العودة   مصر موتورز مجتمع السيارات > سوق السيارات فى مصر موتورز > تأجير السيارات

تأجير السيارات خاص بمعارض تأجير السيارات ومايتبعها من استفسارات وموضوعات


إضافة رد
 
أدوات الموضوع
  #6  
قديم 13-09-2010, 11:33 AM
SHERIF MARLBORO SHERIF MARLBORO غير متواجد حالياً
من انا؟: /طالب!/سائق
التخصص العملى: علوم الحاسب الالى و نظم المعلومات
هواياتي: الكمبيوتر التأمل حب الجمال
 
تاريخ التسجيل: Apr 2010
الموقع: اسكندرية
المشاركات: 751
SHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond reputeSHERIF MARLBORO has a reputation beyond repute
افتراضي رد: استفسارات عن ايجار السيارات(خاص وحصرى لمصر موتورز )

شكرا على الموضوع المفيد بس لى سؤال ايه سر العلاقة العكسية بين مكسب كتير و العربية بتبهدل
انا مقتنع انى الطمع قل ما جمع
لكن افهم ازاى لو طلبت ايجار سعره حلو ليا و للمكتب هيعامل العربية افضل من لما اكون باخد منه ايجار كبير؟ولا بتفرق ازاى؟
__________________


الحلم
رد مع اقتباس
  #7  
قديم 19-09-2010, 01:52 PM
د. ضياء ناجى د. ضياء ناجى غير متواجد حالياً
 
تاريخ التسجيل: Sep 2010
المشاركات: 11
د. ضياء ناجى is on a distinguished road
افتراضي رد: استفسارات عن ايجار السيارات(خاص وحصرى لمصر موتورز )

فى نقطه انت نسيتها بالنسبه لموضوع ان الواحد يكسب ف الاخر وميكونش طماع

انا اتفقت مع واحد قاللى هاخد العربيه منك ب 3وهدخلها شركه ب 3.5 وانا مكسبى هيبقى قليل عشان ياخدها اطول فتره والحوارات الفاشله دى كلها وطلع بيدخلها شركه ب4.5 مش 3.5 زى ماقاللى
يعنى هيكسب اكتر منا هكسب منها ..وتقوللى بلاش طمع

بالمناسبه العربيه كيا سيراتو
رد مع اقتباس
  #8  
قديم 19-09-2010, 01:55 PM
د. ضياء ناجى د. ضياء ناجى غير متواجد حالياً
 
تاريخ التسجيل: Sep 2010
المشاركات: 11
د. ضياء ناجى is on a distinguished road
افتراضي رد: استفسارات عن ايجار السيارات(خاص وحصرى لمصر موتورز )


المشاركة الأصلية كتبت بواسطة avwalf مشاهدة المشاركة

ولا تفكر فى مبداء انك تجيب عربية بمقدم 20 الف وقسط شهرى 2500 جنية وتقول انك هتشغلها اربع سنوات يعنى عايز تكسب عربية بعد اربع سنوات تقدر ب 70 الف وكمان كل سنة مبلغ 18 الف دة اكثر من تجارة المخدرات لانك لا تتحمل اى خطورة وكمان عايز تربح بصورة كبيرة ارباح 300% واكثر دة ما يودى ان المشروع بتاعك يفشل واحظر هذا الفكر


ليه انا كنت خلاص ناوي علي كده ايه المشكله في ده!!!؟؟
وايه الفرق ان العربيه اجيبها كاش واجرها او اني اجيبها تقسيط واجرها وادفع قسطها من ايجارها؟؟؟!!
ليه احظر هذا التفكير ارجو الافاده لا ني كنت خلاص علي وشك اني اعمل كده ارجوك تنبهني لاخطار هذا التفكير
انا معرفش ايه اللى ف دماغ سيف او مضايقه عشان يقول كده

الموضوع ماشى كويس مع ناس كتير ومنهم ناس اصحابى وانا نويت ان شاء الله انى اعمل كده .. المشكله بس مع واحد اعرفه ان المكتب بيتاخر عليه ف الايجار مش اكتر

يعنى دى مشكله افراد مش نظام

وربنا يوفقنا كلنا ان شاء الله
رد مع اقتباس
  #9  
قديم 11-10-2010, 10:18 PM
elkomi15 elkomi15 غير متواجد حالياً
 
تاريخ التسجيل: Aug 2009
المشاركات: 36
elkomi15 will become famous soon enoughelkomi15 will become famous soon enough
افتراضي رد: استفسارات عن ايجار السيارات(خاص وحصرى لمصر موتورز )

'طيب الموضوع دة جميل جدا وتكرم علية استاذ سيف انا هاحكى تجربتى معاة اللى لحد دلؤتى الحمد لله ماشية تمام انا معى سيارة موديل حديث بئالها معايا سنة وشهرين حتى الأن
فكرت اسلم السيارة لشركة بترول وسئلت اهل الخبرة فى ذلك الوقت وسمعت قصص من اصحاب عربيات اتغيرلها انصاص بالكامل ولما تيجى تشتكى بتتعامل مع ستف محاميين زى مقال استاذ سيف والعربية بتتبهدل وبتشقى بشكل غير عادى يعنى هتاخدها خردة بعد العقد مايخلص ولو ليك حق مش هاتعرف تاخدة الا بطلوع الروح لأنك بتتعامل مع مؤسسة ودى تجربة وحالة شوفتها فى تويويتا كورلا كانت متأجرة لأحدى شركات الأتصالات واتغيرلها نص كامل -

