|
#1
03-07-2011, 02:36 AM
|
|||
|
|||
A516 وتكنو سيرفيس الاسكندرية والقائد ابراهيم!!!!!
الحمد لله اولا وقبل كل شيء على كل نعمه مهما كانت صغيرة ام كبيرة
اتشرف بسرد الحكاية الاتية وارجو انى ماازعجش اي كائن كان بداية السيارة ظريفة جدا ومريحة جدا وعملية جدا ماشاء الله فيما عدا بعض الحاجات اللي لو كانت معمولة صح كانت تبقى حكاية واعجوبة من اعاجيب زمن السيارات الروعه ولكن.... المهم عشان ماطولش عليكم اكتر من كدا الحمد لله لقد من الله على بشراء اسبرانزا 516 بالتقسيط (ربنا يسدد ديني ودين المديونين جميعا ...قولو يارب) العربية لما اشترتها كانت عاملة 132 كلم مش عارف حاسس انه رقم كبير لدرجة اني شكيت ان يكون حد اشتراها قبلي ومعجبتوش ورجعها ...هههههههه....المهم اتوكلت على الله وكان عندي سفرية الاسرة للاسكندرية من يوم 21 /6 الماضي ولمدة عشرة ايام اتخذت قرارا باني عشان ماضيعش صيانة الالف الاولى لو قربت منها قولت اعملها في تكنو سيرفيس اللي هناك في اسكندرية وابقى عشان ماتضيعشي عليا لاني لما اتصلت بالخط الساخن للحاج ابو الفتوح طيب الله ثراه على الرقم 19227 قاللي صيانة الالف من 1000 الى 1200 كلم المهم فعلا وانا هناك العربية جابت 900 تقريبا قلت اعملها هناك وخلاص اتصلت يوم السبت الموافق 25 /6 بالخط الساخن واخدت منهم رقم بتاع اسكندرية وهو 0101632870 واتصلت فعلا بالرقم السابق واخدت موعد على الساعه 2.30 يوم الاتنين 27/6 قلت كويس موعد مش وحش وربنا يسهل واخدت طبعا الوصفة بتاعة المكان عشان انا اصلا مش من اسكندرية وخفت اتوه وانا مش ناقص توهان... 7 شارع كلية الطب متفرع من شارع صفية زغلول من ميدان محطة الرمل الحمد لله بدون توهان رحت الاتنين الساعه تقريبا 1.30 ظهرا دخلت بالعربية لقيت الدنيا زحمة شوية قلت يانهار استر يارب انا مش عايز اتاخر وتكون اللي ردت عليا في التليفون ضحكت عليا وقالتلي معاد غلط طبعا كل دا كان اعتقاد خاطئ لاني من اللي شفتة واللي لسة هاحكية بيخلصو العربيات زي الرهوان ليس... ليس(بالشدة على الياء) كله كويس.... المهم انا السبب الرئيسي اللي خلاني حريص اوي على موضوع صيانة الالف دا موضوع شايف انه تافة ورخم وكارثى بالنسبة ليا درج التابلوة مش عايز يتقفل كويس ولازم ارزعه جامد والارخم هو ان اللمبة بتاعة درج التابلوة مش بتنطفي خالص...دا بقى اللي خلاني خفت على البطارية لحسن تفضى.... المهم قابلني مهندس الاستقبال اسمة محمد عبد العال راجل رايق اوي اوي لغاية بعد بكرة الصبح قلتلة عايز اعمل صيانة الالف والمشكلة بتاعة درج التابلوة قاللي ماتقلقش ياباشا كله حايبقى تمام وهانشيك كمان على كل حاجة ونربطلك عفشة كمان قلتله اوكيه اكدت له انى حاجز واخد منى الرخصة وكتيب الضمان وسجل البيانات وعمل امر الشغل وقاللي اتفضل في الاستراحة ساعه وان شاء الله العربية تخلص قعدت انا واخويا في الاستراحة ومنها تقدر تشوف عربيتك دخلت على اي ونش لان المكان صغير نوعا ما دخلت العربية وطلعت على الونش وقعدت ساعه وانا شايفها معلقة والكبوت مفتوح بس فية حائط جانبها مش شايف منه ان كان حد شغال فيها ولا لأ المهم قلت استنى واشوف بعد حوالي 45 دقيقة لقيت الونش بينزل العربية لتحت...