عمر اديب و غيره ماشي في سكة التكفير دي كويس..

المحاكمات هاتتعاد و تقريبا لسه البيان صادر مش من زمان ومع كده الناس زعلانة
تخفيف الضغوط على المواطن عن طريق مجلس شعب مقوض و مخنوق من مجلس عسكري و من ناس مش عاوزة تديله اي صلاحيات .. غير ان اهم مهمة مفروض للبرلمان هي التشريع
و لو قفل قناة التت هتترفع دعوى انها مافيهاش حاجة تخل بالآداب اكتر من اي فيلم عادي بيعرض في اي قناة عادية و اكيد كلي امل في الدستور الجديد ان تتحط فيه مواد اكثر جدية في التعامل مع الامور المخلة بالآداب

انا اسفة جدا على الاطالة .. و انا سعيدة ان حضرتك حد بيحترم الدين في كلامه و حاسس بأهميته في حياتنا .. وخوف حضرتك على البلد و تقبلي مني كامل الاحترام و التقدير