عاوزين نلاقى حل لبتوع الموتسيكلات والله حرام عليهم؟

[Hasoumi]

المشاركة الأصلية كتبت بواسطة samihanwar وانا راكن امبارح لا بيا ولا على لا قيت واحد حمار سايق الموتسيكل وماشى عكس الاتجاه راح حاككلى أكصدام العربيه من ورا وانا للأسف بفكرو يادوبك سند على العربيه بايدو واأتريه حكلى الاكصدام وانا ما شوفتوش غير اول ما روحت اصلو مشى علاطول ولا كأنو عمل حاجه بصراحه حاجه تخنق؟ ده أنت بتلاقى الواحد من دوول سايق الموتسيكيل أكنو سايق دبابه وماشى بمبدأ اللى خايف على عمرو يوسعلى. بس أنا خدت قرار أمبارح انى لما ألاقى واحد من الكلاب دول بيسطعبط على مش هيهمنى وهديلو شلللللللوط بالعربيه بدل أنا مش غلطان ويورينى حيعمل ايه؟ ده أنا من ساعه الثوره مبعملش حساب غير للجزم اللى سايقين الموتسيكلات بالذات الموتسيكلات الصينى عشان يقعدو يعملو غرز حلو ويروشو الواحد واصلا الشارع ما بيكونش مستحمل واحد يمشى على رجلو. حسبى الله ونعم الوكيل أصل دى مش أول مره وسامحونى على الأطاله

يمكن يرى البعض ان كلامك مبالغ فيه , ولاكن حدث لى مواقف مستفزه مع المتسكلات , و بيعملوا راسهم براس العربيات و بيعملوا غرز على سرعات عاليه , و سبب فى حودث و يخبطوا و يجروا كأن مفيش حاجه حصلت , و المهم ان هما الخسرنين حياتهم لو طرف العربيه لمسهم , و لذالك ارى ان تتجاهلهم لان الى بيعمل منهم كدا غير مميز و اقل من انك تهتم بيه , انا شخصيا" بتجنب المتسيكلات و الصفيحه الزرقه (الى بيطلق عليه البعض ميكروبص) , يعنى سبهم يعدوك و ريح دماغك .

[LaNd_DrEaM_LoVe]

يا جماعة براحة شوية احنا ناس متعلمة اكيد الناس دية حتى لو بلطجية دول ناس برضة وبنى ادمين
والعيب مش عليهم لوحدهم .. فين دور المرور والرقابة عليهم ... دة السبب الاساسى فى انتشار الفوضة سواء موتو او تكاتك مش مرخصة ومفيش لجان على الطرق السريعة
والافضل الكل يعمل زى الناس اللى قالت فوق وانا عن نفسى بعمل كدة لما بلاقى موتوسيكل ماشى بهدى سرعتى خالص وافضل اضرب كلكسات لحد لما تيجى فرصة اعدى منة بمسافة كبيرة لانهم بيمشوا للاسف ف نص الطريق وتضرب كلكسات ميبعدوش يحسسوك انهم طايرين وانت مهما دوست بنزين مش هتجبهم
بس ارجع واقول الغلط مش عليعهم لوحدهم ... ومننساش برضة واحنا بنتكلم وبنعلق اننا بنعلق على بشر وبنى ادمين ليهم حقوق حتى لو هما مش بيحترموا الواجبات اللى عليهم ... مفرود نوصل صوتنا للامن اللى هوة ((( غااايب ))) عن الشارع المصرى

[احمد سويلم]

لما كنت لسه شارى العربيه جديده زيرو ونزلت اجيب علبه سجاير وولعت سيجاره وانا واقف ساند على العربيه برااا عشان ريحه الفابريكا متروحش

وانا عمال بنفخ هووووف .... هوففففف
اتنين راكبين موتوسيكل وانا واقف ساند على العربيه

متعرفش اللى ورا زغزغ اللى قدام او اللى قدام قفش فى اللى ورا
المهم اخدولى جنب الشمال بتاع العربيه حك ووقعوا على العربيه هما الاتنين

طبعا نزلت مسحت بكرامه اهاليهم الارض وعملت مشكله واخدت منهم 100 جنيه بعد مأخدت الموتوسيكل رهينه لغايه لما يروحوا يجيبوا ال100 جنيه وييجوا

المهم انا كنت كده كده هرش لان العربيه كانت زيرو وكنت ناوى طبعا أرشها اصفر عشان تشتغل اجره