قلت ياسلام معقولة خلصو بسرعه كدا المهم قعدت كمان اكتر من ربع ساعة لا حس ولا خبر لقيت المهندس محمد دا جوة قلتله خير قاللي لا تمام هي لسة العربية في ورشة الميكانيكا وبعد مايخلصو هاتروح ورشة الكهربا عشان العيب بتاع درج التابلوة المهم خرج من الاستراحة بصيت لقيت الونش رفع العربية تاني استغربت بصراحة مش هما خلصو ولا كانو بيعملو ايه قبل كدا المهم فضلت مرفوعه شوية بتاع 20 دقيقة كمان وبعدها نزلت ولقيتها رايحة ورشة الكهربا دخلت قلت للفني فيها مشكلة درج التابلوة قاللي اي خدمة شمال يمين بمفك ويعمل الحديدة بتاعة شنكل الدرج لغاية لما اتضبططت وبقى الدرج يقفل بسهولة والنور انطفى فعلا مع اغلاق الدرج المهم لقيتة ماسك اسبراي 40 وبيلف يحط شوية عند اكر الابواب وعند فتحات الزجاج بتاع الاربع ابواب...وعمل شيك على الانوار كلها وقالي تماما اه نسيت اقولكم ان كان قفل السنتر بتاع الباب اللي جانب السائق كان بيعلق اول ماجبت العربية يعني اقفل السنتر يقفل وافتحة مكانش يفتح الا يدويا قعدت المشكلة كذا يوم لغاية لما راحت لوحدها وبقى الباب يفتح ويقفل زيه زي باقي الابواب المهم حاسبت على الزيت موبيل وان والفلتر والضريبة تقريبا 380 جنيه اهم حاجة وانا خارج من التوكيل ماحسيتش باي فرق عن ماكنت داخل مش عارف الشيك اب اللي مفروض عملوة دا اشتغالة ولا حقيقي وكمان مغسلوش العربية زي مادخلت زي ماخرجت المهم بقى والانكت اني تاني يوم بليل نزلت اجيب حاجة من العربية لقيت نور درج التابلوة منور برضة بس الدرج بيقفل من غير رزع بس الكارثة الاساسية مازالت موجودة الا وهى النور اللي شغال دا مش عارف اعمل ايه اسيبة لصيانة ال 5000 كلم ولا اعملة فين...ايه رايكم؟؟.. اخر الكلام...وانا خارج من التوكيل لقيت العصركان اذن وفية جامع بيقيم الصلاة ففوجئت لما صليت فية ان دا هو مسجد القائد ابراهيم...قولت ياااااه هو دا ميدان التحرير بتاع اسكندرية اللي دايما بيطلع منه كل المظاهرات سواء زمان او حتى 25 يناير...فرحت جدا بصراحة اني الحمد لله صليت فية العصر اخيرا دي كانت نهاية حكايتي مع صيانة الاسبرانزا في تكنو سيرفيس اسكندرية وصلاة العصر في مسجد القائد ابراهيم... ملاحظة اخيرة....للاخوة اصحاب السيارة في اسكندرية المركز من اول شهر 7 بقى مواعيدة من 8.30 صباحا حتى 7 مساء بدلا من 5 مساء...دي ورقة شوفتها متعلقة هناك التعديل الأخير تم بواسطة walidelwahsh ; 03-07-2011 الساعة 02:44 AM 
|
|
#2
03-07-2011, 03:57 AM
|
|||
|
|||
رد: A516 وتكنو سيرفيس الاسكندرية والقائد ابراهيم!!!!!
مبدئيا حضرتك نورت اسكندرية و نورت منطقتي ودي حاجة احلي
 و موضوع العربية هو للاسف و حسب ما بسمع انا عموما توكيلات السيارات ايا كانت انواعها وانا اسف في اللفظ " حاجة زبالة " و مفيش ضمير بس للأسف اصحاب السيارات لازم يخدوا موقف حقيقي عشان يبقي في حد من الموضوع ده ..... 
|
|
#4
03-07-2011, 08:51 AM
|
|||
|
|||
|
رد: A516 وتكنو سيرفيس الاسكندرية والقائد ابراهيم!!!!!
اولا الف مليون مبروك يا استاذ وليد علي العربية وربنا يديك خيرها ويكفيك شرها ولو اني مكنتش اتمني انك تجيبها من معرض بس الخيره فيما اختاره الله
المهم دلوقتي اوعي تنتظر علي لمبة التابلوه ديه لحد صيانة ال 5000 انتا تطلع بفاتورة الصيانة علي اي مركز صيانة هنا في القاهره والافضل ابورواش ومتمشيش الا لما المشكلة ديه كلها تتحل ياما يغيرو الدرج باللمبه ومتسبش حقك ولو عايزني معاك قولي انا بحب اتعامل مع بتوع التوكيل اوي بقية خبرة في التعامل معاهم برود + نظرات + تهديدات بصوت منخفض = تاخد حقك تالت ومتلت
|
|
#5
03-07-2011, 09:23 AM
|
||||
|
||||
|
رد: A516 وتكنو سيرفيس الاسكندرية والقائد ابراهيم!!!!!
1- مبروك العربية
2 -نورت اسكندرية 3 -روح على اى مركز صيانة وخلية يشوفلك موضوع لمبة الدرج 4 -عليك حق عرب كبيرررررررررررررررررر قوى ازاى تبقى فى اسكندرية وما تقولش
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
 |
|
|
