عزيزى قائد السيارة - احترس انت فى مصر ما بعد الثورة

[dr.wael7yran]

المشاركة الأصلية كتبت بواسطة Hamada_El_Sh3er والله يا باشا كلنا بنعاني من الحاجات دي وانا بقى من القاهرة وبشوف أكتر من اللي انت بتشوفه بكتير إيه رأيك لو حكيت ليك موقف صغير كده كنت ممكن اقتل فيه سواق ميكروباص ( في يوم بالليل الساعة 9 تقريباً وقفت عند محل بتاع إكسسوارات عندنا في شارع إسمه أحمد حلمي .. ودخلت أسأل على حاجة وكنت سايب والدتي في العربية وجيت خارج ولسه بفتح الباب وبدور العربية وهطلع لقيت سواق ميكروباص وقف ورايا وتقريباً كان لازق في الأكصدام بتاعي .... المهم هو كان نازل يزود الكاوتش عنده انا روحت وقولتله : ينفع كده يا اسطى .. أبقى خارج وانت تحبسني كده .. يرد ويقولي يعني انت ماتخرجش الا وانا داخل والمشكلة إنه لزق عربيته في عربيتي ولما نزل عشان يدخل المحل بقى ينط من فوق الأكصدامات ... أنا بقيت مذهول من قلة الزوق اللي هوة فيها ... وملقتش كلام اقوله بجد ... كل اللي عملته اني استنيت لحد اما خلص ورجع ورا وخرجني ... بس وانا خارج رخمت عليه ووقفت قدامه في وسط الطريق ) فهو ده بقى الشارع المصري بعد الثورة

بس ؟؟؟؟؟؟
اكيد وجود والدتك هو اللي منع حضرتك ..
بس انا لو كنت مكانك ..
كنت
مع اني من النوع المسالم جدا ...

[MAGEDTOHAMI]

هههههههههههههه حقك ياريس بس في بلدنا لو عشت مؤدب هتاخد على قفاك وهيقولوا ضعيف ولو عشت قليل الادب كتير هياخافوا منك ويقولوا قليل الادب انا في رأيي بيع القضية وتحلى بقليل من الأدب وكثير من قلة الادب وده فالسواقة بالذات لانه بتجيب الضغط والعصبي ووجع الرجلين والشتيمة وكل انواع القرف

[ehabnbd]

المشاركة الأصلية كتبت بواسطة emaratyyy وكمْ ذا بمصرٍ منَ المُضحِكاتِ ولكنهُ ضَحِكٌ كالبُكاءِ

وسُئلتُ عن مصرَ الهرمْ
مصرَ المهابةِ والقيادةِ والهِممْ
مصرَ الصبوحةِ مثلَ طفلٍ يبتسمْ
مصرَ الطليقةِ مثلَ سَيلٍ يَحتدِمْ
مصرَ الأنيقةِ والرقيقةِ
والمليئةِ بالنِّعَمْ
كيفَ ارتضينا حالَها ؟
صارتْ عدَمْ ،
شعبًا كقُطعانِ الغنمْ
مصرَ التي صارتْ ألمْ ،
صارتْ ندمْ

[ehabnbd]

المشاركة الأصلية كتبت بواسطة ahmed_eng2001 احنا مش شاربين و مش متشبعين بالنظام ... بالعكس ... احنا شاربين فوضى و ظلم و لا مبالاة بقالنا سنين كتيرة اوى ... لما يخلص مننا الارث الغريب ده .. و لما تخلص مننا حنوصل لنقطة الصفر .. علشان تخلص مننا الحاجات دى يبقى لازم ننقع نفسنا و نحقن الشعب دائما بالحاجات الكويسة .. علشان كدة قلت لحضرتك مش بعد 10 سنين من الحث المتواصل و المجهود المتواصل ممكن نشوف نتيجة ان شاء الله ... و يدى اولادك و اولادى طولة العمر

انا لست من النوع المتشائم بل على العكس وبالرغم من ذلك ارى مدة 10 سنوات هى مدة قصيرة وسنكون حققنا انجازاً ضخماً لو تحضرنا كشعب خلال 10 سنوات.

وسؤالى ماذا نفعل لنبداء حقن المجتمع بتلك الخصال والصفات الحضارية ؟
انا ومن قبل الثورة بدأت بأولادى

ولكن ماذا عن هؤلاء الذين يأبون ان لا يكونوا الا همجاً وجلدهم لا تخترقة اسنان الابر
واعتقد انهم ليسوا قله

[ehabnbd]

المشاركة الأصلية كتبت بواسطة MAGEDTOHAMI هههههههههههههه حقك ياريس بس في بلدنا لو عشت مؤدب هتاخد على قفاك وهيقولوا ضعيف ولو عشت قليل الادب كتير هياخافوا منك ويقولوا قليل الادب انا في رأيي بيع القضية وتحلى بقليل من الأدب وكثير من قلة الادب وده فالسواقة بالذات لانه بتجيب الضغط والعصبي ووجع الرجلين والشتيمة وكل انواع القرف

يا راجل دا انا قليت ادبى وشتمت سواق نص نقل مفهمش شتيمتى طيب اعملة ايه دا ، هو انا لازم انزل لمستوى "عربجى" علشان يفهمنى