سؤال عن مدارس وزارة الداخلية لتعليم القيادة

[hazem_khidr]

اي وحده مرور فيها مركز تدريب قياده
و للعلم مش بتتعلم سواقه ولا حاجه
هيا بتعلمك ازاي تعدي من الاختبار بس
التعليم الحقيقي في الشارع
تشوف اي مدرسه تعليم بره تعلمك علي عربياتها

[engsisi]

المشاركة الأصلية كتبت بواسطة hazem_khidr اي وحده مرور فيها مركز تدريب قياده و للعلم مش بتتعلم سواقه ولا حاجه هيا بتعلمك ازاي تعدي من الاختبار بس التعليم الحقيقي في الشارع تشوف اي مدرسه تعليم بره تعلمك علي عربياتها

دا كلام مظبوط تمام عن تجربه

[Mhsm87]

يا الله مع اني كنت حاطط امل كبير في المدارس بتاعة المرور !!!!
خير ان شاء الله
دة انا كنت ناوي اروح اعمل الكشف انهاردة و اقدم في المرور على تعليم السواقة !!!!
طب يا جماعة في حد هنا من اسكندرية يقولي على مدرسة خاصة بتعلم السواقة الصح ....
و يا ريت كمان تقولولي متوسط الاسعار قد ايه ؟؟؟
و اللي فهمته من كلام اخي الكريم titoboy_tito اني لو قدمت على مدارس المرور يبقى التعليم مدة اسبوع و اروح كمان شهر عشان اطلع الرخصة !!!! هل اللي انا فهمته دة صح ؟؟؟
اتمنى معلش تقليت عليكم ان اي حد من اسكندرية يعرف مدرسة كويسة بتعلم السواقة يقولي عليها و يقولي متوسط الاسعار فيها اد ايه ؟؟؟
و شكراً ليكم و اسف لو طولت و كترت استفساراتي ؟؟؟

[Moh.Osama]

انت بتمتحن فى نهاية اسبوع التعليم الشهر ده فى حالة لا قدر الله معدتش من الامتحان تعيد بعد شهر وهو فعلا زى ماقالوا الاخوة ان هم بيعلموك ازاى تعدى من الامتحان بس وممكن يخليك تتمشى شويه بالعربية وخلاص على كده

[dego_story]

بص يامعلم بجد من احسن مكاتب تعليم السواقة فى اسكندرية مكتب اسمه تالون سنتر دا فى سيدى جابر شارع الحرية ورقم التليفون 5461913 دا بجد يامعلم هيعلمك كل حاجة صح انا اتعلمت عندهم وكمان المدربين اللى هناك كويسين اوى وان شاء اله تروح وتيجى تحكى عملت ايه فى الكورس وربنا يوفقك