لية دخان ابيض

[tham1010]

عربيتى ماتركس 2001 كورى. المهم مش عندى شكوة منها خالص. اليوم بس دورت العربية ولم أنتظر أكثر من 3 ثوانى وتحركت بالعربية للامام لمسافة 5 متر حتى أستطيع ان افتج الشنظة لان فى عربية كانت خلفها، وتركت العربية تسخن شوية ونزلت انظفها. لاحظت أن الشكمان بيطلع منه دخان أبيض مش كثير يعنى شوية صغيرين خالص فى وضع السلانسية. وبعد ما نظفت شوية ركبت ومشيت ورجعت ركنت ونسيت أشوف الدخان الأبيض. وهنا يأتى السؤال

هل كل دخان ابيض يعنى أن فى مشاكل فى الماتور ويحتاج الماتور لعمرة.

ما هى المظاهر الأخرى غير الدخان الأبيض التى تعرفنا بأن الماتور مش مظبوط؟

هل من الممكن أن يكون الدخان الأبيض بكمية قليلة ناتج عن عدم التسخين للعربية؟

هل لا يجب خروج دخان ابيض خفيف نهائية من الشكمان

للعلم العربية مظبوطة تمام يعنى تدور من اول مرة وصوت الماتور تقريبا مش مسموع وساعات كتير مش بعرف إذا كانت العربية دائرة اصلا من كثير إنخفاض صوت الماتور. كذلك سحب العربية ممتاز يعنى كله تمام,,

أرجو الإفادة من الأعضاء الأعزاء....

[mr_astra]

العبرة بمقاس الزيت يعنى هل الزيت بيقل معاك ولا مستواة ثابت
وانا اعتقد ان الدخان اللى حضرتك شوفتة هو بخار ماء مش دخان ازرق

[NASERELFHHAM]

واضح جدا انه بخار ماء ليس الا

اطمئن

[tham1010]

متشكر لكل من قام بالرد. العربية مش بتاكل زيت خالص. الزيت فى الماتور بقالة حوالى 18 شهر وهى العربية جاية بية وأنا ومش غيرته لسبب أن لونه عسلى كويس ومشيت خلال 18 شهر الماضية حوالى 500 كيلوا لا غير. فقلت لنفسى أن الزيت مش محتاج تغير على الرغم من أنى أشتريت لها زيت فيسكو 2000 وفلتر ولكن لم اقم بعملية تغير الزيت. أنا كل مرة اقيس الزيت خلال السنة والنصف دى عمرة ما نزل عن المعدل وهو فى المنتصف دائما على عصايا القياس بين علامة F , m. درجة الحرارة دائما فى المنتصف لا بتزيد ولا بتنقص. والمؤشر بياخد بتاع 10 دقائق سواقة لحد ما يرفع للمنتصف.

هل فى علامات ثانية تدل على ان الماتور محتاج عمرة غير ان العربية بتاكل زيت؟؟؟

شكرا للإفادة

[tamer.koko]

ممكن يكون الدخان الابيض ده مش الموتور خفيف لاقدر الله ولكن ممكن يبقي جلد الصبابات واعتقد ان ده الارجح