رجعت عن الفكرة دى وقولت لأ بلاش مش محتاجة
وطبعا انا مش مضطر انى ائجر عربيتى يعنى الحمد لله اتأجرت خير وبركة متأجرتش مش هتفرق كتير
افتكرت بئة صديق لية لما كان معايا عربيتى القديمة وعملت حادث وكنت بروح اخد منة عربية كان بيطلع عينى فى الأستلام والتسليم قولت هو دة راجل محترم وبيخاف على حاجة الناس ومش بيفوت اى حاجة فى العربية
روحت واتكلمت معاة وقالى الأتى واتمنى الناس تستفاد من تجربتى الحالية المستمرة حتى هذا الوقت
قالى لو بالشهر هاخدها منك ب 2800 جنية والصيانة وكل حاجة علية فى العربية
لو بالطلعة هتطلع ب 160 جنية فى اليوم المكتب 30 جنية وانت 130 جنية والصيانة والزيت وكلة عليك وهتشتغل 150 كيلو فى اليوم والكيلو الزيادة بنص جنية

فكرت مع نفسى شوية وقولت لو بعقد مش هاشوف العربية خالص والله واعلم ممكن يحصل فيها اية
قولت اانا اخليها بالطلعة يعنى اسبوع وترجع 10 ايام وترجع وهكذا ودة لية فايدة اول شىء بيدى دخل اعلى وتانى شىء بشوف عربيتى بأستمرار وبشيك عليها واجربها واربط عفشة واعمل صيانة واغير زيت واتابعها بأستمرار
ودة من وجهة نظرى افضل شىء فى الأيجار شرط ان يكون صاحب المعرض شخصية محترمة وقوية وتقدر تجيب حقك لو حصل لاقدر الله حوادث

نيجى بئة لنقطة تانية علشان الناس تستفاد من تجربتى لازم تعرف ان انت سايب حتة حديدة ماشية فى الشارع ودى عربية نزلت السوق والناس مبترحمش يعنى ايلى مأجر عربية عاوز يطلع كل غلبة فيها حتى لو شفتة محترم ومهذب وكل شىء يعنى مش هايهمة اى شىء الا عدد قليل جدا اللى بيحترم العربية كأنها عربيتة
يعنى العربية اتخبطت متزعلش هتصلح وترجع تانى اتقلبت لاقدر الله التأمين هايدفع وايلى خبطها هيصلحهالك برضة ودة وارد وحصل كتير مع صديقى صاحب المعرض وعندة عربيتين لانسر مقلوبين وعند السمكرى بيتغيرلهم انصاص وفيهم عربية هتكلف 42 الف جنية
وصحبها خلاص عرف انها نزلت السوق وبئة عربية شغل وهتدى معاة لمدة 5 سنين لو لانسر او نيسان او اوالنترا وبعدها ينزل يبيعها ويجيب غيرها وهكذا

الخلاصة :
علشان الموضوع دة يجزى معاك وتستفاد منة
اول شىء تدور على مكتب فية شخصية محترمة وقوية
تطلع العربية بالطلعة مش بمدد طويلة وتشوف عربيتك كل فترة وبأستمرار
تحاول دايما متطلعش العربية على طول يعنى تطلعها مثلا اسبوعين وتركبها اسبوعين وفى خلال الأسبوعين دول اى حاجة مش مظبوطة تحاول تعملها وتفهم صاحب المعرض دى العربية عملت فيها كذا وحصل كذا
وان شاء الله لو مشيت بالشكل الحالى هتحافظ عليها ان شاء الله وهتجبلك دخل معقول ومناسب

وانا الحمد لله عربيتى كويسة وبطلعها اسبوع 10 ايام 15 يوم فى الوقت ايلى فاضى فية ومش محتاج العربية لأن الحمد لله عندنا 3 عربيات فى البيت ----
ولو حد معجبنيش او شفتة شاب صغير او مجموعة شباب مثلا ومبرشمين ولا شكلهم مش طبيعى الشهادة لله صاحب المعرض مش بيطلع عربياتة وبيرفض

وافضل نوعيات تركب العربيات المستأجرة من خلال تجربتى مقاول كبير بيشرف على مواقع
دكتور صيدلى مسافر هو واسرتة
شخص كان مسافر وراجع مصر اجازة شهر عاوز عربية يلف بيها البلد
انما ابعد عن الشباب الصغير وطلبة الجامعة والستات واة من الستات مبيخلوش عربية سليمة
وابعد عن الناس الكبار فى السن علشان واخدين على العربيات الادا الناشفة وممكن عصاية الفتيس تطلع فى ايديهم بيتعافو على العربية هههههه

وفى النهاية اتمنى اكون قدرت افيد حضراتكم ولو فى اى استفسار عن الموضوع دة ممكن تكلمونى على الخاص وانا هاقدر افيدكم ان شاء الله بالى مريت بية وشكرا جزيلا
رد مع اقتباس
  #10  
قديم 18-10-2010, 02:39 AM
Doctor1981 Doctor1981 غير متواجد حالياً
 
تاريخ التسجيل: Sep 2010
المشاركات: 5
Doctor1981 is on a distinguished road
افتراضي رد: استفسارات عن ايجار السيارات(خاص وحصرى لمصر موتورز )

تسلم كلامك شافي ووافي
الله يجزاك خير علي التوضيح
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:06 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017